ຜູ້ບໍລິຫານສູງສຸດຂອງຮົງກົງ ຜູ້ຊຶ່ງໄດ້ຖືກກົດດັນໃຫ້ລາອອກຈາກ
ຕຳແໜ່ງ ໂດຍພວກປະທ້ວງເພື່ອປະຊາທິປະໄຕນັ້ນ ກຳລັງປະເຊີນ
ກັບຂໍ້ຫາ ວ່າທ່ານໄດ້ຮັບເງິນສິນບົນ ທີ່ບໍ່ແຈ້ງໃຫ້ຊາບ ຈາກບໍລິສັດ
ນຶ່ງຂອງອອສເຕຣເລຍ ໃນຂະນະທີ່ຢູ່ໃນຕຳແໜ່ງນັ້ນ.
ອົງການຂ່າວ Fairfax Media ຂອງອອສເຕຣເລຍ ລາຍງານວ່າ
ທ່ານ Leung Chun-ying ໄດ້ຮັບເງິນ ຈຳນວນ 6 ລ້ານ 4 ແສນ
ຈາກບໍລິສັດ ວິສະວະກຳ UGL ໃນປີ 2012 ແລະ 2013.
ເງິນດັ່ງກ່າວແມ່ນກ່ຽວຂ້ອງກັບການຊື້ເອົາ ບໍລິສັດ DTZ
ໂດຍບໍລິສັດ UGL. ບໍລິສັດDTZ ແມ່ນເປັນບໍລິສັດທີ່ປຶກສາ
ດ້ານອະສັງຫາລິມະສັບ ທີ່ທ່ານ Leungໄດ້ເຮັດວຽກນຳ ກ່ອນທີ່ທ່ານຈະຖືກເລືອກໃຫ້ເປັນ ຜູ້ບໍລິຫານສູງສຸດ ຂອງຮົງກົງ.
ໃນສັນຍາຊື້ຂາຍນັ້ນ ບໍລິສັດ UGL ໄດ້ຕົກລົງ ຈ່າຍເງິນໃຫ້ທ່ານ Leung ເພື່ອບໍ່ໃຫ້ ແຂ່ງຂັນ
ກັບເຂົາເຈົ້າ ແລະບໍລິສັດ UGL ຍັງໄດ້ໃຫ້ທ່ານ Leung ເປັນທີ່ປືກສາໃຫ້ຕົນເປັນບາງ
ຄັ້ງຄາວ.
ຫ້ອງການຂອງທ່ານ Leung ຢືນການວ່າ ສັນຍາດັ່ງກ່າວນັ້ນແມ່ນເຮັດຕາມມາດຕະຖານ ການປະຕິບັດທາງທຸລະກິດເທົ່ານັ້ນ ຊຶ່ງມີຈຸດປະສົງເພື່ອປ້ອງກັນບໍ່ໃຫ້ໃຫ້ທ່ານ Leung ເຂົ້າແຂ່ງຂັນ ຫຼືວ່າຈ້າງພະນັກງານ ຈາກບໍລິສັດ DTZ. ທາງຫ້ອງການຍັງກ່າວອີກວ່າ
ທ່ານ Leung ບໍ່ໄດ້ໃຫ້ບໍລິການຫຍັງເລີຍແກ່ ບໍລິສັດ UGL ຫຼັງຈາກທີ່ທ່ານໄດ້ລົງນາມ ໃນສັນຍາທີ່ວ່ານີ້.
ລັດຖະບານຮົງກົງ ຍົກເລີກການເຈລະຈາ ກັບພວກປະທ້ວງ:
ລັດຖະບານຮົງກົງ ຍົກເລີກ ການເຈລະຈາ ກັບພວກປະທ້ວງ
ແຕ່ຄຳຖະແຫລງຂອງຜູ້ບໍລິຫານສູງສຸດຂອງຮົງກົງ ບໍ່ໄດ້ປະຕິເສດຕໍ່ການໄດ້ຮັບເງິນດັ່ງກ່າວ ແຕ່ຢືນຢັນວ່າ ກົດໝາຍຂອງຮົງກົງ ບໍ່ໄດ້ບັງຄັບໃຫ້ທ່ານ Leung ຕ້ອງລາຍງານ ກ່ຽວກັບ
ການຂໍ້ຕົກລົງທີ່ວ່ານີ້ ຊຶ່ງຄຳຖະແຫລງເວົ້າວ່າ ເປັນເລື້ອງຄວາມລັບສ່ວນຕົວ.
ແຕ່ວ່າສະມາຊິກສະພາຝ່າຍຄ້ານທັງຫຼາຍ ໄດ້ຮຽກຮ້ອງໃຫ້ມີການສືບສວນສອບສວນ ໂດຍກ່າວວ່າ ທ່ານ Leung ບໍ່ຄວນທີ່ຈະກຳຕຳແໜ່ງຄວບ ຄືເປັນທັງປຶກສາທາງທຸລະກິດ ແລະເປັນຜູ້ນຳສູງສຸດຂອງຂົງເຂດ ໃນເວລາດຽວກັນ.
ເບິ່ງວີດີໂອກ່ຽວກັບ ສະຖານະການຢູ່ຮົງກົງ ໃນວັນທີ 9 ຕຸລາ:
