ລັດຖະມົນຕີກະຊວງຍຸຕິທຳສະຫະລັດ ທ່ານ Jeff Sessions ກ່າວວ່າ ທ່ານຈະຂໍຮ້ອງ
ໃຫ້ສານສູງສຸດ ທົບທວນເບິ່ງການຕັດສິນຂອງສານອຸທອນ ທີ່ກີດກັ້ນ ດຳລັດຂອງປະ
ທານາທິບໍດີດໍໂນລ ທຣໍາ ຊຶ່ງສັ່ງໃຫ້ຈຳກັດການເດີນທາງຜູ້ຄົນຈາກຫົກປະເທດ ທີ່ສ່ວນ
ໃຫຍ່ເປັນຊາວມຸສລິມ.
ທ່ານ Sessions ໄດ້ອອກຖະແຫຼງການ ໃນວັນພະຫັດວານນີ້ ກ່າວວ່າ “ດຳລັດຂອງປະທານາທິບໍດີທຣໍາ ແມ່ນຢູ່ພາຍໃນຂອບເຂດທາງກົດໝາຍຂອງອຳນາດທ່ານທີ່ຈະ
ຮັກສາປະເທດຊາດໃຫ້ມີຄວາມປອດໄພ.”
ທ່ານກ່າວຕໍ່ໄປວ່າ “ກະຊວງຍຸຕິທຳບໍ່ເຫັນພ້ອມຢ່າງແຮງຕໍ່ການຕັດສິນຂອງສານທີ່ມີ
ການແບ່ງແຍກ ຊຶ່ງໄດ້ຂັດຂວາງ ຄວາມພະຍາຍາມຂອງປະທານາທິບໍດີ ໃນການເພີ້ມ
ປະສິດທິພາບໃນການຮັກສາຄວາມປອດໄພຂອງປະເທດ. ປະທານາທິ ບໍດີບໍ່ຈຳເປັນ
ທີ່ຕ້ອງຮັບເອົາຜູ້ຄົນ ມາຈາກບັນດາປະເທດ ທີ່ໃຫ້ການສະໜັບສະ ໜູນ ຫລືໃຫ້ບ່ອນ
ຢູ່ອາໄສແກ່ພວກກໍ່ການຮ້າຍ ຈົນກວ່າທ່ານພິຈາລະນາເຫັນວ່າ ເຂົາເຈົ້າສາມາດໄດ້
ຮັບກວດສອບຢ່າງເໝາະສົມແລະບໍ່ມີຄວາມສ່ຽງໃນການເປັນໄພຂົ່ມຂູ່ຕໍ່ຄວາມປອດ
ໄພຂອງສະຫະລັດ.”
ທ່ານໄດ້ສະຫລຸບຖະແຫລງການ ດ້ວຍການໃຫ້ສັນຍາວ່າ ຈະຂໍໃຫ້ສານສູງສຸດທົບ
ທວນເບິ່ງການຕັດສິນດັ່ງກ່າວ.
ທ່ານ Sessions ໄດ້ຕອບໂຕ້ຕໍ່ການຕັດສິນກ່ອນໜ້ານັ້ນຂອງສານອຸທອນລັດຖະບານ
ກາງທີ່ນະຄອນ Richmond ລັດ Virginia.
ໃນການຕັດສິນໃນວັນພະຫັດວານນີ້ ສານອຸທອນເຂດສີ່ ກ່າວວ່າ ດຳລັດສະບັບນີ້ກໍເທົ່າ
ກັບເປັນການຫ້າມຊາວມຸສລິມ. ບັນດາຜູ້ພິພາກສາສານອຸທອນ ກ່າວຢູ່ໃນຄຳຕັດສິນທີ່
ມີທັງໝົດ 205 ໜ້ານັ້ນວ່າ “ເພື່ອແຈ້ງໃຫ້ຊາບ ດຳລັດດັ່ງກ່າວນີ້ບໍ່ມີຫຍັງຫລາຍໄປກວ່າ
ອັນທີ່ປະທານາທິບໍດີໄດ້ໃຫ້ຄຳໝັ້ນສັນຍາໄວ້ກ່ອນແລະ ຫລັງຈາກການເລືອກຕັ້ງຂອງທ່ານນັ້ນກໍຄືການຈຳແນກກີດກັນຕໍ່ຊາວມຸສລິມຢ່າງ ເປີດແປນ”.
ສ່ວນໃຫຍ່ຂອງຜູ້ພິພາກສາ 13 ຄົນ ທີ່ຕັດສິນຄະດີນີ້ ໄດ້ອ້າງການສົ່ງຂໍ້ຄວາມ ທາງ T
witter ການໃຫ້ສຳພາດທາງໂທລະພາບ ແລະຄຳເວົ້າ ທີ່ຢູ່ໃນໜ້າເວັບໄຊໂຄສະນາຫາ
ສຽງຂອງທ່ານ ວ່າເປັນຫຼັກຖານກ່ຽວກັບຄວາມຕັ້ງໃຈຂອງທ່ານ. ຜູ້ພິພາກສາສາມຄົນທີ່
ບໍ່ເຫັນພ້ອມຍ້ອນໃຫ້ເຫດຜົນວ່າ ດຳລັດນີ້ບໍ່ໄດ້ກ່າວເຖິງສາສະໜາແຕ່ຢ່າງໃດ.
