ລິ້ງ ສຳຫລັບເຂົ້າຫາ

ວັນອັງຄານ, ໑໙ ມີນາ ໒໐໒໔

ຊາວເກົາຫຼີ​ໃຕ້ກຸ່ມ​ນຶ່ງ​ ພາກັນ​ລອຍ​ນໍ້າ​ ໄລຍະ​ 230 ກິ​ໂລ​ແມັດ ໄປຍັງເກາະ ທີ່ຍີ່ປຸ່ນ​ອ້າງເອົາກໍາມະສິດ


ທ່ານ Lee Myung-bak (ຂວາ) ຢ້ຽມຢາມໝູ່ເກາະ Dokdo ໃນເກົາຫລີ ແລະ Takeshima ໃນຍີ່ປຸ່ນ, ໃນວັນທີ 10 ສິງຫາ, 2012.
ທ່ານ Lee Myung-bak (ຂວາ) ຢ້ຽມຢາມໝູ່ເກາະ Dokdo ໃນເກົາຫລີ ແລະ Takeshima ໃນຍີ່ປຸ່ນ, ໃນວັນທີ 10 ສິງຫາ, 2012.

ຊາວເກົາຫຼີ​ໃຕ້ກຸ່ມ​ນຶ່ງ​ໄດ້ພາກັນ​ເລີ່​ມຕົ້ນ​ລອຍ​ນໍ້າ​ ​ແບບ​ປ່ຽນ​ຜຽນ​ກັນ ​ໄລຍະ​ 230 ກິ​ໂລ​ແມັດ ​ຈາກ​ທ່າ​ເຮືອງ​ຝັ່ງ​ຕາ​ເວັນ​ອອກ ໄປ​ຍັງ​ໝູ່ເກາະນຶ່ງ ​ທີ່ຍີ່ປຸ່ນ​ອ້າງ​ເອົາ​ ກໍາມະສິດນໍາ​ນັ້ນ.

ນັກ​ຮ້ອງ Kim Jang-hoon ພ້ອມກັບ​ນັກ​ສຶກສາ​ມະຫາວິທະຍາ​ໄລອີກປະມານ 40 ຄົນ ​ໄດ້​ພາກັນ​ລອຍ​ອອກ​ຈາກ​ທ່າ​ເຮືອ Uljin ​ໃນ​ວັນ​ຈັນ​ມື້​ນີ້ ​ແລະ​ວາງ​ແຜນ​ ທີ່​ຈະ​ໃຫ້​ໄປ​ຮອດ​ໝູ່ເກາະ Dokdo ​ທີ່​ຊາວ​ຍີ່ປຸ່ນ​ເອີ້ນວ່າ Takeshima ນັ້ນ ​ໃນ​ ອີກ 2 ມື້ ຄື​ໃນຕອນ​ບ່າຍວັນ​ພຸດ ​ຈະ​ມາ​ເຖິງ​ນີ້.

ການຂັດ​ແຍ້​ງກັນ​ລະຫວ່າງ​ສອງ​ປະ​ເທດ​ນີ້ ກ່ຽວ​ກັບໝູ່​ເກາະດັ່ງກ່າວທີ່​ເກີດ​ຈາກ​ຫີນໄຟທີ່​ໄຫລ​ມາ​ຈາກ​ພູ​ໄຟເກົ່າທີ່​ບໍ່​ມີ​ຜູ້​ຢູ່​ອາ​ໄສນັ້ນ ​ໄດ້​ເລີ້ມ​ມີ​ມາ​ແບບ​ອ່ອນໆ​ເປັນ​ເວລາ​ຫຼາຍ​ທົດ​ສະ​ວັດມາ​ແລ້ວ​. ການຂັດ​ແຍ້​ງກັນນີ້​ໄດ້ລະ​ເບີດ​ຂຶ້ນ​ມາ​ອີກ​ໃນ​ອາທິດ​ແລ້ວ​ນີ້ ເວລາປະທາ​ນາ​ທິບໍດີ​ເກົາຫລີ​ໃຕ້ ທ່ານ Lee Myuang-bak ​ໄປເບິ່ງ​ໝູ່​ເກາະ​ເຫລົ່າ​ນັ້ນ ​ທາງ​ເຮືອບິນ​ເຮ​ລິ​ຄອບ​ເຕີ.

ຍີ່​ປຸ່ມໄດ້ກ່າວໃນ​ວັນ​ເສົາ​ແລ້ວ​ນີ້​ວ່າ ຕົນ​ຈະເອົາເລື້ອງ​ການ​ຜິດ​ຖຽງ​ກັນ​ທີ່​ມີ​ມາ​ເປັນ​ເວລາ​ຍາວ​ນານດັ່ງກ່າວ​ນີ້ ຂຶ້ນ​ຟ້ອງຕໍ່​ສານ​ນາໆ​ຊາດ​.

XS
SM
MD
LG