ລິ້ງ ສຳຫລັບເຂົ້າຫາ

ທ່ານໂອບາມາເດີນທາງ ກັບຄືນສະຫະລັດແລ້ວ

  • ບົວສະຫວັນ

ທ່ານ ປະທານາທິບໍດີ ໂອບາມາ ຍິ້ມໃສ່ພວກນັກຂ່າວ ໃນຂະນະທີ່ທ່ານເລີກພັກຜ່ອນຮ່ວມກັບ ບັນດາຜູ້ນຳ ຂອງປະເທດຕ່າງໆ ທີ່ໄດ້ເຂົ້າຮ່ວມກອງປະຊຸມສຸດຍອດ APEC ທີ່ນະຄອນໂຢໂກຮາມາ ປະເທດຍີ່ປຸ່ນ ໃນວັນ ເສົາທີ 13, ນຶ່ງມື້ ກ່ອນໜ້າຈະເດີນທາງກັບຄືນມານະຄອນຫລວງວໍຊິງຕັນ ໃນຕອນບ່າຍໆ ຂອງວັນອາທິດ

ປະທານາທິບໍດີສະຫະລັດ ທ່ານ ບາຣັກ ໂອບາມາ ໄດ້
ເດີນທາງອອກຈາກຍີ່ປຸ່ນ ກັບ ຄືນສະຫະລັດແລ້ວ ຊຶ່ງ
ເປັນການສິ້ນສຸດຂອງການຢ້ຽມຢາມ ຂົງເຂດເອເຊຍເປັນ
ເວລາ 10 ວັນ ທີ່ສຸມໃສ່ການເສດຖະກິດເປັນສ່ວນໃຫຍ່.

ລາຍການເດີນທາງຂອງປະທານາທິບໍດີ ໂອບາມາ ແມ່ນ
ເລີ່ມຕົ້ນທີ່ປະເທດອິນເດຍ ອັນເປັນບ່ອນທີ່ທ່ານໄດ້ເຊັນ
ສັນຍາການຄ້າຫລາຍໆ ສະບັບ.

ອອກຈາກອິນເດຍ ທ່ານໄດ້ໄປຢຸດແວ່ ທີ່ປະເທດອິນໂດ
ເນເຊຍ ບ່ອນທີ່ທ່ານ​ໄດ້​ອາ​ໃສ​ຢູ່​ເປັນ​ເວລາ 4 ປີ ຕອນ
ເປັນເດັກນອ້ຍໃນຊຸມປີ 1960ນັ້ນ. ທ່ານໄດ້ບອກພວກ
ນັກສຶກສາ ມະຫາວິທະຍາໄລທີ່ນະຄອນຫລວງຢາກາຕ້າ
ວ່າ ອິນໂດເນເຊຍເປັນສ່ວນນຶ່ງຂອງທ່ານ ແລະວ່າສະຫະ
ລັດບໍ່ໄດ້ທໍາ ແລະກໍຈະບໍ່ທໍາສົງຄາມກັບອີສລາມ.

ຈາກອິນໂດເນເຊຍ ປະທານາທິບໍດີ ໂອບາມາ ໄດ້ເດີນທາງຕໍ່ໄປຍັງກຸງໂຊລ ປະເທດ ເກົາ
ຫລີໃຕ້ ເພື່ອເຂົ້າຮ່ວມກອງປະຊຸມສຸດຍອດ G20 ຢູ່ທີ່ນັ້ນ ແລະຫລັງຈາກນັ້ນ ກໍເດີນທາງ
ໄປນະຄອນໂຢໂກຮາມາ ປະເທດຍີ່ປຸ່ນ ເພື່ອເຂົ້າຮ່ວມປະຊຸມສຸດຍອດເອເປັກ.

ບ່ອນຢຸດແວ່ຢ້ຽມຢາມແຫ່ງສຸດທ້າຍໃນຍີ່ປຸ່ນຂອງທ່ານໂອບາມາແມ່ນ ສະຖານພະພຸດທະຮູບ
ໃຫຍ່ ໃນເມືອງ Kanakura ຊຶ່ງເປັນບ່ອນທີ່ ທ່ານເຄີຍໄດ້​ໄປຢ້ຽມຢາມ ສະໄໝທ່ານເປັນ
ເດັກນ້ອຍ.

ທ່ານໂອບາມາຈະເດີນທາງມາເຖິງນະຄອນຫລວງວໍຊິງຕັນຕອນບ່າຍໆ ຂອງວັນອາທິດມື້ນີ້
ຫລືສວາຍໆ​ ເຊົ້າວັນຈັນຕາມເວລາໃນເມືອງລາວ.

XS
SM
MD
LG