ທ່ານ Jeff Bezos ຜູ້ກໍ່ຕັ້ງເຄືອຂ່າຍຊື້ຂາຍທາງອິນເທີເນັດຍັກ
ໃຫຍ່ Amazon ຈະຊື້ເອົາໜັງສືພິມຊັ້ນນໍາສະບັບນຶ່ງຂອງສະຫະ
ລັດ ກໍຄືໜັງສື ພິມ Washington Post ທີ່ໄດ້ປະກາດເມື່ອວັນ
ຈັນອາທິດຜ່ານມານີ້ວ່າ ທ່ານ Bezos ຈະຊື້ໜັງສືພິມສະບັບດັ່ງ
ກ່າວ ແລະພ້ອມກັບສາຂາສິ່ງພິມ ອື່ນໆໃນເຄືອຂອງຕົນ ໃນລາ
ຄາ 250 ລ້ານໂດລ່າ. ຂ່າວນີ້ແມ່ນໄດ້ສ້າງ ຄວາມປະຫຼາດໃຈ
ຢ່າງໃຫຍ່ໃຫ້ແກ່ຫຼາຍໆຄົນ ໃນວົງການອຸດສາຫະກໍາການ ຂ່າວ. ແຕ່ດັ່ງທີ່ຜູ້ສື່ຂ່າວວີໂອເອ Mil Arcega ລາຍງານມານັ້ນ ພວກ
ນັກ ວິເຄາະບາງຄົນເວົ້າວ່າ ການຕົກລົງຊື້ຂາຍກັນທີ່ວ່ານີ້ ອາດ
ເປັນຜົນດີສໍາລັບ ໜັງສືພິມ Washington Post ທີ່ກໍາລັງລົ້ມ ລຸກຄຸກຄານຢູ່ໃນຂະນະນີ້ກໍໄດ້. ທອງປານ ມີເລຶ່ອງນີ້ ມາສະເໜີ
ທ່ານ ໃນອັນດັບຕໍ່ໄປ
ໜັງສືພິມ Washington Post ທີ່ມີຊື່ສຽງໃນຖານະເປັນໜັງສືພິມ ທີ່ນໍາສະເໜີຂ່າວໃຫຍ່
ສໍາຄັນໆ ຫຼາຍໆເລຶ່ອງກ່ອນໝູ່ນັ້ນ ແມ່ນເປັນໄອຄອນຫຼືແບບຢ່າງຂອງຂ່າວສານການພິມ
ມາເປັນເວລາຫຼາຍທົດສະວັດ. ແຕ່ຫຼັງຈາກທີ່ໄດ້ປະເຊີນກັບຍອດຂາຍແລະການສັ່ງຈອງ
ທີ່ຫຼຸດນ້ອຍລົງ ພ້ອມກັບລາຍໄດ້ທີ່ຕົກຕໍ່າລົງຢ່າງຫຼວງຫຼາຍນັ້ນ ທ່ານ Donald Graham ປະທານ ໜັງສືພິມ Washington Post ບອກພວກພະນັກງານ ວ່າ ໜັງສືພິມສະບັບນີ້ ຈະມີໂອກາດທີ່ດີຂຶ້ນກວ່າເກົ່າ ກັບເຈົ້າຂອງຜູ້ໃໝ່.
ທ່ານ ແກຣມ ເວົ້າວ່າ: “ພວກເຮົາຮູ້ດີວ່າ ເຮົາສາມາດຮັກສາໜັງສືພິມນີ້ໃຫ້ຢູ່
ລອດໄດ້ ພວກເຮົາຮູ້ວ່າມັນຈະຢູ່ລອດໄດ້ ແຕ່ຄວາມປາດຖະໜາຂອງພວກ
ເຮົາ ສໍາລັບໜັງສືພິມນີ້ ແມ່ນສູງກວ່ານັ້ນ ຢູ່ຕະຫຼອດມາ.”
ພວກໜັງສືພິມທັງຫຼາຍ ແມ່ນໄດ້ສູນເສຍຄົນອ່ານ ແລະລາຍໄດ້ຈາກການໂຄສະນາ
ໄປຕາມໆກັນ ຍ້ອນຄູ່ແຂ່ງທາງອິນເທີເນັດ.
ແມ່ຍິງຄົນນີ້ເວົ້າວ່າ “ຂ້ອຍເຄີຍຈອງໜັງສືພິມອ່ານມາກ່ອນ ແຕ່ດຽວນີ້ຂ້ອຍບໍ່ໄດ້ ຈອງຫຍັງອີກແລ້ວ ຂ້ອຍຊອກອ່ານທຸກຢ່າງ ຈາກອິນເທີເນັດ.”
Jeff Bezos ຜູ້ບຸກເບີກອິນເທີເນັດ ແລະຜູ້ກໍ່ຕັ້ງບໍລິສັດ Amazon ຊຶ່ງເປັນເສດຖີອັນດັບ
ທີ 11 ຂອງໂລກ ໄດ້ສະເໜີຊື້ເອົາໜັງສືພິມ Washington Post ໃນມູນຄ່າ 250 ລ້ານ
ໂດລ່າ ຊຶ່ງບາງຄົນກໍເວົ້າວ່າ ເປັນການເຄື່ອນໄຫວທີ່ສະຫຼາດຂອງທ່ານ Bezos ແລະ
ເໜາະສົມທັນເວລາ ສໍາລັບໜັງສືພິມ Washington Post.
Paul Levinson ຜູ້ຂຽນປື້ມແລະເປັນອາຈານສອນວິຊາການສຶກສາສື່ມວນຊົນ ເວົ້າວ່າ ມັນເຖິງເວລາແລ້ວ ທີ່ໜັງສືພິມນີ້ຈະກ້າວເຂົ້າສູ່ຍຸກ digital ຊຶ່ງທ່ານເວົ້າຕໍ່ວີໂອເອ ຜ່ານ skype ໃນຕອນນຶ່ງວ່າ:
“ຍ້ອນວ່າ ອະນາຄົດຂອງໜັງສືພິມທັງຫຼາຍນັ້ນ ແມ່ນຢູ່ອິນເທີເນັດ. ແຕ່ນີ້ກໍບໍ່
ໄດ້ໝາຍຄວາມວ່າ ໜັງສືພິມທີ່ພິມອອກມາ ຈະໝົດໄປ ແລະບໍ່ມີອີກເລີຍ. ທີ່ຈິງແລ້ວ ໂອກາດດີທີ່ສຸດທີ່ໜັງສືພິມທັງຫຼາຍ ຈະສືບຕໍ່ດໍາລົງຄົງຢູ່ຕໍ່ໄປໄດ້ນັ້ນ
ກໍແມ່ນຕ້ອງມີໜ້າທາງອິນເທີເນັດທີ່ຄຶກຄັກ ຫ້າວຫັນ ແລະເຕີບໂຕຂຶ້ນໄປ
ເລື້ອຍໆ ແລະສິ່ງນັ້ນຫຼ່ະ ທີ່ບໍລິສັດ Amazon ສາມາດເຮັດໃຫ້ໜັງສືພິມ Washingto Post ໄດ້.”
ລຸນຫຼັງເວລາຫຼາຍສິບປີ ທີ່ໜັງສືພິມສະບັບນີ້ ໄດ້ເປັນສົມບັດຂອງຄອບຄົວ Graham ທ່ານ Bezos ໄດ້ຮັບປະກັນແກ່ຄອບຄົວ ແລະບັນດາພະນັກງານໜັງສືພິມ ວ່າ ພາລະ
ກິດແລະບົດບາດຂອງໜັງສືພິມ Washington Post ຈະບໍ່ມີຫຍັງປ່ຽນແປງ ພ້ອມກັບ
ໃຫ້ຄໍາໝັ້ນສັນຍາວ່າ ຈະປ່ອຍໃຫ້ ວຽກງານການບໍລິຫານທັງໝົດ ເປັນຂອງຄະນະຜູ້
ຈັດການໜັງສືພິມຕໍ່ໄປ.
Chris Tolles ຫົວໜ້າບໍລິຫານ ບໍລິສັດ Topix ຊຶ່ງເປັນໜ່ວຍງານວົງການຂ່າວ ທາງ ອິນເທີເນັດ ທີ່ໄປເຖິງຜູ້ຊົມໃຊ້ອິນເທີເນັດຫຼາຍລ້ານຄົນນັ້ນ ເວົ້າວ່າ ໜັງສືພິມ ວໍຊິງຕັນ ໂພສ ເປັນກະບອກສຽງທີ່ສໍາຄັນຢ່າງນຶ່ງໃນວົງການທຸລະກິດການຂ່າວ ແລະການເມືອງ ສະຫະລັດ. ທ່ານເວົ້າຕໍ່ ວີໂອເອ ຜ່ານ Skype ວ່າ:
“ຂ້າພເຈົ້າຄິດວ່າ Washington Post ນີ້ ເປັນນຶ່ງໃນສາມ ຫຼືສີ່ ໜັງສືພິມ
ຍັກໃຫຍ່ ອັນດັບສູງສຸດໃນສະຫະລັດ ແລະໂດຍສະເພາະບົດບັນນາທິການ
ຂອງໜັງສືພິມນີ້ ແມ່ນມີນໍ້າໜັກຫຼາຍສົມຄວນ ເພາະມີບັນດາປະທານາທິບໍດີ
ສະຫະລັດ ສະມາຊິກສະພາຄອງແກຣສ ແລະຄອບຄົວຂອງພວກເຂົາເຈົ້າ ອ່ານມາຕະຫຼອດ.”
ໜັງສືພິມວໍຊິງຕັນ ໂພສ ໄດ້ສ້າງຊື່ສຽງອັນເຂັ້ມແຂງໃຫ້ຕົວເອງ ໂດຍການເປັນໜັງສືພິມທີ່ສະເນີຂ່າວໃຫຍ່ໆທີ່ພົ້ນເດັ່ນ ກ່ອນໝູ່ ຫຼາຍໆເລື້ອງ ເຊັ່ນຂ່າວນອງນັນເລື້ອງ Water-
gate ຂ່າວເອກກະສານຕ່າງໆຂອງທໍານຽບຫ້າແຈ ແລະລ່າສຸດເມື່ອບໍ່ດົນຜ່ານມານີ້ ກໍແມ່ນເປີດເຜີຍຂ່າວ ກ່ຽວກັບໂຄງການສືບລັບຕ່າງໆ ຂອງອົງການຄວາມໝັ້ນຄົງແຫ່ງ
ຊາດສະຫະລັດ ຫຼື NSA ນັ້ນ.
ເບິ່ງວີດີໂອ ກ່ຽວກັບທ່ານ Jeff Bezos ຫົວໜ້າບໍລິສັດ Amazon ທີ່ຈະຊື້ເອົາ ໜັງສືພິມ Washington Post:
ໃຫຍ່ Amazon ຈະຊື້ເອົາໜັງສືພິມຊັ້ນນໍາສະບັບນຶ່ງຂອງສະຫະ
ລັດ ກໍຄືໜັງສື ພິມ Washington Post ທີ່ໄດ້ປະກາດເມື່ອວັນ
ຈັນອາທິດຜ່ານມານີ້ວ່າ ທ່ານ Bezos ຈະຊື້ໜັງສືພິມສະບັບດັ່ງ
ກ່າວ ແລະພ້ອມກັບສາຂາສິ່ງພິມ ອື່ນໆໃນເຄືອຂອງຕົນ ໃນລາ
ຄາ 250 ລ້ານໂດລ່າ. ຂ່າວນີ້ແມ່ນໄດ້ສ້າງ ຄວາມປະຫຼາດໃຈ
ຢ່າງໃຫຍ່ໃຫ້ແກ່ຫຼາຍໆຄົນ ໃນວົງການອຸດສາຫະກໍາການ ຂ່າວ. ແຕ່ດັ່ງທີ່ຜູ້ສື່ຂ່າວວີໂອເອ Mil Arcega ລາຍງານມານັ້ນ ພວກ
ນັກ ວິເຄາະບາງຄົນເວົ້າວ່າ ການຕົກລົງຊື້ຂາຍກັນທີ່ວ່ານີ້ ອາດ
ເປັນຜົນດີສໍາລັບ ໜັງສືພິມ Washington Post ທີ່ກໍາລັງລົ້ມ ລຸກຄຸກຄານຢູ່ໃນຂະນະນີ້ກໍໄດ້. ທອງປານ ມີເລຶ່ອງນີ້ ມາສະເໜີ
ທ່ານ ໃນອັນດັບຕໍ່ໄປ
ໜັງສືພິມ Washington Post ທີ່ມີຊື່ສຽງໃນຖານະເປັນໜັງສືພິມ ທີ່ນໍາສະເໜີຂ່າວໃຫຍ່
ສໍາຄັນໆ ຫຼາຍໆເລຶ່ອງກ່ອນໝູ່ນັ້ນ ແມ່ນເປັນໄອຄອນຫຼືແບບຢ່າງຂອງຂ່າວສານການພິມ
ມາເປັນເວລາຫຼາຍທົດສະວັດ. ແຕ່ຫຼັງຈາກທີ່ໄດ້ປະເຊີນກັບຍອດຂາຍແລະການສັ່ງຈອງ
ທີ່ຫຼຸດນ້ອຍລົງ ພ້ອມກັບລາຍໄດ້ທີ່ຕົກຕໍ່າລົງຢ່າງຫຼວງຫຼາຍນັ້ນ ທ່ານ Donald Graham ປະທານ ໜັງສືພິມ Washington Post ບອກພວກພະນັກງານ ວ່າ ໜັງສືພິມສະບັບນີ້ ຈະມີໂອກາດທີ່ດີຂຶ້ນກວ່າເກົ່າ ກັບເຈົ້າຂອງຜູ້ໃໝ່.
ທ່ານ ແກຣມ ເວົ້າວ່າ: “ພວກເຮົາຮູ້ດີວ່າ ເຮົາສາມາດຮັກສາໜັງສືພິມນີ້ໃຫ້ຢູ່
ລອດໄດ້ ພວກເຮົາຮູ້ວ່າມັນຈະຢູ່ລອດໄດ້ ແຕ່ຄວາມປາດຖະໜາຂອງພວກ
ເຮົາ ສໍາລັບໜັງສືພິມນີ້ ແມ່ນສູງກວ່ານັ້ນ ຢູ່ຕະຫຼອດມາ.”
ພວກໜັງສືພິມທັງຫຼາຍ ແມ່ນໄດ້ສູນເສຍຄົນອ່ານ ແລະລາຍໄດ້ຈາກການໂຄສະນາ
ໄປຕາມໆກັນ ຍ້ອນຄູ່ແຂ່ງທາງອິນເທີເນັດ.
ແມ່ຍິງຄົນນີ້ເວົ້າວ່າ “ຂ້ອຍເຄີຍຈອງໜັງສືພິມອ່ານມາກ່ອນ ແຕ່ດຽວນີ້ຂ້ອຍບໍ່ໄດ້ ຈອງຫຍັງອີກແລ້ວ ຂ້ອຍຊອກອ່ານທຸກຢ່າງ ຈາກອິນເທີເນັດ.”
Jeff Bezos ຜູ້ບຸກເບີກອິນເທີເນັດ ແລະຜູ້ກໍ່ຕັ້ງບໍລິສັດ Amazon ຊຶ່ງເປັນເສດຖີອັນດັບ
ທີ 11 ຂອງໂລກ ໄດ້ສະເໜີຊື້ເອົາໜັງສືພິມ Washington Post ໃນມູນຄ່າ 250 ລ້ານ
ໂດລ່າ ຊຶ່ງບາງຄົນກໍເວົ້າວ່າ ເປັນການເຄື່ອນໄຫວທີ່ສະຫຼາດຂອງທ່ານ Bezos ແລະ
ເໜາະສົມທັນເວລາ ສໍາລັບໜັງສືພິມ Washington Post.
Paul Levinson ຜູ້ຂຽນປື້ມແລະເປັນອາຈານສອນວິຊາການສຶກສາສື່ມວນຊົນ ເວົ້າວ່າ ມັນເຖິງເວລາແລ້ວ ທີ່ໜັງສືພິມນີ້ຈະກ້າວເຂົ້າສູ່ຍຸກ digital ຊຶ່ງທ່ານເວົ້າຕໍ່ວີໂອເອ ຜ່ານ skype ໃນຕອນນຶ່ງວ່າ:
“ຍ້ອນວ່າ ອະນາຄົດຂອງໜັງສືພິມທັງຫຼາຍນັ້ນ ແມ່ນຢູ່ອິນເທີເນັດ. ແຕ່ນີ້ກໍບໍ່
ໄດ້ໝາຍຄວາມວ່າ ໜັງສືພິມທີ່ພິມອອກມາ ຈະໝົດໄປ ແລະບໍ່ມີອີກເລີຍ. ທີ່ຈິງແລ້ວ ໂອກາດດີທີ່ສຸດທີ່ໜັງສືພິມທັງຫຼາຍ ຈະສືບຕໍ່ດໍາລົງຄົງຢູ່ຕໍ່ໄປໄດ້ນັ້ນ
ກໍແມ່ນຕ້ອງມີໜ້າທາງອິນເທີເນັດທີ່ຄຶກຄັກ ຫ້າວຫັນ ແລະເຕີບໂຕຂຶ້ນໄປ
ເລື້ອຍໆ ແລະສິ່ງນັ້ນຫຼ່ະ ທີ່ບໍລິສັດ Amazon ສາມາດເຮັດໃຫ້ໜັງສືພິມ Washingto Post ໄດ້.”
ລຸນຫຼັງເວລາຫຼາຍສິບປີ ທີ່ໜັງສືພິມສະບັບນີ້ ໄດ້ເປັນສົມບັດຂອງຄອບຄົວ Graham ທ່ານ Bezos ໄດ້ຮັບປະກັນແກ່ຄອບຄົວ ແລະບັນດາພະນັກງານໜັງສືພິມ ວ່າ ພາລະ
ກິດແລະບົດບາດຂອງໜັງສືພິມ Washington Post ຈະບໍ່ມີຫຍັງປ່ຽນແປງ ພ້ອມກັບ
ໃຫ້ຄໍາໝັ້ນສັນຍາວ່າ ຈະປ່ອຍໃຫ້ ວຽກງານການບໍລິຫານທັງໝົດ ເປັນຂອງຄະນະຜູ້
ຈັດການໜັງສືພິມຕໍ່ໄປ.
Chris Tolles ຫົວໜ້າບໍລິຫານ ບໍລິສັດ Topix ຊຶ່ງເປັນໜ່ວຍງານວົງການຂ່າວ ທາງ ອິນເທີເນັດ ທີ່ໄປເຖິງຜູ້ຊົມໃຊ້ອິນເທີເນັດຫຼາຍລ້ານຄົນນັ້ນ ເວົ້າວ່າ ໜັງສືພິມ ວໍຊິງຕັນ ໂພສ ເປັນກະບອກສຽງທີ່ສໍາຄັນຢ່າງນຶ່ງໃນວົງການທຸລະກິດການຂ່າວ ແລະການເມືອງ ສະຫະລັດ. ທ່ານເວົ້າຕໍ່ ວີໂອເອ ຜ່ານ Skype ວ່າ:
“ຂ້າພເຈົ້າຄິດວ່າ Washington Post ນີ້ ເປັນນຶ່ງໃນສາມ ຫຼືສີ່ ໜັງສືພິມ
ຍັກໃຫຍ່ ອັນດັບສູງສຸດໃນສະຫະລັດ ແລະໂດຍສະເພາະບົດບັນນາທິການ
ຂອງໜັງສືພິມນີ້ ແມ່ນມີນໍ້າໜັກຫຼາຍສົມຄວນ ເພາະມີບັນດາປະທານາທິບໍດີ
ສະຫະລັດ ສະມາຊິກສະພາຄອງແກຣສ ແລະຄອບຄົວຂອງພວກເຂົາເຈົ້າ ອ່ານມາຕະຫຼອດ.”
ໜັງສືພິມວໍຊິງຕັນ ໂພສ ໄດ້ສ້າງຊື່ສຽງອັນເຂັ້ມແຂງໃຫ້ຕົວເອງ ໂດຍການເປັນໜັງສືພິມທີ່ສະເນີຂ່າວໃຫຍ່ໆທີ່ພົ້ນເດັ່ນ ກ່ອນໝູ່ ຫຼາຍໆເລື້ອງ ເຊັ່ນຂ່າວນອງນັນເລື້ອງ Water-
gate ຂ່າວເອກກະສານຕ່າງໆຂອງທໍານຽບຫ້າແຈ ແລະລ່າສຸດເມື່ອບໍ່ດົນຜ່ານມານີ້ ກໍແມ່ນເປີດເຜີຍຂ່າວ ກ່ຽວກັບໂຄງການສືບລັບຕ່າງໆ ຂອງອົງການຄວາມໝັ້ນຄົງແຫ່ງ
ຊາດສະຫະລັດ ຫຼື NSA ນັ້ນ.
ເບິ່ງວີດີໂອ ກ່ຽວກັບທ່ານ Jeff Bezos ຫົວໜ້າບໍລິສັດ Amazon ທີ່ຈະຊື້ເອົາ ໜັງສືພິມ Washington Post:
