“Houston ພວກເຮົາມີບັນຫາແລ້ວ”
ບັນດາຄຳເວົ້າດັ່ງກ່າວ ແມ່ນກ່າວກັນເມື່ອ 45 ປີກ່ອນ ໂດຍນັກ
ບິນອະວະກາດ ອາເມຣິກັນ ທ່ານ Jack Swigert ຫລັງຈາກ
ເກີດລະເບີດຢູ່ຍານ Apolo 13 ຂະນະທີ່ພວມເດີນທາງໄປສູ່
ດວງຈັນ.
ເຫດລະເບີດຂອງຖັງ oxygen ເມື່ອວັນທີ 13 ເດືອນເມສາ ປີ
1970 ເວລາ ຍານດັ່ງກ່າວ ຢູ່ຫ່າງຈາກໂລກເຮົາເກືອບ
322,000 ກິໂລແມັດ ໄດ້ຂົ່ມຂູ່ທີ່ຈະເຮັດໃຫ້ທ່ານ Swigert
ແລະບັນດາເພື່ອນນັກບິນອະວະກາດ ປະກອບດ້ວຍ ທ່ານ Jim Lovell ແລະ ທ່ານ Sy Liebergot ຕົກຄ້າງຢູ່ໃນ ອະວະກາດຕະ ຫລອດໄປ.
ບັນດານັກບິນອະວະກາດ ແລະຫໍບັງຄັບການປະຕິບັດງານອົງການອະວະກາດສະຫະລັດ
ຫລື NASA ໄດ້ຄິດຄົ້ນແຜນການຢ່າງຕໍ່ເນື່ອງ ເພື່ອຮັບມືກັບເຫດ ການສຸກເສີນ ທີ່ຈະນຳເອົາຍານອະວະກາດ ກັບຄືນມາສູ່ໂລກມະນຸດ. ຄວາມພະຍາຍາມຂອງເຂົາເຈົ້າ ສີ້ນສຸດລົງດ້ວຍຄວາມສຳເລັດ ໂດຍນຳເອົາຍານລົງສູ່ມະຫາສະມຸດປາຊິຟິກ ໃນວັນທີ 17 ເດືອນເມສາ.
ເພື່ອເປັນຂີດໝາຍຄົບຮອບ 45 ປີ ລະຫວ່າງວັນທີ 11 ເດືອນເມສາ ຫາວັນທີ 17 ເດືອນເມສານີ້ ຫ້ອງທ້ອງຟ້າຈຳລອງ Adler ໃກ້ກັບບ້ານເຮືອນຂອງ ທ່ານ Lovell ໃນນະຄອນ Chicago ໄດ້ເປີດການສະແດງ ໃນວັນເສົາມື້ນີ້ ຮ້ອງວ່າ “ການປະຕິບັດງານ ໄປຍັງດວງ
ຈັນ” ທີ່ເລົ່າເລື້ອງຄວາມເປັນມາກ່ຽວກັບບາດ ກ້າວຂັ້ນທຳອິດຂອງອາເມຣິກາ ໄປສູ່ອະວະກາດ.
ຍານ Apolo 13 ທະຍານຂື້ນສູ່ອະວະກາດ ໃນວັນທີ 11 ເດືອນເມສາ ປີ 1970 ດ້ວຍຄວາມຄາດຫວັງຢ່າງເຕັມທີ່ວ່ວາ ຈະເປັນການປະຕິບັດງານທີ່ສຳ ເລັດຜົນຂອງອົງການ NASA ໄປສູ່ດວງຈັນຄັ້ງທີ 3.
