ແຫຼ່ງຂ່າວໃນຈີນກ່າວວ່າ ຊາຍຊາວທີເບດຄົນນຶ່ງ ໄດ້ພະຍາຍາມ
ຂ້າຕົວຕາຍ ດ້ວຍການຈູດໄຟ ເຜົາຕົວເອງ ໃນກາງເດືອນກັນຍາ
ຜ່ານມານີ້.
ຊາຍໄວ 42 ປີ ຄົນນີ້ ທີ່ຖືກບົ່ງຊື່ວ່າ ທ້າວ Kunchok ໄດ້ຈູດໄຟ
ເຜົາຕົວເອງ ໃນວັນທີ 16 ກັນຍາຜ່ານມານີ້ ຢູ່ຂ້າງນອກສະຖານນີ
ຕຳຫຼວດ ໃນແຂວງ Qinghai. ຊາວທີເບດທີ່ຢູ່ໃນບ່ອນ ເກີດເຫດ ໄດ້ພາກັນພະຍາຍາມມອດໄຟ ແລະຮີບເອົາລາວໄປສົ່ງໂຮງພະ
ຍາບານໃນເຂດນັ້ນ.
ແຫຼ່ງຂ່າວຂອງວິທະຍຸເອເຊຍເສຣີ ຈາກເຂດນັ້ນ ລະບຸວ່າ ຊາຍຄົນ
ນັ້ນຍັງມີຊີວິດຢູ່ ແຕ່ຢູ່ໃນ ຄວາມເຈັບປວດສາຫັດ. VOA ໄດ້ເຫັນຮູບພາບ ທີ່ສະແດງໃຫ້ເຫັນວ່າ ຊາຍຜູ້ນັ້ນໄດ້ຖືກໄຟໄໝ້ ທົ່ວທັງໜ້າແລະຄໍຂອງລາວ.
ສະມາຊິກຂອງຄອບຄົວລາວຢ້ານກົວວ່າ ເຈົ້າໜ້າທີ່ຈີນທ້ອງຖິ່ນຈະຈັບລາວໄປ ຖ້າຫາກ
ລາວລອດຊີວິດ ແຕ່ແຫຼ່ງຂ່າວບອກວ່າ ໂອກາດລອດຊີວິດຂອງລາວນັ້ນ ແມ່ນມີນ້ອຍ.
ເຫດການດັ່ງກ່າວໄດ້ເກີດຂຶ້ນ ນຶ່ງມື້ ກ່ອນນັກສຶກສາ ໄວ 22 ປີ ຄົນນຶ່ງ ຊຶ່ວ່າ Lhamo Tashi ໄດ້ຈູດໄຟເຜົາຕົວເອງ ຂ້າງນອກຫ້ອງການຮັກສາຄວາມປອດໄພ ທີ່ເມືອງ Tsoe ໃນແຂວງ Gansu.
ຄອບຄົວຂອງທ້າວ Tashi ໄດ້ຮັບແຈ້ງໃຫ້ຊາບ ກ່ຽວກັບການຈູດໄຟເຜົາຕົວຕາຍຂອງລາວ
ຈາກຕຳຫຼວດຮັກສາຄວາມປອດໄພ ທີ່ບອກພວກເຂົາເຈົ້າວ່າ ລາວໄດ້ເສຍຊີວິດແລ້ວ.
ໄດ້ມີຊາວທິເບດ 133 ຄົນ ໃນຈີນ ທີ່ໄດ້ທຳການຈູດໄຟເຜົາຕົວເອງ ນັບຕັ້ງແຕ່ປີ 2009 ເປັນຕົ້ນມາ. ສ່ວນໃຫຍ່ແມ່ນໄດ້ຝາກຂໍ້ຄວາມ ຫຼືບໍ່ກໍບອກກັບຄົນອື່ນໆວ່າ ເຂົາເຈົ້າກະທຳ
ເຊັ່ນນັ້ນ ກໍປະທ້ວງຕໍ່ການປົກຄອງຂອງຈີນຢູ່ທີເບດ ແລະຮຽກຮ້ອງໃຫ້ອົງດາໄລລາມະ ສະເດັດກັບຄືນເມືອທິເບດ.
ວີດີໂອ: ເປັນຫຍັງຊາວທິເບດ ຈຶ່ງເອົາໄປເຜົາຕົນເອງ?
