ບັນດາຜູ້ນໍາປະເທດໃນຂົງເຂດເອເຊຍປາຊີຟິກ ໄດ້ຕົກລົງກັນເອົາມາດຕະການຫລາຍ
ຢ່າງ ເພື່ອສົ່ງເສີມການເຕີບໂຕທາງດ້ານເສດຖະກິດ ຮວມທັງການເຮັດໃຫ້ກົດລະບຽບ
ການຄ້າງ່າຍລົງ ແລະຕັດຄ່າພາສີສິນຄ້າພະລັງງານສີຂຽວນັ້ນ.
ປະທານາທິບໍດີສະຫະລັດ ທ່ານບາຣັກ ໂອບາມາ ໄດ້ເປັນເຈົ້າພາບຮັບຕ້ອນພວກຜູ້ນໍາ
ຈາກ 20 ປະເທດອື່ນໆໃນກອງປະຊຸມສຸດຍອດຂອງສະພາຮ່ວມມືເສດຖະກິດແຫ່ງຂົງ
ເຂດເອເຊຍປາຊີຟິກໃນວັນອາທິດວານນີ້ ທີ່ລັດຮາວາຍ.
ທ່ານໂອບາມາກ່າວວ່າ ຄວາມຄືບໜ້າທີ່ໄດ້ບັນລຸກັນທີ່ລັດຮາວາຍໃນວັນອາທິດວານນີ້
ຈະສ້າງໜ້າວຽກແລະຮັກສາໃຫ້ສະຫະລັດເຂົ້າແຂ່ງ ຂັນໄດ້ ຊຶ່ງທ່ານໂອບາມາກ່າວຕໍ່ໄປ
ວ່າ ການເຮັດໃຫ້ເສດຖະກິດຂອງສະຫະລັດເຕີບໂຕໄວຂຶ້ນນັ້ນ ແມ່ນນຶ່ງໃນບັນດາສິ່ງທີ່
ດີທີ່ສຸດທີ່ສະຫະ ລັດສາມາດເຮັດ ເພື່ອເສດຖະກິດໂລກໄດ້.
ທ່ານໂອບາມາເວົ້າວ່າ “ບໍ່ມີຂົງເຂດອື່ນໃດທີ່ຈະກະທໍາໄດ້ຫລາຍໄປກວ່າ
ຂົງເຂດເອເຊຍເຊຍປາຊີຟິກ ເພື່ອຫລໍ່ຫລອມອະນາຄົດດ້ານເສດຖະກິດໄລ
ຍະຍາວຫລາຍຂອງພວກເຮົານັ້ນ. ດັ່ງທີ່ຂ້າພະເຈົ້າໄດ້ກ່າວແລ້ວ ສະຫະ
ລັດແມ່ນເປັນປະເທດໃນຂົງເຂດປາຊີຟິກແລະກໍຈະເປັນຕະຫລອດໄປ. ພາຄີການຄ້າລະດັບສູງຂອງພວກເຮົາຫລາຍໆປະເທດແມ່ນຢູ່ໃນຂົງເຂດ
ນີ້. ເຂດນີ້ແມ່ນບ່ອນທີ່ພວກຂາຍສິນຄ້າສົ່ງອອກຂອງພວກເຮົາຊຶ່ງສະໜັບ
ສະໜຸນໜ້າວຽກສໍາລັບຄົນອາເມຣິກັນ ປະມານ 5 ລ້ານວຽກ.ເນື່ອງຈາກ
ຂົງເຂດນີ້ ເປັນເຂດທີ່ມີການເສດຖະກິດເຕີບໂຕຂຶ້ນໄວທີ່ສຸດໃໂລກ ຂົງເຂດ
ເອເຊຍປາຊີ ຟິກ ແມ່ນເປັນລູກກະແຈສໍາຄັນສໍາລັບບັນລຸເປົ້າໝາຍຂອງຂ້າ
ພະເຈົ້າໃນການເພີ່ມສິນຄ້າສົ່ງອອກຂຶ້ນເປັນສອງເທົ່າ.”
ໃນຄໍາປະກາດຂອງກອງປະຊຸມສຸດຍອດຂອງພວກເຂົາເຈົ້ານັ້ນ ບັນດາຜູ້ນໍາ 21 ປະເທດ
ສະມາຊິກຂອງກຸ່ມເອເປັກກ່າວວ່າ ບັດນີ້ຂົງເຂດນີ້ແມ່ນເປັນກອງໜ້າສໍາລັບການເຕີບໂຕ
ຂອງໂລກ ຍ້ອນຄວາມຄືບໜ້າທີ່ໄດ້ດໍາເນີນມາກ່ອນແລ້ວ ໃນການຜູກສາຍພົວພັນດ້ານ
ເສດຖະກິດແລະການຄ້າເສລີ ທີ່ໃກ້ຊິດຂຶ້ນນັ້ນ.
