ການແຂ່ງຂັນກິລາປ້ອງກັນຕົວປະສົມ ຫຼື UFC Fight Night 138 ໄດ້ຈັດຂຶ້ນຢູ່ສະ
ໜາມກິລາ ອາເວີນຽກ ເຊັນເຕີ (Avenir Center), ເມືອງ ມົງຕົງ, ແຂວງ ນິວ ບຣຸນສ
ວິກ (New Brunswick) ປະເທດ ການາດາ ໃນວັນເສົາທີ 27 ຕຸລາວານນີ້.
ຄູ່ທີ່ໄດ້ຮັບຄວາມສົນໃຈຫຼາຍທີ່ສຸດສຳລັບຄົນລາວ ໃນການແຂ່ງຂັນຄັ້ງນີ້ ກໍແມ່ນຄູ່ລະ
ຫວ່າງທ້າວ ອານເດຣ ສຸຄຳທັດ, ນັກຊົກສັນຊາດອາເມຣິກັນ ເຊື້ອສາຍລາວ ກັບທ້າວ
ໂຈນາທັນ ມາທີເນສ ຈາກ ສະຫະລັດ ໃນລຸ້ນນ້ຳໜັກບໍ່ກາຍ 51-53.5 ກິໂລ. ການຊົກ
ຄັ້ງນີ້ ຖືວ່າ ທ້າວ ອານເດຣ ບໍ່ໄດ້ເຮັດໃຫ້ແຟນໆທັງຫຼາຍຜິດຫວັງ ເຊິ່ງລາວຄວ້າໄຊຊະ
ນະມາໄດ້ ດ້ວຍການຕັດສິນຢ່າງເປັນເອກະສັນ 30-26, 29-28 ແລະ 29-28.
ຄືນວານນີ້ ກໍຍັງເປັນການຊົກເປີດຕົວ ຂອງທ້າວ ໂຈນາທັນ ມາທີເນສ ໃນ UFC. ລາວ
ໄດ້ພະຍາຍາມສູ້ກັບທ້າວ ອານເດຣ ຢ່າງເຕັມທີ່ ແຕ່ທ້າວ ອານເດຣ ກໍໄດ້ສະແດງໃຫ້
ເຫັນຢ່າງຊັດເຈນວ່າ ລາວມີປະສົບການເໜືອກວ່າ ເຊິ່ງທ້າວ ອານເດຣ ສາມາດຕີເຂົ້າ
ເປົ້າໄດ້ຫຼາຍຄັ້ງ, ເຮັດໃຫ້ທ້າວ ມາທີເນສ ມີແຜແຕກຢູ່ຫາງຄິ້ວກ້ຳຂວາ ແລະ ໃນຍົກ
ສຸດທ້າຍ ທ້າວ ອານເດຣ ກໍສາມາດປ້ຳຄູ່ຕໍ່ສູ້ລົງພື້ນໄດ້ ໃນ 90 ວິນາທີສຸດທ້າຍ ແລະ
ສິ້ນສຸດການແຂ່ງຂັນ ດ້ວຍການຢືນຮັດຄໍ.
ໄຊຊະນະຄັ້ງນີ້ ຖືວ່າເປັນການຍົກພູອອກຈາກໜ້າເອິກສຳລັບທ້າວ ອານເດຣ ກໍວ່າໄດ້
ເພາະວ່າ ໃນການຊົກຄັ້ງທີ່ຜ່ານມາ ລາວໄດ້ເສຍໄຊໃຫ້ທ້າວ ຊອນ ໂອມາລລີ ເຊິ່ງລາວ
ສົມຄວນໄດ້ຮັບໄຊຊະນະເປັນຢ່າງຍິ່ງ, ຈົນຫຼາຍຄົນໄດ້ອອກມາວິຈານການຊົກຂອງ
ລາວຢ່າງໜັກ. ຫຼັງຈາກເຫດການດັ່ງກ່າວນັ້ນ ທ້າວ ອານເດຣ ກໍໄດ້ປະຕິຍານວ່າ ຕົນ
ເອງຈະປັບປຸງຕົນເອງ ແລະ ເຮັດໃຫ້ຕົນເອງແຂງແກ່ນຂຶ້ນ.
