ປະຊາຊົນອາເມຣິກັນທົ່ວປະເທດຢຸດພັກການ ໃນວັນຈັນວານນີ້
ເພື່ອສະຫລອງ ວັນພັກປະຈໍາປີຂອງລັດຖະບານກາງ ທີ່ເປັນຂີດ
ໝາຍວັນເກີດຂອງ ທ່ານ Martin Luther King Jr. ຜູ້ນໍາສິດທິ
ພົນລະເມືອງ ທີ່ຖືກລອບສັງຫານ.
ຫລາຍຮ້ອຍຄົນພາກັນໄປຮ່ວມໃນພິທີ ຢູ່ທີ່ວັດ Ebenezer
Baptist Church ໃນນະຄອນ Atlanta ລັດ Georgia
ໃນວັນຈັນວານນີ້ ເພື່ອລະນຶກເຖິງມູນເຊື້ອມໍລະດົກຂອງ
ທ່ານຄິງທີ່ເປັນຄົນເມືອງ Atlanta.
ຢູ່ໃນຫລາຍໆເມືອງ ໄດ້ມີການສະຫລອງວັນ Martin Luther
King Day ດ້ວຍການຈັດຂະບວນແຫ່ ເພື່ອໃຫ້ກຽດແກ່ຜົນງານຂອງທ່ານ.
ປະທານາທິບໍດີໂອບາມາແລະຄອບຄົວ ກໍຮວມຢູ່ບັນດາຊາວອາເມຣິກັນ ທີ່ພາກັນ
ເຮັດວຽກ ເພື່ອເປັນຂີດໝາຍວັນພັກດັ່ງກ່າວ ໂດຍການອາສາສະມັກເຮັດວຽກການກຸສົນ
ແລະຊ່ວຍປະຊາຄົມໃນໂຄງການຕ່າງໆ. ຄືຄອບຄົວຂອງທ່ານໂອບາມາໄດ້ໄປຊ່ວຍປຸງ
ອາຫານ ຢູ່ບ່ອນບໍລິການອາຫານຟີໃຫ້ພວກຄົນທຸກແຫ່ງນຶ່ງ ໃນນະຄອນຫລວງວໍຊິງຕັນ.
ວັນພັກລັດຖະການມື້ວານນີ້ ໄດ້ສ້າງຂຶ້ນໃນປີ 1983 ເວລາປະທານາທິບໍດີ Ronald
Reagan ໄດ້ລົງນາມໃນຮ່າງກົດໝາຍ ທີ່ກໍານົດໃຫ້ວັນຈັນອາທິດທີ່ສາມຂອງເດືອນ
ມັງກອນ ເປັນວັນໃຫ້ກຽດແກ່ ທ່ານ King ທີ່ເກີດໃນວັນທີ 15 ມັງກອນ ປີ 1929
ທີ່ນະຄອນ Atlanta ລັດ Georgia ທາງພາກໃຕ້ຂອງສະຫະລັດ.
ລັດຖະສະພາສະຫະລັດ ໄດ້ແຕ່ງຕັ້ງວັນພັກຂອງທ່ານ King ໃຫ້ເປັນວັນຮັບໃຊ້ຊາດ
ໃນປີ 1994 ຊຶ່ງເປັນການເຄື່ອນໄຫວທີ່ແນໃສ່ ເພື່ອຊຸກຍູ້ໃຫ້ຊາວອາເມຣິກັນ
ເຂົ້າປະກອບສ່ວນໃນໂຄງການຮັບໃຊ້ບໍລິການປະຊາຄົມຕ່າງໆ.
ທ່ານ King ໄດ້ໂຜ່ໂຕຂື້ນມາມີຊື່ສຽງ ໃນປີ 1955 ເວລາທ່ານໄດ້ເປັນຜູ້ນໍາພາການ
ຂວໍ້າບາດຢ່າງສໍາເລັດຜົນ ໃນການບໍ່ໃຊ້ລົດເມທີ່ແບ່ງແຍກບ່ອນນັ່ງ ລະຫວ່າງຄົນຜິວ
ຂາວກັບຜິວດໍາ ຢູ່ເມືອງ Mongomary ລັດ Alabama ຊຶ່ງໄດ້ບັງຄັບໃຫ້ເມືອງ
ດັ່ງກ່າວ ຍຸດຕິການແບ່ງແຍກບ່ອນນັ່ງຂອງຄົນໂດຍສານຜີວດໍານັ້ນ. ທ່ານຄິງໄດ້
ກາຍມາເປັນບຸກຄົນສໍາຄັນທີ່ສຸດຂອງສາທະລະນະຊົນອີກ ຍ້ອນບົດບາດຂອງທ່ານ
ໃນຂະບວນການດ້ານສິດທິມະນຸດ ຂອງຊຸມປີ 1950 ແລະ 60 ທີ່ໄດ້ດົນບັນດານໃຈ
ຂອງຜູ້ຄົນຫລາຍໆລ້ານຄົນ ຍ້ອນຄໍາປາໄສ “I Have a Dream” ຫລື “ຂ້າພະ
ເຈົ້າມີຄວາມຝັນ” ຂອງທ່ານ ທີ່ທ່ານໄດ້ກ່າວເມື່ອປີ 1963 ໃນລະຫວ່າງອັນທີ່
ເອີ້ນວ່າ ການເດີນຂະບວນລົງສູ່ ນະຄອນຫລວງ ວໍຊິງຕັນ ນັ້ນ.
ທ່ານ ໄດ້ຮັບລາງວັນ Nobel ສັນຕິພາບ ໃນປີ 1964 ຊຶ່ງເປັນປີດຽວກັນກັບຮ່າງ
ກົດໝາຍສະບັບປະຫວັດສາດ ທີ່ໄດ້ຍຸດຕິການແບ່ງແຍກຜິວພັນຢູ່ໃນທີ່ສາທາ
ລະນະຕ່າງໆ ແລະຫ້າມການຈໍາແນກກີດກັນໃນການວ່າຈ້າງ ຍ້ອນເຊື້ອຊາດ
ຜີວພັນ ສາສະໜາ ເພດ ຫລືເຊື້ອສາຍທາງປະເທດຕ່າງໆນັ້ນ ໄດ້ຖືກລົງນາມ
ໃຫ້ເປັນກົດໝາຍ ໂດຍປະທານາທິບໍດີ Lyndon Johnson.
ທ່ານ King ໄດ້ຖືກລອບສັງຫານໃນວັນທີ 4 ເດືອນເມສາ ທີ່ເມືອງ Memphis ລັດ
Tennessee ບ່ອນທີ່ທ່ານໄດ້ເດີນທາງໄປຊ່ວຍ ພວກພະນັກງານເກັບຂີ້ເຫຍື່ອ
ຄົນຜິວດໍາ ທີ່ພາກັນນັດຢຸດງານ ເພື່ອຮຽກຮ້ອງເອົາຄ່າຈ້າງເທົ່າທຽມກັນ ກັບຄົນ
ຜິວຂາວ.
ລໍາດັບເຫດການ ໃນຊີວິດຂອງທ່ານຄິງ:
ເພື່ອສະຫລອງ ວັນພັກປະຈໍາປີຂອງລັດຖະບານກາງ ທີ່ເປັນຂີດ
ໝາຍວັນເກີດຂອງ ທ່ານ Martin Luther King Jr. ຜູ້ນໍາສິດທິ
ພົນລະເມືອງ ທີ່ຖືກລອບສັງຫານ.
ຫລາຍຮ້ອຍຄົນພາກັນໄປຮ່ວມໃນພິທີ ຢູ່ທີ່ວັດ Ebenezer
Baptist Church ໃນນະຄອນ Atlanta ລັດ Georgia
ໃນວັນຈັນວານນີ້ ເພື່ອລະນຶກເຖິງມູນເຊື້ອມໍລະດົກຂອງ
ທ່ານຄິງທີ່ເປັນຄົນເມືອງ Atlanta.
ຢູ່ໃນຫລາຍໆເມືອງ ໄດ້ມີການສະຫລອງວັນ Martin Luther
King Day ດ້ວຍການຈັດຂະບວນແຫ່ ເພື່ອໃຫ້ກຽດແກ່ຜົນງານຂອງທ່ານ.
ປະທານາທິບໍດີໂອບາມາແລະຄອບຄົວ ກໍຮວມຢູ່ບັນດາຊາວອາເມຣິກັນ ທີ່ພາກັນ
ເຮັດວຽກ ເພື່ອເປັນຂີດໝາຍວັນພັກດັ່ງກ່າວ ໂດຍການອາສາສະມັກເຮັດວຽກການກຸສົນ
ແລະຊ່ວຍປະຊາຄົມໃນໂຄງການຕ່າງໆ. ຄືຄອບຄົວຂອງທ່ານໂອບາມາໄດ້ໄປຊ່ວຍປຸງ
ອາຫານ ຢູ່ບ່ອນບໍລິການອາຫານຟີໃຫ້ພວກຄົນທຸກແຫ່ງນຶ່ງ ໃນນະຄອນຫລວງວໍຊິງຕັນ.
ວັນພັກລັດຖະການມື້ວານນີ້ ໄດ້ສ້າງຂຶ້ນໃນປີ 1983 ເວລາປະທານາທິບໍດີ Ronald
Reagan ໄດ້ລົງນາມໃນຮ່າງກົດໝາຍ ທີ່ກໍານົດໃຫ້ວັນຈັນອາທິດທີ່ສາມຂອງເດືອນ
ມັງກອນ ເປັນວັນໃຫ້ກຽດແກ່ ທ່ານ King ທີ່ເກີດໃນວັນທີ 15 ມັງກອນ ປີ 1929
ທີ່ນະຄອນ Atlanta ລັດ Georgia ທາງພາກໃຕ້ຂອງສະຫະລັດ.
ລັດຖະສະພາສະຫະລັດ ໄດ້ແຕ່ງຕັ້ງວັນພັກຂອງທ່ານ King ໃຫ້ເປັນວັນຮັບໃຊ້ຊາດ
ໃນປີ 1994 ຊຶ່ງເປັນການເຄື່ອນໄຫວທີ່ແນໃສ່ ເພື່ອຊຸກຍູ້ໃຫ້ຊາວອາເມຣິກັນ
ເຂົ້າປະກອບສ່ວນໃນໂຄງການຮັບໃຊ້ບໍລິການປະຊາຄົມຕ່າງໆ.
ທ່ານ King ໄດ້ໂຜ່ໂຕຂື້ນມາມີຊື່ສຽງ ໃນປີ 1955 ເວລາທ່ານໄດ້ເປັນຜູ້ນໍາພາການ
ຂວໍ້າບາດຢ່າງສໍາເລັດຜົນ ໃນການບໍ່ໃຊ້ລົດເມທີ່ແບ່ງແຍກບ່ອນນັ່ງ ລະຫວ່າງຄົນຜິວ
ຂາວກັບຜິວດໍາ ຢູ່ເມືອງ Mongomary ລັດ Alabama ຊຶ່ງໄດ້ບັງຄັບໃຫ້ເມືອງ
ດັ່ງກ່າວ ຍຸດຕິການແບ່ງແຍກບ່ອນນັ່ງຂອງຄົນໂດຍສານຜີວດໍານັ້ນ. ທ່ານຄິງໄດ້
ກາຍມາເປັນບຸກຄົນສໍາຄັນທີ່ສຸດຂອງສາທະລະນະຊົນອີກ ຍ້ອນບົດບາດຂອງທ່ານ
ໃນຂະບວນການດ້ານສິດທິມະນຸດ ຂອງຊຸມປີ 1950 ແລະ 60 ທີ່ໄດ້ດົນບັນດານໃຈ
ຂອງຜູ້ຄົນຫລາຍໆລ້ານຄົນ ຍ້ອນຄໍາປາໄສ “I Have a Dream” ຫລື “ຂ້າພະ
ເຈົ້າມີຄວາມຝັນ” ຂອງທ່ານ ທີ່ທ່ານໄດ້ກ່າວເມື່ອປີ 1963 ໃນລະຫວ່າງອັນທີ່
ເອີ້ນວ່າ ການເດີນຂະບວນລົງສູ່ ນະຄອນຫລວງ ວໍຊິງຕັນ ນັ້ນ.
ທ່ານ ໄດ້ຮັບລາງວັນ Nobel ສັນຕິພາບ ໃນປີ 1964 ຊຶ່ງເປັນປີດຽວກັນກັບຮ່າງ
ກົດໝາຍສະບັບປະຫວັດສາດ ທີ່ໄດ້ຍຸດຕິການແບ່ງແຍກຜິວພັນຢູ່ໃນທີ່ສາທາ
ລະນະຕ່າງໆ ແລະຫ້າມການຈໍາແນກກີດກັນໃນການວ່າຈ້າງ ຍ້ອນເຊື້ອຊາດ
ຜີວພັນ ສາສະໜາ ເພດ ຫລືເຊື້ອສາຍທາງປະເທດຕ່າງໆນັ້ນ ໄດ້ຖືກລົງນາມ
ໃຫ້ເປັນກົດໝາຍ ໂດຍປະທານາທິບໍດີ Lyndon Johnson.
ທ່ານ King ໄດ້ຖືກລອບສັງຫານໃນວັນທີ 4 ເດືອນເມສາ ທີ່ເມືອງ Memphis ລັດ
Tennessee ບ່ອນທີ່ທ່ານໄດ້ເດີນທາງໄປຊ່ວຍ ພວກພະນັກງານເກັບຂີ້ເຫຍື່ອ
ຄົນຜິວດໍາ ທີ່ພາກັນນັດຢຸດງານ ເພື່ອຮຽກຮ້ອງເອົາຄ່າຈ້າງເທົ່າທຽມກັນ ກັບຄົນ
ຜິວຂາວ.
ລໍາດັບເຫດການ ໃນຊີວິດຂອງທ່ານຄິງ:
