ລິ້ງ ສຳຫລັບເຂົ້າຫາ

ວັນພະຫັດ, ໒໒ ກຸມພາ ໒໐໒໔

ປະທານາທິບໍດີໄບເດັນ ກ່າວວ່າ ຈູດິດ ວາຍສະໄຕນ໌ ຄົນອາເມຣິກັນ ໄດ້ຖືກຂ້າຕາຍ ໃນລະຫວ່າງການໂຈມຕີ ຂອງກຸ່ມຮາມາສ ຕໍ່ອິສຣາແອລ


ຮູບຖ່າຍທີ່ບໍ່ມີວັນທີ ຈາກຄອບຄົວ ວາຍສະໄຕນ໌ ແລະຮັກໄກ ສະແດງໃຫ້ເຫັນນາງຈູດິດ(ຊ້າຍ) ແລະທ່ານກາດ ຮັກກາຍ ສາມີຂອງນາງ. ນາງ ຈູດິດ ວານສະໄຕນ໌ ເຊິ່ງຄິດວ່າຖືກຈັບເປັນໂຕປະກັນໃນເຂດກາຊາ ຖືກປະກາດວ່າເສຍຊີວິດ ໃນວັນທີ 28 ທັນວາ 2023.ເຈົ້າໜ້າທີ່ກ່າວວ່າ ທັງສອງ ຖືກຂ້າຕາຍໃນການໂຈມຕີຂອງກຸ່ມຮາມາສ ໃນວັນທີ 7 ຕຸລາ.
ຮູບຖ່າຍທີ່ບໍ່ມີວັນທີ ຈາກຄອບຄົວ ວາຍສະໄຕນ໌ ແລະຮັກໄກ ສະແດງໃຫ້ເຫັນນາງຈູດິດ(ຊ້າຍ) ແລະທ່ານກາດ ຮັກກາຍ ສາມີຂອງນາງ. ນາງ ຈູດິດ ວານສະໄຕນ໌ ເຊິ່ງຄິດວ່າຖືກຈັບເປັນໂຕປະກັນໃນເຂດກາຊາ ຖືກປະກາດວ່າເສຍຊີວິດ ໃນວັນທີ 28 ທັນວາ 2023.ເຈົ້າໜ້າທີ່ກ່າວວ່າ ທັງສອງ ຖືກຂ້າຕາຍໃນການໂຈມຕີຂອງກຸ່ມຮາມາສ ໃນວັນທີ 7 ຕຸລາ.

ປະທານາທິບໍດີ ໂຈ ໄບເດັນ ກ່າວໃນວັນພະຫັດວານນີ້ວ່າ ຊາວອາເມຣິກັນ ທ່ານນາງ ຈູດິດ ວາຍສະໄຕ​ນ໌ (Judith Weinstein) ໄດ້ຖືກກຸ່ມຮາມາສຂ້າຕາຍ ໃນວັນ ທີ 7 ຕຸລາ ເວລາກຸ່ມຫົວຮຸນແຮງດັ່ງກ່າວ ໄດ້ບຸກໂຈມຕີອິສຣາແອລ. ໃນເບື້ອງຕົ້ນ, ເຊື່ອກັນວ່າ ທ່ານນາງ ວາຍສະໄຕ​ນ໌ ໄດ້ຖືກກຸ່ມຮາມາສ ລັກພາຕົວໄປ.

ທ່ານ ໄບເດັນ ກ່າວ​ໃນ​ຖະ​ແຫຼງການ​ສະບັບ​ນຶ່ງ​ວ່າ “ຂ້າພະ​ເຈົ້າ​ຂໍຢືນຢັນ​ອີກເທື່ອນຶ່ງໃນ​ຄຳ​ໝັ້ນ​ສັນຍາ​ທີ່​ພວກ​ເຮົາ​ໄດ້​ໃຫ້​ໄວ້ກັບທຸກໆ​ຄອບຄົວ​ຂອງ​ຜູ້​ທີ່​ຍັງ​ຖືກ​ຈັບ​ເປັນ​ຕົວ​ປະກັນວ່າ ພວກ​ເຮົາ​ຈະ​ບໍ່​ຢຸດເຮັດວຽກ ​ເພື່ອນຳເອົາ​ພວກ​ເຂົາ​ເຈົ້າ​ກັບ​ບ້ານ.

ທ່ານນາງວາຍສະໄຕ​ນ໌ ມີອາຍຸ 70 ປີ. ສາມີຂອງທ່ານນາງ,​ ທ່ານ ກາດ ຮັກກາຍ (Gad Haggai), ໄດ້ຖືກຂ້າຕາຍໃນມື້ດຽວກັນ, ທ່ານໄບເດັນ ກ່າວໃນອາທິດທີ່ຜ່ານມາ. ເຊິ່ງລາວມີອາຍຸ 73 ປີ.

ທ່ານ ໄບເດັນ ກ່າວ​ໃນ​ຖະ​ແຫຼງ​ການ​ວ່າ “​ຄວາມໂສກເສົ້າທີ່ຄ່ອຍໆປາກົດຂຶ້ນ ​ໄດ້​ບາດ​ເລິກລົງໄປ ​ເຊິ່ງ​ເກີດຂຶ້ນຫຼັງຈາກ​ຂ່າວ​ໃນ​ອາ​ທິດ​ທີ່ຜ່ານ​ມາ ​ທີ່​ເຊື່ອ​ກັນ​ວ່າ ສາ​ມີ​ທີ່ແສນ​ຮັກ​ຂອງທ່ານນາງ ຈູດິດ, ທ່ານກາດ ຮັກກາຍ ໄດ້ຖືກ​ຂ້າ​ຕາຍ​ໂດຍ ກຸ່ມຮາມາສ,”.

ໃນ​ລະ​ຫວ່າງ​ການ​ໂຈມ​ຕີ​ໃນ​ວັນ​ທີ 7 ຕຸ​ລາ​, ປະ​ມານ 1,200 ຄົນ​ໄດ້ຖືກຂ້າຕາຍ ​ແລະ 240 ຖືກ​ຈັບໂຕໄປເປັນຕົວປະກັນໃນເຂດກາຊາ, ອີງຕາມຂໍ້ມູນຂອງອິສຣາແອລ. ຫຼັງ​ຈາກ​ການ​ໂຈມ​ຕີ​ຂອງ​ ກຸ່ມຮາມາສ, ການ​ຖະຫຼົ່ມເຂດກາຊາ​ຂອງ​ອິ​ສ​ຣາ​ແອລ​ ​ໄດ້​ເຮັດ​ໃຫ້​ມີ​ຜູ້​ເສຍ​ຊີ​ວິດ​ຫຼາຍ​ກວ່າ 21,000 ຄົນ, ອີງຕາມ​ຂໍ້ມູນຂອງກະ​ຊວງ​ສາ​ທາ​ລະ​ນະ​ສຸກ​ຢູ່​ເຂດ ກາຊາ.

​ໂຄສົກ​ລັດຖະບານ​ອິສຣາ​ແອ​ລ ກ່າວ​ໃນ​ວັນ​ພະຫັດ​ວານ​ນີ້​ວ່າ ​ໃນ​ບັນດາ​ຕົວ​ປະກັນ​ທີ່ກຸ່ມ ຮາມາສ ຈັບໂຕໄປ, 110 ຄົນ​ໄດ້​ຖືກ​ປ່ອຍ​ຕົວ​ໃນ​ລະຫວ່າງ​ການ​ຢຸດ​ຍິງ​ໃນ​ທ້າຍ​ເດືອນ​ພະຈິກ​ທີ່ຜ່ານ​ມາ ​ແລະ​ອີກ 23 ຄົນ​ໄດ້​ຖືກ​ປະ​ກາດ​ວ່າ​ເສຍ​ຊີວິດໂດຍບໍ່ມີການປາກົດໂຕ.

​ຕົວ​ປະກັນ​ 3 ຄົນ ໄດ້​ຖືກ​ທະຫານ​ອິສຣາ​ແອລ ​ສັງຫານ​ໂດຍບໍ່ໄດ້ຕັ້ງໃຈ.

ອ່ານຂ່າວນີ້ເປັນພາສາອັງກິດ

XS
SM
MD
LG