ພວກຜູ້ນຳຈາກ 21 ປະເທດ ພວມໄປເຕົ້າໂຮມກັນທີ່ນະ
ຄອນໂຢໂກຮາມາປະເທດຍີ່ປຸ່ນ ໃນວັນສຸກມື້ນີ້ ເພື່ອເຂົ້າ
ຮ່ວມກອງປະຊຸມສຸດຍອດ ເປັນເວລາ 2 ມື້ຂອງອົງການ
ການຮ່ວມມືທາງດ້ານເສດຖະກິດໃນເຂດເອເຊຍປາຊີຟິກ
ຫຼື APEC.
ພວກຜູ້ນຳຂອງປະເທດເຫຼົ່ານີ້ກຳລັງປະຊຸມກັນ ລຸນຫຼັງ
ກອງປະຊຸມສຸດຍອດຂອງກຸ່ມຈີ 20 ທີ່ກຸງໂຊລ ບ່ອນທີ່
ຄວາມບໍ່ກໍ້າເກິ່ງທາງດ້ານການຄ້າ ແລະຄວາມເຄັ່ງຕຶງ
ທາງດ້ານເງິນຕາ ຄອບງຳການສົນທະນາຫາລື ຂອງ
ພວກຜູ້ນໍາຈາກ 20 ປະ ເທດທີ່ມີເສດຖະກິດໃຫຍ່ສຸດ
ໃນໂລກ.
ລັດຖະມົນຕີການຕ່າງປະເທດຍີ່ປຸ່ນທ່ານ Seiji Maehara ໄດ້ດຳເນີນງານເພື່ອໃຫ້ມີການ
ເພັ່ງເລັງໃສ່ເລື່ອງການຄ້າ ໃນກອງປະຊຸມສຸດຍອດ ຂອງອົງການ A-PEC.
ທ່ານ Maehara ເວົ້າວ່າ ທ່ານໄດ້ຮັບມອບໝາຍໃຫ້ສ້າງຕັ້ງເຂດການຄ້າເສລີທີ່ເຊື່ອມໂຍງ
ກັບທຸກໆປະເທດໃນເຂດເອເຊຍປາຊີຟິກ ແຕ່ທ່ານກໍກ່າວຢໍ້າວ່າ ເປົ້າ ໝາຍທີ່ວ່ານີ້ບໍ່ພຽງ
ແຕ່ຈະຊ່ອຍບັນດາປະເທດສະມາຊິກຂອງອົງການ APEC ທໍ່ນັ້ນ ແຕ່ຍັງຈະຊ່ອຍເສດຖະ
ກິດຂອງໂລກນຳດ້ວຍ.
ສະຫະລັດກ່າວວ່າ ກຸ່ມພາຄີຂ້າມມະຫາສະມຸດປາຊີຟິກທີ່ເອີ້ນຫຍໍ້ວ່າ TPP ນັ້ນແມ່ນບາດ
ກ້າວທຳອິດໄປສູ່ການສ້າງຕັ້ງເຂດການຄ້າເສລີ ຂອງບັນດາປະເທດສະມາຊິກອົງການ
APEC. ກຸ່ມພາຄີຂ້າມມະຫາສະມຸດປາຊີຟິກ ມີເປົ້າໝາຍແນໃສ່ ເພື່ອຍົກເລີກພາສີນຳເຂົ້າ
ສຳລັບປະເທດສະມາຊິກຂອງກຸ່ມທີ່ມີຮວມທັງຍີ່ປຸ່ນແລະອອສເຕຣເລຍນັ້ນ.
