Argentina ໄວ້ອາໄລ ໃຫ້ຜູ້ເສຍຊີວິດ ຍ້ອນ ໄພນໍ້າຖ້ວມ (ວີດິໂອ)

Argentina ກໍາລັງທໍາການໄວ້ອາໄລເປັນເວລາ 3 ວັນ ຕໍ່ການ
ເສຍຊີວິດຂອງ ຢ່າງໜ້ອຍ 52 ຄົນ ໃນໄພນໍ້າຖ້ວມທີ່ເກີດຈາກ
ຝົນຕົກໜັກເປັນເວລາຫລາຍວັນ.

ພວກເຈົ້າໜ້າທີ່ເວົ້າວ່າ 46 ຄົນເສຍຊີວິດໄປໃນເມືອງ LaPlata
ແລະຜູ້ໄດ້ ຮັບເຄາະຮ້າຍອີກ 6 ຄົນ ແມ່ນເສຍຊີວິດຢູ່ບໍ່ໄກປານໃດ
ຄືທີ່ນະຄອນຫລວງ Buenos Aires.

ຫລັງຈາກມີການສໍາຫລວດຄວາມເສຍຫາຍໃນເມືອງ LaPlata
ໃນວັນພຸດ ວານນີ້ແລ້ວ ທ່ານນາງ Christina Fernandez ປະ
ທານາທິບໍດີ Argentina ຮຽກຮ້ອງໃຫ້ມີການລາດຕະເວນຂອງຕໍາຫລວດເພີ້ມຂຶ້ນ ເພື່ອປ້ອງກັນຊີວິດ ແລະຊັບສິນຂອງປະຊາຊົນ.

ນອກນັ້ນ ທ່ານນາງຍັງໃຫ້ຄໍາໝັ້ນສັນຍາວ່າ ຈະຊ່ວຍໃນການພິສູດສົບພວກເຄາະຮ້າຍ. ອົງ
ການສະພາກາແດງຂອງ Argentina ກໍາລັງໃຫ້ການຊ່ວຍ ເຫລືອແບບສຸກເສີນຕໍ່ພວກທີ່
ອົບພະຍົບຫລົບໄພນໍ້າຖ້ວມດັ່ງກ່າວ.

ເບິ່ງວີດິໂອກ່ຽວຂ້ອງກັບຂ່າວນີ້: