ເກີດເຫດລະເບີດ ຢູ່ທີ່ໂຮງງານເຄມີແຫ່ງນຶ່ງ ໃນພາກຕາເວັນ
ອອກ ຂອງປະເທດຈີນ ເຮັດໃຫ້ມີຜູ້ເສຍຊີວິດຢ່າງໜ້ອຍນຶ່ງຄົນ
ອີງຕາມສື່ມວນຊົນຂອງລັດ ຖະບານ ຊຶ່ງເປັນເຫດລະເບີດທີ່
ຮ້າຍແຮງເທື່ອຫລ້າສຸດຢູ່ສາງເກັບເຄື່ອງ ທີ່ມີມາເປັນລຳດັບ
ຊຶ່ງໄດ້ພາໃຫ້ມີຄຳຖາມກ່ຽວກັບກົດລະບຽບດ້ານຄວາມປອດ
ໄພທີ່ບໍ່ພຽງພໍ.
ຮູບພາບທີ່ເຫັນຢູ່ໃນໜ້າຕາໜ່າງສື່ສັງຄົມສະແດງໃຫ້ເຫັນວ່າ
ແປວໄຟຂະໜາດ ໃຫຍ່ໄດ້ພຸ່ງຂຶ້ນສູ່ທ້ອງຟ້າ ໃນອັນທີ່ປາກົດ
ວ່າ ເປັນເຂດອຸດສາຫະກຳຢູ່ໃນເມືອງ Dongying ທີ່ຕັ້ງຢູ່
ໃນແຂວງ Shangdong ທາງພາກຕາເວັນອອກຂອງຈີນໃນ
ຕອນແລງວັນຈັນວານນີ້.
ເວັບໄຊທ໌ຂ່າວແຫ່ງນຶ່ງ ຂອງລັດຖະບານທ້ອງຖິ່ນ ລາຍງານວ່າ ເຫດລະເບີດເກີດຂື້ນຢູ່ທີ່
ໂຮງງານເຄມີ Shangdong Binyuan. ລາຍງານແຈ້ງວ່າໄຟໄດ້ຖືກມອດລົງ ໃນເວລາ
ຫ້າຊົ່ວໂມງຕໍ່ມາ.
ອົງການຂ່າວດັ່ງກ່າວ ຍັງແຈ້ງໃຫ້ຊາບຕື່ມວ່າ ບັນດາຜູ້ບໍລິຫານ ຂອງບໍລິສັດຫລາຍຄົນ
ໄດ້ຖືກກັກຂັງ ແລະສາເຫດຂອງໄຟໄໝ້ຍັງຢູ່ພາຍໃຕ້ການສືບສວນ.
ອຸບັດເຫດນີ້ເກີດຂື້ນບໍ່ຮອດເດືອນ ຫລັງຈາກໄດ້ເກີດເຫດລະເບີດທີ່ໃຫຍ່ກວ່າທີ່ເຮັດໃຫ້
158 ຄົນເສຍຊີວິດຢູ່ທີ່ສາງເກັບສານເຄມີທີ່ເມືອງທ່າ Tianjin ໃນ ພາກເໜືອຂອງຈີນ.
ບັນດາເຈົ້າໜ້າທີ່ຈີນ ໄດ້ກັກຂັງພວກພະນັກງານຂອງບໍລິ ສັດ 12 ຄົນ ແລະເຈົ້າໜ້າທີ່
ລັດຖະບານ 11 ຄົນ ໃນການສືບສວນດັ່ງກ່າວ.
