ລິ້ງ ສຳຫລັບເຂົ້າຫາ

ທ່ານ Annan ຈະລາຍງານ ຕໍ່ສະພາຄວາມໝັ້ນຄົງ ສປຊ ໃນມື້ນີ້


ທ່ານ Kofi Annan ທູດພິເສດຂອງສະຫະປະຊາຊາ ແລະສັນນິບາດອາຣັບ ເຂົ້າຮ່ວມປະຊຸມທີ່ກຸງ Cairo ປະເທດ Egypt, 8 ມີນາ , 2012.

ທູດ​ສັນ​ຕິ​ພາບ​ນາໆ​ຊາດ ທ່ານ Kofi Annan ຈະລາ​ຍງານ​ຕໍ່ສະພາ ຄວາມ​ໝັ້ນ​ຄົງ
ຂອງອົງການສະຫະ​ປະຊາ​ຊາດ​ໃນ​ວັນ​ສຸກ​ມື້​ນີ້ ກ່ຽວ​ກັບ​ຄວາມ​ພະຍາຍາມ​ຂອງ​ທ່ານ​
ເພື່ອ​ຫາ​ທາງໄກ່​ເກ່ຍ​ແກ້​ໄຂບັນຫາຊີ​ເຣຍ ​ໃນ​ຂະນະ​ທີ່ວິ​ກິດການ​ດັ່ງກ່າວພວມກ້າວ​
ເຂົ້າ​ສູ່​ປີ​ທີ່​ສອງ ຊຶ່ງຍັງ​ບໍ່​ເຫັນ​ຮ່ອງ​ຮອຍ​ວ່າ​ຈະສີ້​ນສຸດ​ລົງ​ເທື່ອ.

ເປັນ​ທີ່​ຄາດ​ກັນ​ວ່າ ການຖະ​ແຫລ​ງທາງວີ​ດີ​ໂອ​ຂອງທ່ານ Annan ທູດພິ​ເສດ​ຂອງ​ອົງ
ການສະຫະ​ປະຊາ​ຊາດ​ແລະ​ສັນນິບາດອາຣັບນັ້ນຈະ​ເປັນ ສິ່ງ​ສໍາ​ຄັນ​ທີ່​ສຸດ ຕໍ່​ການ​ດຳ
ເນີນ​ຄວາມ​ພະຍາຍາມ​ຂອງ​ປະ​ເທດ​ຕາ​ເວັນ​ຕົກ ເພື່ອ​ໃຫ້​ມີ​ການ​ຮັບ​ຜ່ານຮ່າງຍັດຕິ​
ຂອງ​ສະຫະ​ປະຊາ​ຊາດ ປະນາມ ​ການ​ປາບປາມ​ຢ່າງນອງ​ເລືອດ ຂອງປະທານາທິບໍດີ
ຊີ​ເຣຍ ທ່ານ Bashar al-Assad.

ຣັດ​ເຊຍ​ແລະ​ຈີນ ​ໄດ້​ພາກັນ​ໃຊ້​ສິດ​ຢັບຢັ້ງຫຼືວີ​ໂຕສອງ​ຄັ້ງມາ​ແລ້ວ​ຕໍ່​ຮ່າງ ຍັດຕິປະນາມ
ຊີ​ເຣຍ ​ແຕ່​ພວກນັກ​ການ​ທູດ​ຕາ​ເວັນ​ຕົກ​ກ່າວ​ວ່າ ອາດ​ຈະມີ​ການ​ເລັ່ງ​ໃນ​ການ​ຮ່າງ​ຍັດ
ຕິ​ສະບັບ​ໃໝ່ລຸນ​ຫຼັງການ​ຖະ​ແຫຼງຂອງ​ທ່ານ Annan​.

ອະດີດ​ຫົວໜ້າ​ສະຫະ​ປະຊາ​ຊາດ ​ໃນ​ອາທິດ​ນີ້​ໄດ້​ກັບ​ຄືນ​ມາ​ຈາກການ​ໄປຢ້ຽມຢາມ
ຊີ​ເຣຍ ເພື່ອ​ຊອກສະ​ແຫວ​ງຫາ​ຊ່ອງ​ທາງ​ ສ້າງສັນຕິພາບ​ ​ບ່ອນ​ທີ່​ທ່ານ​ໄດ້​ວາ​ງຂໍ້​ສະ​ເໜີ ​
ເພື່ອ​ໃຫ້​ມີ​ການ​ຢຸດ​ຍິງ ​ການ​ຊ່ວຍ​ເຫລືອ​ດ້ານ​ມະນຸດສະ​ທໍາ ​ແລະ​ເລີ້ມ​ການ​ເຈລະຈາ​ດ້ານ
ການ​ເມືອງ.

ໃນ​ຂະນະ​ດຽວ​ກັນ​ ຄວາມ​ຮຸນ​ແຮງ​ຍັງສືບ​ຕໍ່​ເພີ່ມ​ທະວີ​ຂຶ້ນ​ໃນ​ວັນພ​ະຫັດວານ​ນີ້ ຊຶ່ງ​ເປັນ​
ວັນ​ຄົບຮອບນຶ່ງ​ປີ​ທຳ​ອິດ ຂອງ​ການ​ລຸກ​ຮືຂື້ນ​ຕໍ່​ຕ້ານລັດ​ຖະ​ບານ. ອົງການ​ສັງ​ເກດ​ການ
ດ້ານ​ສິດທິ​ມະນຸດ​ຂອງຊີ​ເຣຍ ກ່າວ​ວ່າໄດ້​ພົບ​ເຫັນ​ສົບຄົນ​ຕາຍ 23 ສົບຢູ່​ເມຶ​ອງ Idlib
ຊຶ່ງ​ເປັນ​ບ່ອນທີ່​ກໍາລັງ​ຂອງລັດຖະບານໄດ້​ທໍາ​ການ​ໂຈມ​ຕີ​ກັບ​ພວກກະບົດ​ໃນ​ໝໍ່ໆ​ມາ​ນີ້.
ສື່​ມວນ​ຊົນ​ຂອງ​ທາງ​ການ​ຊີ​ເຣຍລາຍ​ງານ​ວ່າ ​ໃນ​ວັນ​ພະຫັດ​ວານ​ນີ້ ພວກທະຫານລັດ
ຖະບານ​ໄດ້​ກວດ​ລ້າງ “ພວກ​ກໍ່​ການ​ຮ້າຍ​ຕິດ​ອາວຸດ” ອອກ​ຈາກ​ຫົວ​ເມືອງ​ໃນພາກ​ຕາ
ເວັນ​ຕົກ​ສຽງເໜືອຂອງ​ຊີ​ເຣຍດັ່ງກ່າວ.

ພວກນັກ​ລົບ​ຝ່າຍ​ກະບົດ ​ໄດ້​ພາກັນ​ຖອຍ​ອອກໄປ​ຈາກ​ຫົວ​ເມືອງ​ຕ່າງໆ ທົ່ວ​ປະ​ເທດ
ຊີ​ເຣຍ ​ແລະພວກ​ນັກ​ເຄື່ອນ​ໄຫວ​ຝ່າຍ​ຄ້ານ ​ຍັງ​ເປັນ​ກ້ອນເປັນ​ກຸ່ມ ​ໃນ​ຄວາມ​ບໍ່ພໍ​ໃຈ
ຂອງ​ພວກ​ເຂົາ​ເຈົ້າ. ​ແຕ່​ບັນດາ​ລັດຖະບານ​ຂອງປະ​ເທດ​ຕາ​ເວັນ​ຕົກ​ຍັງ​ມີ​ຄວາມ​ລັງເລ​ໃຈ
ທີ່​ຕະຕິດ​ອາ​ວຸດ​ໃຫ້ພວກ ຝ່າຍ​ຄ້ານ​ໃນ​ຊີ​ເຣຍ ຍ້ອນ​ຢ້ານ​ວ່າ ​ສະຖານະ​ການ​ອາດ​ຍິ່ງ
ເພີ້​ມຄວາມ​ຮຸນແຮງ​ຂື້ນໄປ​ກົ່ວ​ເກົ່າ​ອີກ.

XS
SM
MD
LG