ລິ້ງ ສຳຫລັບເຂົ້າຫາ

ຊາວອາເມຣິກັນ ຊະນະ ການແລ່ນ ມາລາທອນ ທີ່ນະຄອນ ບອສຕັນ (ວີດີໂອ/ສະໄລດ໌)


ທ່ານ Meb Keflezighi ຈາກສະຫະລັດ ທີ່ໄດ້ຊະນະ ການແຂ່ງແລ່ນມາຣາທອນ ຢູ່ບອສຕັນ ປີ 2014
ທ່ານ Meb Keflezighi ​ເປັນ​ຊາ​ວອາ​ເມຣິກັນຄົນ​ທຳ​ອິດ
​ໃນຮອບ 31 ປີ ​ທີ່​ໄດ້​ຊະນະ​ການ​ແລ່ນມາລາ​ທອນ ຢູ່ນະ
ຄອນບອສຕັນ ຊຶ່ງ​ເປັນ​ການ​ແລ່ນ​ປະ​ຈຳປີຄັ້ງ​ທຳ​ອິດ ​ນັບ​
ແຕ່ໄດ້ມີການວາງ​ລະ​ເບີດຮ້າຍ​ແຮງ ​ຢູ່ໃກ້​ກັບ​ເສັ້ນໄຊ ທີ່
​ໄດ້​ສັງຫານຜູ້​ຊົມ​ສາມ​ຄົນ​ແລະ​ໄດ້​ຮັບ​ບາດ​ເຈັບອີກຫຼາຍ​
ກວ່າ 260 ຄົນ.

ໂດຍການຍົກ​ກຳປັ້ນຂື້ນ ​ເພື່ອສະແດງອອກເຖິງຄວາມດີ
ໃຈ ທ່ານ Keflezighi ​ຊຶ່ງເປັນຄົນອາເມຣິກັນເກີດຢູ່ເອຣິ​
ເທຣຍໄດ້​ແລ່ນ​ຜ່ານ​ເສັ້ນໄຊໃນ​ວັນ​ຈັນ​ວານນີ້ໂດຍໃຊ້​ເວ
ລາ 2 ຊົ່ວ​ໂມງກັບ 8 ນາ​ທີແລະ 37 ວິນາ​ທີ. ​ໃນການ​ແຂ່ງຂັນ​ແລ່ນ ປີທີ 118 ທ່ານ​ໄດ້
ຊະນະ ຜູ້​ລອງ​ລົງ​ມາຄື ທ່ານ Wilson Chebet ​ແຫ່ງ​ເຄນ​ຢາ ແຕ່ພຽງ 11 ວິນາທີເທົ່າ
ນັ້ນ.


ບໍ່​ມີຊາວ​ອາ​ເມຣິກັນຄົນ​ໃດອີກ ຊະນະ​ການ​ແລ່ນ​ມາລາ​ທອນນະຄອນບອສຕັນ ນັບ​ຕັ້ງ​ແຕ່ທ່ານ Greg Meyer ໄດ້ຊະນະ ​ໃນ​ປີ 1983.

ນາງ Rita Jeptoo ຈາກ​ເຄນ​ຢາ ​ໄດ້ຊະນະການແລ່ນປະເພດຍິງໃນການ​ເຂົ້າ ​ແຂ່ງ​ຂັນ​
ເປັນ​ເທຶ່ອທີ​ສາມຊຶ່ງໄດ້ທຳລາຍສະຖິຕິໃໝ່ໂດຍໃຊ້​ເວລາແຕ່ພຽງ 2 ຊົ່ວ​ໂມງກັບ 18 ນາ
​ທີແລະ 57 ວິນາທີ. ນາງ Buzunesh Deba ຊາວ​ເອທິ​ໂອ ​ເປຍ ​ໄດ້ຊະນະທີສອງໂດຍ
ໃຊ້ເວລານຶ່ງ​ນາ​ທີກວ່າໆລື່ນນາງ Jeptoo.

ການ​ແຂ່ງຂັນ​ປີ​ນີ້ ມີບັນ​ດາ​ນັກ​ແລ່ນເຂົ້າຮ່ວມທັງໝົດ 36,000 ຄົນ ຊຶ່ງຮວມທັງ ປະມານ
6,000 ຄົນ​ ໃນ​ປີ​ກາຍ​ນີ້ ​ທີ່​ບໍ່​ໄດ້​ອະນຸ​ຍາດ​ໃຫ້​ແລ່ນ​ຜ່ານ​ເສັ້ນ​ໄຊເພາະ ວ່າມີ​ການ​ວາງ​ລະ​ເບີດ.
XS
SM
MD
LG