ລິ້ງ ສຳຫລັບເຂົ້າຫາ

logo-print

ຄຳສັບ ແລະສຳນວນພາສາ ອັງກິດແບບ ອາເມຣິກັນ - ບົດຮຽນທີ 5: Set of wheels & the pits


ຄຳ​ສັບ ແລະ​ສຳ​ນວນພາ​ສາອ​ັງ​ກິດ ແບບ​ອາ​ເມ​ຣິ​ກັນ - American Slang Idioms

ວິທະຍຸກະຈາຍສຽງແຫ່ງຊາດລາວ ຮ່ວມກັບ ວີໂອເອ ພາກພາສາລາວ ພູມໃຈສະເໜີ ລາຍການ​ສອນພາສາອັງກິດ Popular American Slang and Idioms ຊຶ່ງ​ເປັນບົດ​ສົນທະນາ​ພາສາ​ອັງກິດ​ ລະຫວ່າງ​ເພື່ອ​ນນັກ​ສຶກສາຄົນລາວ ກັບ​ຄົນອາ​ເມຣິກັນ ເພື່ອອະທິບາຍຄໍາສັບ ​ແລະ ສໍານວນພາ​ສາ​ອັງກິດ​ຕ່າງໆ ທີ່​ຄົນອາ​ເມຣິກັນນິຍົມ​ໃຊ້​ກັນ.

ສະບາຍດີ ທ່ານຜູ້ຟັງທີ່ເຄົາລົບ ແລະ ນ້ອງໆນັກສຶກສາທີ່ຮັກແພງ ທັງຫລາຍ. ຂໍຕ້ອນຮັບ ບັນດາທ່ານເຂົ້າສູ່ ລາຍການສອນພາສາອັງກິດ Popular American Slangs and Idioms ຂອງວິທະຍຸກະຈາຍສຽງ ແຫ່ງຊາດລາວ ທີ່​ນະຄອນ​ຫລວງ​ວຽງ​ຈັນ ສປປ ລາວ ຮ່ວມ​ກັບ ວີໂອເອ ພາກພາສາລາວ (Voice of America) ທີ່​ນະຄອນຫລວງ​ວໍ​ຊິງ​ຕັນ ດີ​ຊີ ສະຫະລັດອາເມຣິກາ​. ໃນບົດຮຽນ ທີ 5 ນີ້ ພວກເຮົາຈະພາທ່ານຮຽນ ສຳນວນ Set of wheels ກັບ the pits ຊຶ່ງ​ທ່ານ​ຈະ​ໄດ້ຮັບ​ຟັງ​ເພື່ອນນັກ​ສຶກສາ ສອງ​ຄົນ Ly ກັບ Larry ລົມ​ກັນ. ​ເຊີນ​ບັນດາ​ທ່ານໄປ​ພົບ​ກັບ​ເຂົາ​ເຈົ້າ​ໄດ້​ເລີຍ.


Larry meets Ly for lunch on Monday and he’s telling her about what he did over the weekend.

ແລຣີ ໄປພົບກັບລີ ເພື່ອກິນເຂົ້າທ່ຽງນຳກັນ ໃນມື້ວັນຈັນ ແລະ ລາວລົມສູ່ ລີ ຟັງວ່າ ລາວໄດ້ເຮັດຫຍັງແດ່ ໃນທ້າຍອາທິດຜ່ານມາ. ​ໃຫ້​ສັງ​ເກດ​ສຳນວນ set of wheels ​ແລະ ​ຟັງ​ຄຳ​ອະທິບາຍ​ຂອງ​ແລຣີ.

LL: Bob gave me a ride in his new set of wheels on Saturday. That car is so awesome. It rides like a dream!

Ly: He gave you a ride in his new “set of wheels?” Does set of wheels mean car?

LL: Yeah. “Set of wheels” or just “wheels” is a slang term for car. Bob’s new wheels are really cool.

Ly: Did he tell you how much he paid for his new set of wheels?

LL: He didn’t say and I thought it would be rude to ask; but I know that a car like that costs at least $35,000.

Ly: Wow! That’s a lot of money to spend on a set of wheels.

LL: I suppose it’s worth it if you have that much money to spend. For people like us, who are still studying, it seems like a lot of money.

Ly: But Bob already has a good job, so he can afford to spend a lot of money on a nice set of wheels.

LL: Just imagine, in a few years, you and I will be able to afford wheels like that.

Ly: Even if I did have that much money, I don’t know if I would spend it on a car.

LL: Why not?

Ly: Because you can get a good set of wheels for much less than that and then you can save that money for something else, like a house.

LL: That’s true. I guess it depends on your priorities. If it’s really important to you to have a fancy set of wheels, then it seems worth it.

Ly: But to someone like me, it seems like a better idea to save the money or spend it on something else.

LL: That’s because you don’t care that much about what kind of wheels you have.

ນ້ອງໆຄົງຈະເຂົ້າໃຈແລ້ວຕິເນາະວ່າ a set of wheels ໝາຍ ເຖິງລົດ? ເປັນຫຍັງຈຶ່ງເວົ້າແບບນັ້ນ ກໍ່ເພາະວ່າ wheels w-h-e-e-l-s ແປວ່າ ລໍ້. ລົດກໍ່ຕ້ອງມີລໍ້ເນາະ ເພາະສະນັ້ນ a set of wheels ກໍ່ ໝາຍເຖິງລົດ. ໄປຟັງບົດສົນທະນາຂອງ ແລຣີ ກັບ ລີ ອີກ​ເທື່ອ​ໜຶ່ງ ພ້ອມກັບຄຳແປ.

LL: Bob gave me a ride in his new set of wheels on Saturday. That car is so awesome. It rides like a dream! ບອບພາຂ້ອຍໄປຂີ່ set of wheels ໃໝ່ຂອງລາວ ເມື່ອວັນ ເສົາຜ່ານມາ. ລົດຄັນນັ້ນຈັ່ງແມ່ນຄັກຫລາຍ. ຂີ່ມ່ວນປານຄືຢູ່ໃນຄວາມ ຝັນ.

Ly: He gave you a ride in his new “set of wheels?” Does set of wheels mean car? ລາວພາເຈົ້າໄປຂີ່ “set of wheels” ໃໝ່ຂອງລາວ? “set of wheels” ແປວ່າ ລົດຊັ້ນຫວະ?

LL: Yeah. “Set of wheels” or just “wheels” is a slang term for car. Bob’s new wheels are really cool. ແມ່ນແລ້ວ. “set of wheels” ຫລື ຈະເວົ້າວ່າ “wheels” ຊື່ໆກໍ່ໄດ້ ເປັນຄຳສະແລງ ສຳລັບລົດ. ລົດໃໝ່ຂອງບອບ ຄັກຫລາຍແທ້ໆ.

Ly: Did he tell you how much he paid for his new set of wheels? ລາວໄດ້ບອກເຈົ້າບໍ່ ວ່າລາວໄດ້ຈ່າຍເງິນໄປຫລາຍສໍ່າໃດ ສຳລັບລົດໃໝ່ຂອງລາວຄັນ​ນີ້.

LL: He didn’t say and I thought it would be rude to ask; but I know that a car like that costs at least $35,000. ລາວບໍ່ໄດ້ບອກ ແລະ ຂ້ອຍກໍ່ຄິດວ່າ ມັນຈະເປັນການເສຍ ມາລະຍາດ ຖ້າຈະຖາມ. ແຕ່ຂ້ອຍຮູ້ວ່າ ລົດແບບນັ້ນ ມີລາຄາຢ່າງໜ້ອຍ 35.000 ໂດລາ ພຸ້ນແຫລະ.

Ly: Wow! That’s a lot of money to spend on a set of wheels. ວ້າວ ນັ້ນມັນເງິນຈໍານວນຫລວງຫລາຍ​ເນາະ ​ເພື່ອ​ຈະຊື້ລົດ ພຽງ​ຄັນ​ດຽວ!

LL: I suppose it’s worth it if you have that much money to spend. For people like us, who are still studying, it seems like a lot of money. ຂ້ອຍຄິດວ່າ ມັນກຸ້ມ ຄ່າ ຖ້າເຈົ້າມີເງິນໄວ້ໃຊ້ຈ່າຍ ຫລາຍປານນັ້ນ. ສຳລັບຄົນຄືໄທເຮົາ-ເຈົ້າ ຂ້ອຍ ທີ່ຍັງຮຽນໜັງສືຢູ່ ກໍ່ເບິ່ງຄືວ່າ ມັນເປັນເງິນຈຳນວນຫລວງຫລາຍ.

Ly: But Bob already has a good job, so he can afford to spend a lot of money on a nice set of wheels.

ແຕ່ວ່າ ບອບລາວມີວຽກດີຢູ່ແລ້ວ; ເພາະສະນັ້ນລາວກໍ່ສາມາດໃຊ້ຈ່າຍ ເງິນ ຈຳນວນຫລວງຫລາຍ ເພື່ອຊື້ລົດດີໆຂີ່ໄດ້.

LL: Just imagine, in a few years, you and I will be able to afford wheels like that. ລອງຄິດເບິ່ງ ໃນອີກບໍ່ເທົ່າໃດປີ ເຈົ້າກັບຂ້ອຍກໍ່ຈະສາມາດຊື້ລົດແບບນັ້ນຂີ່ ໄດ້ຄື​ກັນຫັ້ນແຫລະ.

Ly: But even if I did have that much money, I don’t know if I would spend it on a car that expensive.

ແຕ່ວ່າ ເຖິງແມ່ນຂ້ອຍຈະມີ ເງິນຫລາຍປານນັ້ນ ຂ້ອຍກໍ່ບໍ່ຮູ້ວ່າ ຂ້ອຍ ຈະໃຊ້ມັນ ຊື້ລົດແພງປານນັ້ນ ຫລືບໍ່?

LL: Why not? ເປັນຫຍັງລະ?

Ly: Because you can get a good set of wheels for much less than that and then you can save that money for something else, like a house. ເພາະວ່າ ເຈົ້າສາມາດຊື້ລົດ ດີໆຄັນໜຶ່ງ ທີ່ລາຄາຖືກກ່ວານັ້ນຫລາຍ ໄດ້ ແລະແລ້ວ ເຈົ້າກໍ່ສາມາດ ປະຢັດເງິນທີ່ເຫລືອນັ້ນ ໄວ້ຊື້ສິ່ງອຶ່ນ ເຊັ່ນວ່າ ເຮືອນ ເປັນຕົ້ນ.

LL: That’s true. I guess it depends on your priorities. If it’s really important to you to have a fancy set of wheels, then it seems worth it. ກໍ່ຈິງ ຂ້ອຍເດົາວ່າ ມັນຄົງຂຶ້ນ ຢູ່ກັບບຸລິມມະສິດຂອງເຈົ້າເນາະ. ຖ້າວ່າມັນສຳຄັນອີ່ຫລີສຳລັບເຈົ້າທີ່ຈະ ຕ້ອງມີລົດຫລູຫລາງາມໆ ລາຄາແພງ ມັນກໍ່ເບິ່ງຄືກຸ້ມຄ່າຢູ່.

Ly: But to someone like me, it seems like a better idea to save the money or spend it on something else.

ແຕ່ວ່າ ສຳລັບຄົນຄືຂ້ອຍແລ້ວ ເບິ່ງຄືວ່າມັນເປັນແນວຄິດທີ່ດີກ່ວາ ຖ້າ ເຮົາຈະປະຢັດເງິນໄວ້ ແລະ ໃຊ້ຈ່າຍມັນ ໃນການຊື້ສິ່ງອື່ນໆ.

A few days later, Larry bumps into Ly again and has something to tell her about Bob’s fancy set of wheels. ສອງສາມມື້ຕໍ່ມາ ແລຣີ ພໍ້ ລີ ໂດຍບັງເອີນອີກ ແລະ ມີເລື່ອງ ມາເລົ່າສູ່ລາວຟັງກ່ຽວກັບລົດຄັນງາມຂອງບອບ. ໄປຟັງກັນວ່າແມ່ນເລື່ອງ ຫຍັງ ແລະ ໃຫ້ສັງເກດຄຳວ່າ the pits ​ໃຫ້​ດີ.

LL: Bob got into an accident and ruined his new car. Isn’t that the pits?

Ly: That’s terrible! Was he hurt?

LL: He had minor injuries, but he’ll be okay.

Ly: Hey, what does “the pits” mean?

LL: If something or someplace is “the pits” it means it is the worst situation or place imaginable.

Ly: Yeah, that is the pits, but at least Bob wasn’t seriously hurt.

LL: I visited him yesterday and he’s kind of depressed. Fortunately, his insurance will pay for a new car.

Ly: That’s great! When will he get his new car?

LL: He has to special order another car like his and it will take several months. Until then, he won’t have a car to drive.

Ly: That’s the pits!

LL: I know. His injuries won’t allow him to walk very well and now he doesn’t have a car to drive, either. That really is the pits.

Ly: Why don’t we take him to dinner to try and cheer him up? We could try that new restaurant near campus.

LL: No, I tried that place last week and it’s really the pits. Let’s take him somewhere a bit nicer.

Ly: Okay, we’ll let him decide where he would like to go.

ຄຳວ່າ pit p-i-t ມີສອງຄວາມໝາຍ. ຄວາມໝາຍໜຶ່ງແມ່ນ ແກ່ນໝາກໄມ້ໃຫຍ່ໆ ເຊ່ັນ: ແກ່ນໝາກເງາະ ໝາກມ່ວງເປັນຕົ້ນ ແລະ ໝາກໄມ້ທີ່ເອົາແກ່ນອອກແລ້ວ ກໍ່ເອີ້ນວ່າ pitted p-i-t-t-e-d ເຊັ່ນ: pitted rambutans in a can ໝາກເງາະທີ່ເອົາແກ່ນອອກແລ້ວ ຢູ່ໃນກະປ໋ອງ. ອີກຄວາມໝາຍໜຶ່ງ ແມ່ນຂຸມ ຂຸມທີ່ໃຫຍ່ໆເລິກໆ ແລະ ນັ້ນກໍ່ຄືທີ່ມາຂອງຄວາມໝາຍຂອງຄຳ the pits ທີ່ແປວ່າສະຖານະການ ຫລື ບ່ອນທີ່ ຂີ້ຮ້າຍທີ່ສຸດ ຮ້າຍແຮງທີ່ສຸດ ຕົກຕ່ຳທີ່ສຸດ. ໄປຟັງ ແລຣີ ກັບ ລີ ຫົວ ລົມກັນ ອີກ ພ້ອມກັບຄຳແປ.

LL: Bob got into an accident and ruined his new car. Isn’t that the pits? ບອບປະສົບອຸບັດເຫດ ແລະ ລົດໃໝ່ຂອງລາວ ເສຍຫາຍໝົດ. Isn’t that the pits?

Ly: That’s terrible! Was he hurt? ຕາຍແລ້ວ! ລາວບາດເຈັບ ບໍ່?

LL: He had minor injuries, but he’ll be okay. ລາວ​ໄດ້​ຮັບ​ບາດ​ເຈັບ​ໜ້ອຍ​ໜຶ່ງ ແຕ່ລາວກໍ່ຈະ​ເຊົາ​ໃນ​ໄວໆ​ນີ້​ແຫລະ.

Ly: Hey, what does “the pits” mean?

ເອີ່ the pits ແປວ່າຫຍັງເກາະ?

LL: If something or someplace is “the pits” it means it is the worst situation or place imaginable. ຖ້າເຈົ້າເວົ້າວ່າ ສິ່ງໃດສິ່ງໜຶ່ງ ເປັນ “the pits” ກໍ່ໝາຍຄວາມວ່າ ມັນເປັນບ່ອນ ຫລື ເປັນ ສະຖານະການ ທີ່ຮ້າຍແຮງທີ່ສຸດ ເທົ່າທີ່ຈະເປັນໄດ້ ພຸ້ນແຫລະ.

Ly: Yeah, that is the pits, but at least Bob wasn’t seriously hurt. ເອີ ກະຖື​ວ່າ ແມ່ນສະຖານະການ “the pits” ກໍ່​ວ່າ​ໄດ້. ແຕ່ວ່າ ຢ່າງໜ້ອຍ ບອບ ກໍ່ບໍ່ໄດ້ຮັບບາດເຈັບສາຫັດຫຍັງ​ຫລາຍ.

LL: I visited him yesterday and he’s kind of depressed. Fortunately, his insurance will pay for a new car. ຂ້ອຍໄປຢ້ຽມລາວ ມື້ວານນີ້. ລາວຮູ້ສຶກທໍ້ແທ້ໃຈ ວາດໃດວາດໜຶ່ງ. ແຕ່ກໍ່ໂຊກດີ ທີ່ປະກັນໄພຂອງລາວ ຈະຈ່າຍຄ່າລົດໃໝ່ໃຫ້ລາວ.

Ly: That’s great! When will he get his new car? ດີຫລາຍແລ້ວເດ້! ແລ້ວຍາມໃດ ລາວຈະໄດ້ລົດໃໝ່ຂອງລາວລະ?

LL: He has to special order another car like his and it will take several months. Until then, he won’t have a car to drive. ລາວຕ້ອງໄດ້ສັ່ງພິເສດ ລົດອີກຄັນໜຶ່ງ ທີ່ຄືກັນກັບຄັນ​ເກົ່າຂອງລາວ ແລະ ມັນກໍ່ຈະໃຊ້ເວລາອີກຫລາຍເດືອນ. ​ແຕ່ກ່ວາຈະ ຮອດເວລານັ້ນ ລາວກໍ່ຈະບໍ່ມີລົດຂັບ​ເລີຍ.

Ly: That’s the pits! ຈັ່ງແມ່ນຊວຍສຸດໆເລີຍເນາະ!

LL: I know. His injuries won’t allow him to walk very well and now he doesn’t have a car to drive, either. That really is the pits. ຫັ້ນແຫລະ. ບາດແຜ​ຂອງ​ລາວ​ຈະ​ເຮັດ​ໃຫ້​ລາວ ຍ່າງບໍ່ໄດ້ສະດວກປານໃດ ແລະ ບັດນີ້ ລາວກໍ່ຈະບໍ່ມີລົດຂັບອີກ. ມັນເປັນສະຖານະການທີ່ຕົກຕໍ່າ ຊວຍທີ່ສຸດອີ່ຫລີ!

Ly: Why don’t we take him to dinner to try and cheer him up? We could try that new restaurant near campus. ເປັນຫຍັງພວກເຮົາບໍ່ພາລາວໄປກິນເຂົ້າແລງ ພະຍາຍາມເຊຍ ໃຫ້ລາວຮູ້ສຶກດີຂຶ້ນ. ພວກເຮົາໄປລອງຮ້ານອາຫານໃໝ່ ຢູ່ໃກ້ໆມະຫາ ວິທະຍາໄລຫັ້ນ ກໍ່ໄດ້.

LL: No, I tried that place last week and it’s really the pits. Let’s take him somewhere a bit nicer.

ບໍ່ດອກ ຂ້ອຍລອງໄປກິນຢູ່ບ່ອນຫັ້ນແລ້ວ ອາທິດແລ້ວນີ້ ແລະ ມັນກໍ່ ຂີ້ຮ້າຍອີຫລີ່. ພວກ​ເຮົາພາລາວໄປກິນບ່ອນອື່ນ ທີ່ດີກ່ວານີ້​ແດ່ ສາ​ເນາະ.

Ly: Okay, we’ll let him decide where he would like to go. ຕົກລົງ ພວກ​ເຮົາ​ຈະໃຫ້ລາວຕັດສິນໃຈເອງກໍ່ແລ້ວກັນ ວ່າລາວ ຢາກຈະໄປໃສດີ.

ແລະ ນັ້ນກໍ່ຄືລາຍການບົດຮຽນພາສາອັງກິດ Popular American Slangs and Idioms ທີ່ວິທະຍຸກະຈາຍສຽງແຫ່ງຊາດ ລາວ ຢູ່ນະຄອນຫລວງ​ວຽງ​ຈັນ ສປປ ລາວ ຮ່ວມກັບ ວີໂອເອ ພາກ ພາສາລາວ ທີ່​ນະຄອນຫລວງວໍ​ຊິງ​ຕັນ ດີ​ຊີ ສະຫະລັດອາ​ເມຣິກາ ນຳມາ ສະເໜີທ່ານເປັນປະຈໍາ ທາງສະຖານີແຫ່ງນີ້ ໃນລະບົບ AM ທຸກໆວັນ ອັງຄານ ແລະ ວັນເສົາ ເວລາ 9.30 ໂມງ ຫາ 9:45 ໂມງ ຕອນເຊົ້າ ແລະ ໃນລະບົບ FM 103.7 Mhz (ຮ້ອຍສາມຈຸດເຈັດເມກາເຮີ້ສ) ເວລາບ່າຍ 14.00 ໂມງ ຫາ 14.15 ໂມງ ທຸກໆ
ວັນເສົາ ແລະ ວັນ ອາທິດ. ໂປດຕິດຕາມບົດຮຽນໃໝ່ຂອງພວກເຮົາໄດ້ໃນຄັ້ງຕໍ່ໄປ.
ສຳລັບມື້ນີ້ ທິມງານ ຂອງພວກເຮົາ ຂ້າພະເຈົ້າ ດາຣາ ກັບ ສຸກພະໃສ ແລະ ເພັດ
ສະໝອນ ພ້ອມດ້ວຍ ນາຍຊ່າງເຕັກນິກອັດສຽງ ສົມຄິດ ວິໄລເງິນ ແລະ ອັດສະລາ ຂໍຂອບໃຈທຸກໆທ່ານ ທີ່ໃຫ້ກຽດຕິດຕາມຮັບຟັງແຕ່ຕົ້ນຈົນຈົບ. ພົບກັນໃໝ່ໃນ
ໂອກາດໜ້າ - ສະບາຍດີ!

ເບິ່ງຄວາມເຫັນ (2)

ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ
XS
SM
MD
LG