ບໍລິສັດ APPLE ເວົ້າວ່າ ຕົນໄດ້ງົດການຂາຍໂທລະສັບ iPhone ລຸ້ນຫລ້າສຸດຢູ່ຈີນໄວ້ ພາຍຫລັງທີ່ພວກລູກຄ້າທີ່ລໍຖ້າການນໍາເອົາອຸປະກອນໃໝ່ອັນນີ້ ອອກມາຂາຍນັ້ນ ໄດ້ຕີ ກັບພວກຄົນຍາມທີ່ຮັກສາຄວາມປອດໄພ ແລະກໍໄດ້ ໂຍນໄຂ່ໃສ່ພະນັກງານໃນຮ້ານຄ້າ
ຂອງບໍລິສັດ ຢູ່ນະຄອນຫຼວງປັກກິ່ງ.
ພວກທີ່ໄປຊື້ເຄື່ອງທັງຫຼາຍ ທີ່ໄດ້ໄປຢືນລໍຖ້າເປັນຫລາຍຊົ່ວໂມງ ຢູ່ນອກຮ້ານເພື່ອຈະຊື້
iPhone ໃໝ່ ລຸ້ນ 4S ນັ້ນ ເກີດມີຄວາມໂກດແຄ້ນ ລຸນຫລັງໄດ້ຍິນວ່າ ພວກເຂົາເຈົ້າ
ຈະຊື້ໂທລະສັບອັນນີ້ບໍ່ໄດ້.
ໂຄສົກຂອງບໍລິສັດ APPLE ຄົນນຶ່ງກ່າວໃນວັນສຸກມື້ນີ້ວ່າ ການເຄື່ອນໄຫວດັ່ງກ່າວ ແມ່ນເພື່ອເປັນການຮັບປະກັນຄວາມປອດໄພຂອງລູກຄ້າ ແລະພະນັກງານຂອງຕົນ.
ທາງບໍລິສັດເວົ້າວ່າ ບໍລິສັດສາຂາຂອງຕົນຢູ່ທີ່ຈີນໄດ້ຂາຍໂທລະສັບ iPhone ໝົດແລ້ວ
ແຕ່ກໍໄດ້ເວົ້າວ່າ ລູກຄ້າສາມາດຊື້ອຸປະກອນດັ່ງກ່າວໄດ້ ໂດຍຜ່ານ ທາງອິນເຕີແນັດ
ຫລືຜ່ານຮ້າຍຂາຍຍ່ອຍ ທີ່ໄດ້ຮັບອານຸຍາດຈາກບໍລິສັດ.
