ເກົາຫຼີເໜືອກ່າວວ່າ ຄົນອາເມຣິກັນທີ່ຖືກຄຸມຂັງຢູ່ເກົາຫຼີເໜືອ
ໄດ້ຖືກປ່ອຍໃນ ອາທິດນີ້ ຫລັງຈາກໄດ້ມີການຮ້ອງຂໍຊ້ຳແລ້ວ
ຊ້ຳອີກ ຈາກປະທານາທິບໍດີສະ ຫະລັດ ທ່ານບາຣັກ ໂອບາມາ.
ລາຍງານສັ້ນໆ ຂອງອົງການຂ່າວສູນກາງຂອງເກົາຫຼີີເໜືອ
ແຈ້ງວ່າ ນັກໂທດ Jeffrey Fowle ໄດ້ຖືກປ່ອຍໂດຍໄດ້ຮັບ
ຄຳສັ່ງຈາກຜູ້ນຳ ກິມ ຈົງ ອຸນ.
ລັດຖະມົນຕີການຕ່າງປະເທດສະຫະລັດ ທ່ານ John Kerry
ກ່າວວ່າ ບໍ່ມີ ການຕົກລົງກັນໃດໆ ກ່ຽວກັບການປ່ອຍໂຕ ແບບ
ບໍ່ຄາດຝັນ ນັກໂທດອາເມ ຣິກັນຄົນນຶ່ງ ໃນອາທິດນີ້ ໂດຍ
ເກົາຫຼີເໜືອ.
ເກົາຫລີເໜືອ ຊຶ່ງເປັນປະເທດທີ່ໂດດດ່ຽວ ໄດ້ປ່ອຍໂຕ ທ່ານ Jeffrey Fowle ຢ່າງກະ
ທັນຫັນ ແລະເຈົ້າໜ້າທີ່ສະຫະລັດໄດ້ປະກາດ ໃນວັນອັງຄານວານນີ້ວ່າ ຜູ້ກ່ຽວກຳລັງ
ມຸ່ງໜ້າກັບຄືນບ້ານ ສູ່ສະຫະລັດ.
ທ່ານ Jeffrey Fowle ທີ່ໄດ້ເດີນທາງໄປເຖິງເກົາຫຼີເໜືອໂດຍວີຊ່ານັກທ່ອງ ທ່ຽວນັ້ນ
ໄດ້ຖືກຈັບເມື່ອ 6 ເດືອນກ່ອນ ຫລັງຈາກປະຄຳພີໄບເບີ້ລໄວ້ທີ່ຮ້ານ ອາຫານແລະບາ
ແຫ່ງນຶ່ງຂອງເກົາຫຼີເໜືອ.
ຄອບຄົວຂອງທ່ານໄດ້ປະຕິເສດວ່າ ທ່ານບໍ່ໄດ້ເດີນທາງໄປເກົາຫຼີເໜືອ ເພື່ອເຜີຍແຜ່
ສາສະໜາ.
ໂຄສົກກະຊວງການຕ່າງປະເທດສະຫະລັດ ທ່ານນາງ Marie Harf ກ່າວວ່າ ຍັງມີ
ຄວາມວິຕົກກັງວົນ ຢູ່ກ່ຽວກັບຊາວອາເມຣິກັນອີກ 2 ຄົນ ທີ່ຍັງຖືກຄຸມຂັງ ຢູ່ໃນເກົາ
ຫຼີເໜືອ.
ທ່ານນາງ Harf ກ່າວວ່າ “ພວກເຮົາຍັງເພັ່ງເລັງ ໃສ່ການສືບຕໍ່ຄຸມຂັງ ທ່ານ Kenneth
Bae ແລະທ້າວ Mathew Miller ແລະອີກຄັ້ງນຶ່ງ ຮຽກຮ້ອງໃຫ້ ສປປ ເກົາຫລີ ຈົ່ງປ່ອຍ
ເຂົາເຈົ້າໂດຍທັນທີ.
ທ່ານນາງ ກ່າວວ່າ ທ່ານ Fowle ຖືກກວດຈາກທ່ານໝໍຄົນນຶ່ງ ແລະປາກົດວ່າ ມີສຸຂະ
ພາບດີ.
ທ້າວ Miller ໄດ້ຖືກຕັດສິນໃຫ້ອອກແຮງງານໜັກ ຫົກປີ ຫລັງຈາກໄດ້ຖືກພົບ ເຫັນວ່າ
ມີຄວາມຜິດ ໃນການກະທຳທີ່ເປັນ “ປໍລະປັກ” ຕໍ່ເກົາຫລີເໜືອ. ທ່ານ Bae ໄດ້ຖືກຕັດ
ສິນລົງໂທດໃຫ້ຕິດຄຸກ 15 ປີ ຍ້ອນການກະທຳທີ່ເປັນ “ປໍລະ ປັກ” ຕໍ່ເກົາຫຼີເໜືອເຊັ່ນ
ດຽວກັນ.
ໃນການຖະແຫຼງທີ່ນະຄອນເບີລິນໃນວັນພຸດມື້ນີ້ ທ່ານ Kerry ຍັງໄດ້ສະແດງ ຄວາມ
ຫວັງອອກມາວ່າ ການເຈລະຈາ ເພື່ອປົດອາວຸດນິວເຄລຍ ກັບພຽງຢາງອາດຈະເລີ້ມຂຶ້ນ
ໃນໄວໆນີ້.
