ຊາວອະເມຣິກັນ ທໍາພິທີ​ ໄວ້​ອາ​ໄລ ວັນຄົບຮອບ 11 ກັນຍາ (ວີດີໂອ/ສະໄລດ໌)

ພິທີ​ໄວ້​ອາ​ໄລ ຢ່າງ​ເຄັ່ງຂຶມໄດ້ຈັດຂຶ້ນທີ່​ນະຄອນ​ນິວຢ໋ອກ ​
ກຸງ​ວໍຊິງ​ຕັນ ​ແລະໃນ​ລັດ​ເພັ​ນຊິ​ລເວ​ເນຍ ເພື່ອເປັນກຽດໃຫ້​ແກ່
ພວກຜູ້​ເຄາະ​ຮ້າຍ ຈາກການໂຈມຕີຂອງພວກ​ກໍ່​ການ​ຮ້າຍ​
ໃນວັນທີ 11 ກັນຍາ ປີ 2001.

ມີ​ຜູ້​ຄົນ​ເກືອບ 3 ພັນ​ຄົນ ໄດ້​ເສຍ​ຊີວິດຈາກການໂຈມຕີທີ່ໄດ້
ວາງແຜນໂດຍກຸ່ມກໍ່​ການ​ຮ້າຍ al-Qaida.

​ທີ່​ນະຄອນ​ນິວຢ໋ອກ ຄອບຄົວ​ແລະ​ພີ່ນ້ອງເພື່ອ​ນຝູງຂອງ
​ພວກເຄາະຮ້າຍ​ທີ່​ເສຍ​ຊີວິດ​ໃນ​ຄັ້ງ​ນັ້ນ ໄດ້​ໄປເຕົ້າໂຮມກັນ
ຢູ່ໃນສະຖານທີ່ ບ່ອນ​ທີ່ເຮືອບິນຖືກ​ຈີ້ ​ແລ່ນ​ເຂົ້າຕໍາ​ຕຶກ
ແຝດສູນກາງ​ການ​ຄ້າ​ໂລກນັ້ນ.

ໃນພິທີກໍາດັ່ງກ່າວ ຊຶ່ງໄດ້ກາຍມາເປັນປະເພນີແລ້ວນັ້ນກໍຄືການອ່ານລາຍຊື່ຂອງແຕ່ລະ
ທ່ານ ທີ່ໄດ້ເສຍຊີວິດໃນເຫດການຄັ້ງນີ້.... Richard L. Allen, Richard Dennis
Allen and my son, our son…ຕໍາຫຼວດປະຈໍາການຢູ່ທ່າ Chistopher
Charles Amoroso. Chris ພະຍາຍາມຫຼຽວມອງເບິ່ງ ພັນລະຍາເຈົ້າ
ແລະລູກສາວ Sophia ຂອງເຈົ້ານໍາ ນ້ອງຊາຍເຈົ້າ ນ້ອງສາວເຈົ້າ ຍ່າ ແລະ
ພວກຫຼານສາວ ຫຼານຊາຍ ຄອບຄົວ​ພີ່ນ້ອງແລະເພື່ອນຟ້ອງຂອງເຈົ້າ ແນ່ນອນ
ແມ່ຂອງເຈົ້າ ແລະຂ້ອຍເອງ. ພວກເຮົາທຸກຄົນ ຮັກເຈົ້າແລະຄິດຮອດຄິດເຖິງ
ເຈົ້າ​ເປັນທີ່ສຸດ.


ທີ່ກຸງ​ວໍຊິງ​ຕັນ ປະທານາທິບໍດີ Barack Obama ໄດ້ຢືນ​ສະ​ຫງົບ​ສະຕິ​ອາລົມ ໃນເວລາ
8:35 ຊຶ່ງເປັນເວລາ​ດຽວ​ກັນ​ ທີ່​ເຮືອບິນ​ໂດຍສານ​ແລ່ນ​ເຂົ້າ​ໄປຕໍາຕຶກທີ 1 ຂອງຕຶກ​ແຝດ
ສູນ​ກາງການ​ຄ້າ​ໂລກ ໃນນະຄອນ​ນິວຢ໋ອກ. ​ໃນເວລາ​ຕໍ່​ມາ ທ່ານໄດ້ພົບປະກັບສະມາ
ຊິກ​ຄອບຄົວຫຼາຍກວ່າ 100 ຄົນຂອງພວກທີ່ໄດ້ຮັບເຄາະ ​ເວລາເຮືອບິນ​ໂດຍສານ
ໄດ້​ແລ່ນ​ເຂົ້າຕໍາຕຶກທໍາ​ນຽບຫ້າ​ແຈ ຊຶ່ງ​ເປັນ​ກອງ​ບັນຊາ​ການຫະຫານສະຫະລັດ​ນັ້ນ.
ທ່ານ Obama ໄດ້ກ່າວວ່າ:… “We pray for the memory of all those
taken from us… ພວກເຮົາຫວິ້ງວອນພາວະນາ ລະລຶກເຖິງພວກທີ່ໄດ້ພັດ
ພາກຈາກພວກເຮົາໄປ ຂອງດວງວິນຍານອັນບໍລິສຸດເກືອບ 3 ພັນ​ຄົນນັ້ນ​
ພວກເຮົາຍັງມີຄວາມເຈັບປວດ ກ່ຽວ​ກັບອະນາຄົດຂອງ​ພວກ​ທີ່ຈາກພວກເຮົາ​
ໄປນັ້ນ.”

ໃນເວລາຕໍ່ມາ ປະທານ​ເສນາ​ທິການ​ຮ່ວມ ທ່ານພົນ​ເອກ Martin Dempsey ກໍໄດ້
ກ່າວວ່າ ຮູບພາບທີ່ໄດ້ຖ່າຍຫຼັງຈາກເຫດເຮືອບິນທີ່​ຖືກ​ຈີ້ ບິນ​ເຂົ້າຕໍາຕຶກນັ້ນ ໄດ້ເກັບກໍາ
ແລະຖ່າຍທອດ ເຖິງຄວາມຮູ້ສຶກຂອງພວກພະນັກງານເຈົ້າໜ້າທີ່​ ທີ່ຢູ່ພາຍໃນຕຶກນັ້ນ.

ທີ່ເມືອງ Shanksville ໃນລັດເພັ​ນຊິ​ລເວ​ເນຍ ທາງພາກຕາເວັນອອກສຽງເໜືອຂອງ
ປະເທດ ​ ບ່ອນທີ່ຖ້ຽວ​ບິນ 93 ຂອງ​ສາຍ​ການບິນ UNITED ຕົກລົງໃສ່ທົ່ງ ທີ່​ເຮັດ​ໃຫ້
​ຜູ້​ໂດຍສານ 33 ຄົນ​ແລະ​ພວກ​ລູກ​ເຮືອ​ອີກ 7 ຄົນເສຍ​ຊີວິດ​ໄປ​ນັ້ນ ກໍໄດ້ມີການອ່ານຊື່
ແຕ່ລະທ່ານ ຂອງພວກທີ່ ໄດ້ຮັບເຄາະຮ້າຍ ຈາກເຫດໂສກນາດຕະກໍາຄັ້ງນີ້ນໍາ.