ເລຂາທິການໃຫຍ່ ສະຫະປະຊາຊາດ ສັນລະເສີນການລົງໂທດ
ອະດີດຜູ້ນຳ ຂອງຊາວເຊີເບຍ ໃນ Bosnia ທ່ານ Radovan
Karadzic ໃນວັນພະຫັດວານນີ້ວ່າມີຄວາມສຳຄັນຄັ້ງປະຫວັດ
ສາດ “ສຳລັບປະຊາຊົນ ຢູ່ໃນຂົງເຂດ ແລະນອກເໜືອໄປກວ່າ
ນັ້ນ ຕະຫລອດທັງການດຳເນີນຄະດີ ຂອງສານສາກົນ.”
ທ່ານ Ban Ki-moon ກ່າວວ່າ ການຕັດສິນນີ້ ສະແດງໃຫ້ເຫັນ
ອີກຄັ້ງໜຶ່ງວ່າ “ບັນດາຜູ້ຫຼົບລີ້ໜີກົດໝາຍ ບໍ່ສາມາດໜີພົ້ນໄປ
ຈາກ ການຕັດສິນໃຈ ຮ່ວມກັນ ຂອງປະຊາຄົມສາກົນ ເພື່ອໃຫ້
ເປັນທີ່ແນ່ນອນວ່າ ເຂົາເຈົ້າຖືກນຳໂຕມາລົງໂທດ ອີງຕາມກົດ
ໝາຍ.”
ສານອາຊາຍາສາກົນຂອງສະຫະປະຊາຊາດ ສຳລັບອະດີດ Yugoslavia ໄດ້ຕັດສິນລົງ
ໂທດທ່ານ Karadzic ໃນຂໍ້ຫາຂ້າລ້າງເຊື້ອຊາດເຜົ່າພັນ ແລະຂໍ້ຫາອື່ນໆອີກເກົ້າຂໍ້ ແລະ
ຕັດສິນລົງໂທດທ່ານໃຫ້ຕິດຄຸກ 40 ປີ.
ສານໄດ້ພົບເຫັນວ່າ ທ່ານ Karadzic ອາຍຸ 70 ປີ ມີຄວາມຜິດໃນການຂ້າລ້າງເຊື້ອຊາດ
ເຜົ່າພັນ ຊາວ Serbia ຢູ່ໃນ Bosnia ໃນສົງຄາມ ແຕ່ປີ 1992 ຫາປີ 1995 ທີ່ເຮັດໃຫ້
100.000 ຄົນເສຍຊີວິດ.
ສານອາຍາສະຫະປະຊາຊາດ ກ່າວວ່າ ທ່ານ Karadzic ມີຄວາມຜິດໃນການຮັບຜິດຊອບ
ຕໍ່ການຂ້າລ້າງເຜົ່າພັນຊາວ Serbia ໃນປີ 1995 ເວລາກຳລັງ Serbia ສັງຫານຜູ້ຊາຍ
ແລະເດັກຊາຍ ຊາວມຸສລິມ 8,000 ຄົນ ໃນອັນທີ່ຮ້ອງວ່າ ເປັນຄວາມໂຫດຮ້າຍທີ່ສຸດໃນ
ຢູໂຣບ ນັບຕັ້ງແຕ່ໄດ້ມີການຂ້າລ້າງເຊື້ອ ຊາດເຜົ່າພັນຊາວຢິວເປັນຕົ້ນມາ.
ຜູ້ພິພາກສາຕັດທີ່ເປັນປະທານໃນການຄັດສິນຄະດີທ່ານ O-Gon Kwon ກ່າວວ່າ ຖ້າ
ປາດສະຈາກ ການໃຫ້ຄວາມສະໜັບສະໜູນຕໍ່ທ່ານ Karadzic ແລ້ວການຂ້າລ້າງເຊື້ອ
ຊາດເຜົ່າພັນທີ່ເມືອງ Srebenica ບໍ່ສາມາດເກີດຂຶ້ນໄດ້.
ເຖິງຢ່າງໃດກໍດີ ທ່ານ Karadzic ບໍ່ໄດ້ພົບເຫັນວ່າມີຄວາມຜິດ ໂດຍສານນະຄອນ
Hague ໃນຂໍ້ຫາຂ້າລ້າງເຊື້ອຊາດເຜົ່າພັນ ໃນການປຸກລະດົມເພື່ອຂັບໄລ່ຊາວມຸສລິມ
ແລະຊາວ Croatia ໃນບອສເນຍ ອອກຈາກບັນດາໝູ່ບ້ານທີ່ກຳລັງຊາວ Serbia
ເຂົ້າຢຶດ ໃນລະຫວ່າງທີ່ເກີດການຂັດແຍ້ງກັນນັ້ນ.
ໃນນາມເປັນຜູ້ນຳສູງສຸດຂອງຊາວ Serbia ໃນ Bosnia ທ່ານ Karadzic ມີຄວາມ
ຮັບຜິດຊອບ ໃນລະຫວ່າງສົງຄາມຢູ່ໃນ Bosnia ຮວມທັງການດູແລເບິ່ງແຍງກຳລັງ
ຂອງຊາວ Serbia ໃນ Bosnia. ຜູ້ບັນຊາການທະຫານຢ່າງເປັນ ທາງການ ຄືອະດີດ
ນາຍພົນ Ratko Mladic ກໍໄດ້ຖືກດຳເນີນຄະດີໃນຂໍ້ຫາຂ້າ ລ້າງເຊື້ອຊາດເຜົ່າພັນ ຢູ່
ສານນະຄອນ Hague ຄືກັນ.
