ພັກຄອງແຄຣັດແຫ່ງຊາດທີ່ປົກຄອງປະເທດຢູ່ ຂອງອາຟຣິກາ
ໃຕ້ ຫຼື ANC ໄດ້ກ່າວໃນວັນອາທິດວານນີ້ວ່າຕົນໄດ້ຮຽກຮ້ອງ
ລັດຖະບານ ຂອງປະທານາທິບໍດີ Jacob Zuma ໃຫ້ຖອນ
ອາຟຣິກາໃຕ້ ອອກຈາກການເປັນສະມາຊິກ ສານອາຍາສາກົນ
ຫຼື ICC.
ອາຟຣິກາໃຕ້ ແລະ ICC ໄດ້ຂັດແຍ່ງກັນຕັ້ງແຕ່ ອາຟຣິກາໃຕ້
ໄດ້ລົ້ມແຫຼວ ໃນການຈັບກຸມ ປະທານາທິບໍດີ ຊູດານ ທ່ານ
Omar al-Bashir ໃນລະຫວ່າງ ກອງປະຊຸມສຸດຍອດ
ສະຫະພາບ ອາຟຣິກາ ໃນປະເທດ ອາຟຣິກາໃຕ້ໃນເດືອນມິຖຸນາ
ທີ່ຜ່ານມາ. ສັບປະດາແລ້ວນີ້ ICC ໄດ້ຂໍໃຫ້ອາຟຣິກາໃຕ້ ອະທິບາຍ
ວ່າ ເປັນຫຍັງພວກເຂົາເຈົ້າ ຈຶ່ງບໍ່ຈັບກຸມ ທ່ານ Bashir.
ທ່ານນາງ Edna Molewa ແລະ ຫົວໜ້າ ການພົວພັນສາກົນ ອະນຸກຳມະການ ສະພາແຫ່ງຊາດ ຂອງພັກ ANC ກ່າວວ່າ ຕົນເຊື່ອວ່າ ICC ບໍ່ໄດ້ຮັບໃຊ້ອາຟຣິກາ ເໝືອນດັ່ງທີ່ພວກເຂົາເຈົ້າ ໄດ້ໃຫ້ບໍລິການແກ່ປະເທດອື່ນໆ. ທ່ານນາງ Molewa ໄດ້ກ່າວວ່າ ການຕັດສິນໃຈ ຂອງ
ພັກ ANC ແມ່ນເປັນແນວທາງດຽວກັນ ກັບທ່າທີຂອງ ສະຫະພາບອາຟຣິກາ ກ່ຽວກັບ ICC.
ທ່ານນາງໄດ້ເວົ້າວ່າ “ຄືດັ່ງກັບທ່ານຮູ້ຈັກຫັ້ນແລ້ວ ວ່າ ມັນໄດ້ມີການປະເມີນຜົນຕໍ່ເນື່ອງ
ຂອງ ICC ໂດຍສະຫະພາບອາຟຣິກາ ທັງໝົດ. ດັ່ງນັ້ນ ມື້ນີ້ ສະພາແຫ່ງຊາດ
ອາຟຣິກາ ຈຶ່ງນຳເອົາສິ່ງ ທີ່ສະຫະພາບອາຟຣິກາ ໄດ້ຕັດສິນໃນມື້ນີ້ ຢູ່ທີ່ກອງປະຊຸມ
ສະມັດຊາໃຫຍ່ ສະພາແຫ່ງຊາດ ທີ່ກ່າວວ່າ ລັດຖະບານ ຂອງອາຟຣິກາໃຕ້ ພວກ
ເຮົາຈະມອບ ຄຳສັ່ງໃຫ້ພວກເຈົ້າ ໃຫ້ໄປທົບທວນຄືນ ສາຍພົວພັນຂອງພວກເຮົາ
ກັບ ICC. ເປັນຍ້ອນຫຍັງ ພວກເຮົາ ຈຶ່ງເຊື່ອວ່າ ICC ແມ່ນແທ້ຈິງແລ້ວ ບໍ່ໄດ້ຮັບ
ໃຊ້ທະວີບອາຟຣິກາ ໃນແບບທີ່ຕົນ ບໍລິການປະເທດອື່ນໆ.”
