ທ່ານ ມິດ ຣອມນີ ຜູ້ສະໝັກເລືອກຕັ້ງຕໍາແໜ່ງປະທານາທິບໍດີສະຫະລັດ ພົບປະກັບ
ທ່ານ David Cameron ນາຍົກລັດຖະມົນຕີອັງກິດ ທີ່ກຸງລອນດອນ ໃນວັນພະຫັດ
ມື້ນີ້ ໃນການເລີ່ມຕົ້ນຢ້ຽມຢາມສາມປະເທດ ທີ່ແນເປົ້າໝາຍໃສ່ການສົ່ງເສີມຊື່ສຽງຂອງ
ທ່ານ ໃນດ້ານນະໂຍບາຍຕ່າງປະເທດ.
ທ່ານ ມິດ ຣອມນີ ທີ່ຄາດກັນວ່າຈະຖືກຄັດເລືອກໃຫ້ເປັນຜູ້ສະມັກເລືອກຕັ້ງປະທານາທິ
ບໍດີ ຕາງໜ້າພັກຣີພັບບລິກັນນັ້ນ ໄດ້ເດີນທາງໄປເຖິງລອນດອນ ເມືອງຫຼວງຂອງອັງກິດ
ເພື່ອວັນພຸດວານນີ້ ເພື່ອພົບປະເຈລະກັບນາຍົກລັດຖະມົນຕີ Cameron ພ້ອມກັບຮອງ
ນາຍົກລັດຖະມົນຕີ Nick Clegg ແລະທ່ານ ໂທນີ ແບຣ ອະດີດນາຍົກລັດຖະມົນຕີອັງກິດ.
ທ່ານມິດ ຣອມນີ ຍັງຈະໄປປາກົດຕົວໃນພິທີເປີດການແຂ່ງຂັນກີລາໂອລິມ ປິກ 2012
ກ່ອນຈະອອກເດີນທາງຕໍ່ໄປຍັງປະເທດອີສຣາແອລ ແລະໂປແລນດ໌.
ໃນເວລານີ້ ທ່ານຣອມນີ ກໍາລັງປະເຊີນກັບຄໍານິນທາກ່ຽວກັບເລຶ່ອງໆນຶ່ງ ເມື່ອບໍ່ດົນ
ມານີ້ ທີ່ລົງພິມໃນໜັງສືພິມ Daily Telegraph ທີ່ໄດ້ອ້າງຄໍາເວົ້າຂອງທີ່ປຶກສາທີ່ບໍ່ຖືກ
ລະບຸຊື່ຄົນນຶ່ງຂອງທ່ານມິດ ຣອມນີ ທີ່ກ່າວວ່າ ທ່ານໂອບາມາ ປະທານາທິບໍດີຜິວດໍາ
ຄົນທໍາອິດຂອງສະຫະລັດ ທີ່ບໍ່ໄດ້ຊື່ນຊົມກັບມູນເຊື້ອມໍລະດົກ Anglo–Saxon ທີ່ມີ
ຮ່ວມກັນ ທີ່ເປັນພື້ນຖານຂອງຄວາມສໍາພັນລະຫວ່າງສະຫະລັດແລະອັງກິດນັ້ນ. ທ່ານ
ໂຈ ບາຍເດັນ ຮອງປະທານາທິບໍດີສະຫະລັດເອີ້ນຄວາມເຫັນດັ່ງກ່າວນັ້ນວ່າ ເປັນຈຸດ
ເລີ່ມຕົ້ນທີ່ສ້າງຄວາມລໍາບາກໃຈ ໃຫ້ແກ່ການຢ້ຽມຢາມຂອງທ່ານມິດ ຣອມນີ.
ໃນຕອນໃຫ້ສໍາພາດກັບ NBC News ນັ້ນ ທ່ານມິດ ຣອມນີ ກ່າວວ່າ ສອງປະເທດ
ສະຫະລັດແລະອັງກິດ ມີຄວາມຜູກພັນນໍາກັນ ແລະທ່ານເຊື່ອວ່າ ປະທານາທິບໍດີໂອບາ
ມາກໍມີທັດສະນະແບບດຽວກັນນີ້.
ວີດິໂອກ່ຽວກັບ ການຢ້ຽມຢາມ ຂອງທ່ານ ຣອມນີ