ຕຳຫລວດອິນເດຍກ່າວໃນວັນສຸກມື້ນີ້ວ່າ ເຂົາເຈົ້າໄດ້ຈັບເຈົ້າໜ້າທີ່ຫ້າຄົນ ຂອງບໍລິສັດກໍ່ ສ້າງຂົວ ທີ່ໄດ້ຫັກພັງລົງມາ ໃນວັນພະຫັດວານນີ້ ຢູ່ທີ່ເມືອງ Kolkata ທາງພາກຕາເວັນອອກຂອງປະເທດ ເຮັດໃຫ້ມີຜູ້ເສຍຊີວິດຢ່າງໜ້ອຍ 23 ຄົນ ແລະໄດ້ຮັບບາດເຈັບກວ່າ 80 ຄົນ.
ໃນຕອນເຊົ້າວັນສຸກມື້ນີ້ ຕຳຫລວດກ່າວວ່າ ເຂົາເຈົ້າໄດ້ເປີດຄະດີການຂ້າຄົນຕໍ່ ບໍລິສັດກໍ່ສ້າງດັ່ງກ່າວ.
ໃນຂະນະທີ່ການປະຕິບັດງານກູ້ໄພໄດ້ດຳເນີນຕະຫລອດຄືນ ບັນດາເຈົ້າໜ້າທີ່ ກ່າວວ່າ ການປະຕິບັດງານໃນເວລານີ້ ແມ່ນແນໃສ່ເພື່ອເກັບກູ້ເອົາຊາກສົບ.
ທ່ານ Javed Ahmed Khan ລັດຖະມົນຕີຄຸ້ມຄອງໄພພິບັດ ຂອງລັດ Bengal ຕາເວັນ ຕົກກ່າວວ່າ ຈຳນວນຜູ້ເສຍຊີວິດຄາດວ່າຈະເພີ້ໃຊຶ້ຍເນື່ອງຈາກມີຜູ້ໄດ້ຮັບບາດເຈັບຢ່າງ ຫລວງຫລາຍ.
ພວກຄົນງານພາກັນເທຊິມັງເວລາ ຊິ້ນສ່ວນຂອງຂົວທີ່ຍາວ 100 ແມັດ ໄດ້ຫັກພັງລົງມາ ໃນທັນໃດ ໃສ່ຝູງຊົນທີ່ໜາແໜ້ນຢູ່ຕາມຖະໜົນຂ້າງລຸ່ມ.
ບັນດາເຈົ້າໜ້າທີ່ກູ້ໄພ ຈາກໜ່ວຍຮັບມືກັບໄພພິບັດສຸກເສີນແຫ່ງຊາດ ຂອງອິນເດຍ ຫລື NDRF ແລະມີການສົ່ງທະຫານ ໄປໃຫ້ການຊ່ວຍເຫລືອ ໃນຄວາມພະຍາມກູ້ໄພ. ກ່ອນ ພວກເຈົ້າໜ້າທີ່ກູ້ໄພແລະທະຫານມາເຖິງນັ້ນ ພວກຊາວບ້ານ ແລະພວກດັບເພີງໄດ້ພະ ຍາຍາມຊ່ວຍພວກທີ່ຖືກທັບຈາກຊິ້ນສ່ວນຂອງຂົວໂດຍທີ່ຫຼາຍໆຄົນໄດ້ພາກັນໃຊ້ມືເປົ່າ.
