ປະທານາທິບໍດີສະຫະລັດ ທ່ານບາຣັກ ໂອບາມາ ໄດ້ປະຕິບັດ
ຕາມຮີດຄອງປະເພນີ ສືບເຄົ້າມາໄດ້ຫຼາຍທົດສະວັດແລ້ວ
ໃນວັນພຸດວານນີ້ ແລະໄດ້ອະໄພຍະໂທດໃຫ້ໄກ່ງວງຄູ່ນຶ່ງ
ທີ່ຈະຖືກນໍາໄປເປັນອາຫານໃນວັນ “ຂອບຄຸນພະເຈົ້າ”
ໃຫ້ໄປໃຊ້ການແນວອື່ນແທນ.
ວັນສະຫຼອງເທດສະການບຸນຂອບຄຸນພະເຈົ້າ ຫຼື ທີ່ຮູ້ກັນດີ
ແມ່ນ “Thanksgiving” ໃນສະຫະລັດອາເມຣິການັ້ນ
ແມ່ນຖືກວ່າເປັນວັນຂອງການເຕົ້າໂຮມບັນດາສະມາຊິກ
ຄອບຄົວ ຍາດພີ່ ນ້ອງ ເພື່ອນມິດສະຫາຍ ເພື່ອມາກິນເຂົ້າ
ສາມັກຄີ ມ່ວນຊື່ນລື່ນເລີງຕ່າງໆ ແລະຕ້ອງມີໄກ່ງວງເປັນອາຫານຫຼັກ.
ແຕ່ວ່າປະທານາທິບໍດີ ໄດ້ກ່າວໃນທໍານຽບຂາວວ່າ ພວກໄກ່ງວງ ທີ່ມີຊື່ຫຼິ້ນວ່າ “Popcorn”
“Caramel” ໄດ້ຖືກໃຫ້ອະໄພຍະໂທດ ແລະຈະບໍ່ຖືກກິນເປັນອາຫານ ໃນວັນເທດສະ
ການ ຂອບຄຸນພະເຈົ້າປະຈໍາປີ ຊຶ່ງເປັນວັນທີ່ຊາວອະເມຣິກັນທັງຫຼາຍ ພາກັນເດີນທາງ
ເປັນຫຼາຍໆຮ້ອຍຫຼັກກິໂລແມັດ ເພື່ອກັບຄືນບ້ານໄປຮ່ວມສັງສັນ ແລະສະຫຼອງກັນຢ່າງ
ມ່ວນຊື່ນ.
ບໍລິສັດສະມາຄົມລົດໂອໂຕອາເມຣິກັນຫຼື AAA ຄາດຄະເນວ່າ ຈະມີຫຼາຍກວ່າ 43 ລ້ານຄົນ
ຈະພາກັນອອກເດີນທາງຢ່າງນ້ອຍ 80 ຫຼັກກິໂລແມັດ ໃນອາທິດນີ້.
ການທີ່ມີຫິມະ ນໍ້າແຂງມື່ນ ແລະຝົນຕົກ ຈາກສະພາບອາກາດທີ່ປັ່ນປ່ວນໃນບາງພາກພື້ນ
ຂອງສະຫະລັດ ໃນຊ່ວງນີ້ ແມ່ນເຮັດໃຫ້ແຜນການເດີນທາງຂອງຊາວອະເມຣິກັນຫຼາຍ
ລ້ານຄົນນັ້ນຫຍຸ້ງຍາກ ລໍາບາກ ບໍ່ວ່າຈະເປັນການເດີນທາງທ້ອງຖະໜົນ ທາງເຮືອບິນ
ແລະທາງລົດໄຟກໍຕາມ. ສາຍການບິນຕ່າງໆ ໄດ້ເລື່ອນເວລາຫຼາຍພັນຖ້ຽວບິນແລະຍົກ
ເລີກອີກຫຼາຍຮ້ອຍຖ້ຽວໄປເລີຍ ຍ້ອນສະພາບອາກາດປັ່ນປ່ວນ ຊຶ່ງໄດ້ຂະຫຍາຍເປັນ
ວົງກ້ວາງອອກ ປົກຄຸມໄປທົ່ວພາກຕາເວັນອອກຂອງສະຫະລັດທັງໝົດນັ້ນ.
ຕາມຮີດຄອງປະເພນີ ສືບເຄົ້າມາໄດ້ຫຼາຍທົດສະວັດແລ້ວ
ໃນວັນພຸດວານນີ້ ແລະໄດ້ອະໄພຍະໂທດໃຫ້ໄກ່ງວງຄູ່ນຶ່ງ
ທີ່ຈະຖືກນໍາໄປເປັນອາຫານໃນວັນ “ຂອບຄຸນພະເຈົ້າ”
ໃຫ້ໄປໃຊ້ການແນວອື່ນແທນ.
ວັນສະຫຼອງເທດສະການບຸນຂອບຄຸນພະເຈົ້າ ຫຼື ທີ່ຮູ້ກັນດີ
ແມ່ນ “Thanksgiving” ໃນສະຫະລັດອາເມຣິການັ້ນ
ແມ່ນຖືກວ່າເປັນວັນຂອງການເຕົ້າໂຮມບັນດາສະມາຊິກ
ຄອບຄົວ ຍາດພີ່ ນ້ອງ ເພື່ອນມິດສະຫາຍ ເພື່ອມາກິນເຂົ້າ
ສາມັກຄີ ມ່ວນຊື່ນລື່ນເລີງຕ່າງໆ ແລະຕ້ອງມີໄກ່ງວງເປັນອາຫານຫຼັກ.
ແຕ່ວ່າປະທານາທິບໍດີ ໄດ້ກ່າວໃນທໍານຽບຂາວວ່າ ພວກໄກ່ງວງ ທີ່ມີຊື່ຫຼິ້ນວ່າ “Popcorn”
“Caramel” ໄດ້ຖືກໃຫ້ອະໄພຍະໂທດ ແລະຈະບໍ່ຖືກກິນເປັນອາຫານ ໃນວັນເທດສະ
ການ ຂອບຄຸນພະເຈົ້າປະຈໍາປີ ຊຶ່ງເປັນວັນທີ່ຊາວອະເມຣິກັນທັງຫຼາຍ ພາກັນເດີນທາງ
ເປັນຫຼາຍໆຮ້ອຍຫຼັກກິໂລແມັດ ເພື່ອກັບຄືນບ້ານໄປຮ່ວມສັງສັນ ແລະສະຫຼອງກັນຢ່າງ
ມ່ວນຊື່ນ.
ບໍລິສັດສະມາຄົມລົດໂອໂຕອາເມຣິກັນຫຼື AAA ຄາດຄະເນວ່າ ຈະມີຫຼາຍກວ່າ 43 ລ້ານຄົນ
ຈະພາກັນອອກເດີນທາງຢ່າງນ້ອຍ 80 ຫຼັກກິໂລແມັດ ໃນອາທິດນີ້.
ການທີ່ມີຫິມະ ນໍ້າແຂງມື່ນ ແລະຝົນຕົກ ຈາກສະພາບອາກາດທີ່ປັ່ນປ່ວນໃນບາງພາກພື້ນ
ຂອງສະຫະລັດ ໃນຊ່ວງນີ້ ແມ່ນເຮັດໃຫ້ແຜນການເດີນທາງຂອງຊາວອະເມຣິກັນຫຼາຍ
ລ້ານຄົນນັ້ນຫຍຸ້ງຍາກ ລໍາບາກ ບໍ່ວ່າຈະເປັນການເດີນທາງທ້ອງຖະໜົນ ທາງເຮືອບິນ
ແລະທາງລົດໄຟກໍຕາມ. ສາຍການບິນຕ່າງໆ ໄດ້ເລື່ອນເວລາຫຼາຍພັນຖ້ຽວບິນແລະຍົກ
ເລີກອີກຫຼາຍຮ້ອຍຖ້ຽວໄປເລີຍ ຍ້ອນສະພາບອາກາດປັ່ນປ່ວນ ຊຶ່ງໄດ້ຂະຫຍາຍເປັນ
ວົງກ້ວາງອອກ ປົກຄຸມໄປທົ່ວພາກຕາເວັນອອກຂອງສະຫະລັດທັງໝົດນັ້ນ.