ຜູ້ບັນຊາການຂັ້ນສູງຂອງກຳລັງສະຫະລັດ ໃນອັຟການິສຖານ
ກ່າວຕໍ່ສະພາໃນວັນພະຫັດວານນີ້ວ່າ ການເຝິກແອບກຳລັງ
ອັຟການິສຖານ ຈະໄດ້ຮັບຄວາມລຳບາກທີ່ສຸດ ຖ້າຫາກຈຳ
ນວນທະຫານສະຫະລັດຢູ່ ທີ່ນັ້ນ ຖືກຕັດລົງເຫຼືອພຽງ 5,500
ຄົນຕາມທີ່ປະທານາທິບໍດີ Barack Obama ໄດ້ສະເໜີ.
ປະທານນາທິບໍດີ Obama ກຳລັງວາງແຜນທີ່ຈະຕັດຈຳນວນ
ທະຫານ ສະຫະລັດ ຢູ່ໃນອັຟການິສຖານ ຈາກລະດັບຈຳນວນ
ທີ່ມີຢູ່ໃນປັດຈຸບັນ 9,800 ຄົນ ລົງມາເປັນ 5,500 ຄົນ ພາຍໃນ
ທ້າຍປີ 2016 ນີ້. ແຕ່ ນາຍພົນ John Campbell ໄດ້ກ່າວຕໍ່
ຄະນະກຳມະການ ກອງທັບຂອງສະພາສູງ ວ່າ ນັ້ນແມ່ນໝາຍ
ຄວາມວ່າ ຈະມີການເຝິກແອບເພີ້ມ ຕື່ມ ແຕ່ພຽງ “ໜ້ອຍດຽວ” ໃຫ້ແກ່ທະຫານອັຟການິສ
ຖານ ທີ່ຈະເປັນໄປໄດ້.
ນາຍພົນ Campbell ຜູ້ທີ່ຄາດວ່າ ຈະອອກກິນເບ້ຍບຳນານໃນບໍ່ຊ້ານີ້ ກ່າວວ່າ “ຂ້າພະເຈົ້າຢາກຮັກສາກຳລັງ 9,800 ຄົນໄວ້ ດົນນານເທົ່າທີ່ຂ້າພະເຈົ້າສາມາດ ກ່ອນທີ່ຂ້າພະ
ເຈົ້າ ຈະຫລຸດລົງມາໃຫ້ເຫຼືອ 5,500 ຄົນ.” ແຕ່ທ່ານກ່າວວ່າ ທ່ານກຳລັງຕຽມການຫລຸດ
ຜ່ອນ ສົ່ງທະຫານສະຫະລັດໄປເພີ້ມ “ດັ່ງທີ່ຂ້າພະເຈົ້າໄດ້ຮັບຄຳສັ່ງນັ້ນ."
ພວກຕຳໜິຕິຕຽນໃນສະພາ ກ່ຽວກັບການປະຕິບັດງານທາງທະຫານຂອງປະທານາທິບໍດີ
Obama ຕໍພວກນັກລົບຕາລິບານ ຢູ່ໃນອັຟການິສຖານ ກ່າວວ່າ ການຫລຸດຈຳນວນທະ
ຫານສະຫະລັດ ຈະທຳລາຍຄວາມພະຍາຍາມຂອງອາເມຣິກັນ ໃນລະຍະຍາວທີ່ໄດ້ເລີ້ມ
ຂື້ນບໍ່ດົນຫຼັງຈາກປີ 2001 ທີ່ພວກກໍ່ການຮ້າຍ al-Qaida ໄດ້ໂຈມຕີຢູ່ໃນສະຫະລັດເຮັດ
ໃຫ້ມີຜູ້ເສຍຊີວິດເກືອບ 3,000 ພັນຄົນ.
ສະມາຊິກສະພາສຸງ ສັງກັດພັກຣີພັບບບິກັນຈາກລັດ Arizona ທ່ານ John McCain ທີ່ໄດ້ເສຍໄຊໃນການເລືອກຕັ້ງປະທານາທິບໍດີໃນປີ 2008 ໃຫ້ແກ່ທ່ານ Obama ກ່າວວ່າ
ການຫລຸດກຳລັງທະຫານລົງ ຈະບໍ່ສາມາດປະຕິບັດໜ້າທີ່ສອງຢ່າງໃນການເຝິກແອບທະ
ຫານອັຟ ການິສຖານ ແລະປະຕິບັດງານຕ້ານການກໍ່ການຮ້າຍໄດ້.
