ອົງການຂ່າວ AP ອ້າງຄຳເວົ້າເຈົ້າໜ້າທີ່ລັດຖະບານທ່ານທຣໍາ ທີ່ບໍ່ປະສົງບອກຊື່ວ່າ
ທຳນຽບຫ້າແຈ ຈະສົ່ງກຳລັງອາເມຣິກັນຕື່ມອີກເກືອບ 4,000 ຄົນໄປຍັງອັຟການິສຖານ
ເພື່ອຊ່ວຍປະເທດເອເຊຍໃຕ້ດັ່ງກ່າວ ສູ້ລົບກັບພວກກະບົດຕາລີບານ ທີ່ຟື້ນໂຕຄືນມາ
ໃໝ່.
ຈຳນວນດັ່ງກ່າວນີ້ ແມ່ນຄ້າຍຄືກັບລາຍງານເທື່ອກ່ອນ ຈາກເຈົ້າໜ້າທີ່ຄົນອື່ນໆຂອງລັດ
ຖະບານປະທານາທິບໍດີທຣໍາ.
ແຕ່ແນວໃດກໍຕາມ ໂຄສົກທຳນຽບຫ້າແຈຄົນນຶ່ງ ໄດ້ກ່າວຕໍ່ອົງການຂ່າວຣອຍເຕີ ເວລາ
ມີການຖາມກ່ຽວກັບລາຍງານຂອງອົງການຂ່າວ AP ວ່າ “ຍັງບໍ່ທັນມີການ ຕັດສິນໃຈ
ເທື່ອ” ກ່ຽວກັບການສົ່ງກຳລັງໄປເພີ້ມ.
ອົງການຂ່າວ AP ລາຍງານວ່າ ລັດຖະມົນຕີກະຊວງປ້ອງກັນປະເທດ ທ່ານ Jim Mattis
ອາດຈະປະກາດ ກ່ຽວກັບການສົ່ງກຳລັງ ໃນຕົ້ນອາທິດໜ້ານີ້.
ເຈົ້າໜ້າທີ່ສະຫະລັດຄົນນຶ່ງກ່າວໃນຕົ້ນອາທິດນີ້ວ່າ ປະທານາທິບໍດີສະຫະລັດ ທ່ານ
ດໍໂນລ ທຣໍາ ໄດ້ອະນຸຍາດໃຫ້ທ່ານ Mattis ກຳນົົດລະດັບກຳລັງຢູ່ໃນ ອັຟການິສຖານ.
ທ່ານ Mattis ໄດ້ກ່າວຕໍ່ຄະນະກຳມະການກອງທັບຂອງສະພາສູງໃນວັນອັງ ຄານທີ່
ຜ່ານມານີ້ວ່າ ສະຫະລັດບໍ່ໄດ້ຮັບຄວາມກ້າວໜ້າໃນການສູ້ລົບເພື່ອເຮັດໃຫ້ອັຟການິສ
ຖານມີຄວາມທຸ່ນທ່ຽງ ແລະທ່ານໄດ້ປະກາດ ທີ່ຈະນຳສະເໜີແຜນ ຍຸດທະສາດຕໍ່ລັດ
ຖະສະພາ “ໃນກາງເດືອນກໍລະກົດ” ຈະມາເຖິງນີ້.
ອ່ານຂ່າວນີ້ເພີ່ມເປັນພາສາອັງກິດ
