ເຈົ້າໜ້າທີ່ຈີນ ກ່າວວ່າ ຈໍານວນຜູ້ຊົມໃຊ້ອີນເຕີແນັດ ໃນປະເທດຈີນ ໄດ້ເພີ້ມຂື້ນກາຍ
500 ລ້ານຄົນແລ້ວ.
ສູນກາງຂ່າວຕາໜ່າງອີນເຕີແນັດຈີນ ກ່າວໃນວັນຈັນມື້ນີ້ວ່າ ປະຊາກອນທີນໍາໃຊ້
ອີນເຕີແນັດ ໄດ້ມີຈໍານວນສູງຂຶ້ນເຖີງ 513 ລ້ານຄົນ ໃນຕອນທ້າຍປີ 2011 ຄື
ເພີ້ມຂື້ນ 12 ເປີເຊັນຈາກປີ 2010 ແລະວ່າ ຕົວເລກຂອງພວກຄົນທີ່ໃຊ້ອິນເຕີແນັດ
ທາງໂທຣະສັບມືຖື ກໍໄດ້ເພີ້ມຂຶ້ນເຖີງ 17 ເປີເຊັນເຄິ່ງ ເປັນ 365 ລ້ານຄົນ.
ເກືອບເຄິ່ງນຶ່ງຂອງປະຊາກອນຜູ້ຊົມໃຊ້ອິນເຕີແນັດຢູ່ໃນຈີນ ແມ່ນພາກັນໃຊ້ micro-
blogs ຊຶ່ງເອີ້ນກັນວ່າ weibos ໃນປະເທດຈີນ. Weibos ແມ່ນຄ້າຍຄືກັນກັບ
Twitter ຊຶ່ງເປັນສື່ທີ່ນິຍົມໃຊ້ເພື່ອໂອ້ລົມກັນຢູ່ທົ່ວໂລກ ແຕ່ວ່າໄດ້ຖືກຫ້າມຢູ່ໃນຈີນ.
