ລິ້ງ ສຳຫລັບເຂົ້າຫາ

ທ່ານໝໍ ຊາວ Liberian ​ເສຍ​ຊີວິດ ຍ້ອນ​ຕິດເຊື້ອໂຣກ Ebola


ພະນັກງານ​ການ​ແພດ​ຊາວ​ອາ​ເມຣິກັນອີກ​ຄົນ​ນຶ່ງ ທີ່​ເຮັດ​ວຽກ​ຢູ່
​ປະ​ເທດ Liberia ​ໄດ້ຖືກ​ວິນິດ​ໄສ​ວ່າ ​ຕິດ​ເຊື້ອໄວຣັສຂອງໂຣກ
Ebola ​ເປັນຜູ້​ທີ່​ສອງ.

ກຸ່ມຊ່ອຍ​ເຫຼືອ Samaritan’s Purse ​ທີ່​ມີ​ສຳນັກງານຢູ່​ລັດ
North Carolina​ ກ່າວ​ໃນ​ວັນ​ອາທິດ​ວານ​ນີ້​ວ່າ ທ່ານ​ນາງ
Nancy Writebol ​ແມ່ນ​ມີ​ອາການ​ທຸ່ນ​ທ່ຽງ ​ແຕ່​ກໍ​ຍັງ ​ສາຫັດຢູ່ ​
ທີ່​ໂຮງພະຍາບານ​ແຫ່ງ​ນຶ່ງ ​ໃນນະຄອນຫລວງ Monrovia.

ທ່ານ​ນາງ​ໄດ້​ຊ່ອຍ​ເຫຼືອ​ຜູ້​ປ່ວຍ​ເປັນໂຣກ Ebola ​ຢູ່​ສູນຄຸ້ມ​ຄອງ​ກໍລະນີ​ຄົນປ່ວຍ ​ໃນ​ເມືອງ​ຫຼວງ​ຂອງ Liberia.

​ໂຣກ Ebola ​ແຜ່​ລະ​ບາດ​ໃນ Guinea, Sierra Leone ​ແລະ Liberia ວັນ​ທີ 24 ກໍລະກົດ 2014.
​ໂຣກ Ebola ​ແຜ່​ລະ​ບາດ​ໃນ Guinea, Sierra Leone ​ແລະ Liberia ວັນ​ທີ 24 ກໍລະກົດ 2014.

ການແຜ່ລະບາດຂອງໂຣກ Ebola ຮ້າຍ​ແຮງເຖິງຕາຍ
ການແຜ່ລະບາດຂອງໂຣກ Ebola ຮ້າຍ​ແຮງເຖິງຕາຍ

ອົງການຊ່ອຍ​ເຫຼືອນີ້ ​ໄດ້​ກ່າວ​ໃນ​ວັນ​ເສົາ​ຜ່ານ​ມາ​ວ່າ ທ່ານ​ໜໍ Kent Brantly ຜູ້ອຳນວຍ ກາ​ນຂອງສູນ​ດັ່ງກ່າວ ໄດ້ຖືກ​ວິນິດ​ໄສ​ວ່າ​ຕິດ​ເຊື້ອໂຣກ Ebola ທີ່​ຮ້າຍ​ແຮງ​ເຖິງ​ຕາຍ​ນີ້. ທ່ານ​ໄດ້​ເຂົ້າ​ຮັກສາ​ຕົວ​ ຢູ່​ສູນກາງ​ໂດດດ່ຽວ​ຄົນ​ປ່ວຍຂອງ​ອົງການ ທີ່ Monrovia.

ຂ່າວ​ຊາວ​ ອາ​ເມຣິກັນ 2 ຄົນນີ້ຖືກ​ວິນິດ​ໄສ​ວ່າ​ຕິດ​ເຊື້ອ​ໂຣກ Ebola ນັ້ນ ​ໄດ້ມີ​ຂຶ້ນ​ຫຼັງ​ຈາກ​ການ​ຕາຍ​ຂອງ​ທ່ານໝໍ Samuel Brisbane ທີ່ຫາ​ກໍ​ເສຍ​ຊີວິດໄປໃນ​ວັນ​ເສົາຜ່ານ​ມາ​ນີ້​ໃນ​ຢູ່ສູນ​ປິ່ນປົວແຫ່ງ​ ນຶ່ງ ​ໃນ​ເຂດ​ຊານ​ນະຄອນຫລວງ Monrovia.

ທ່ານໝໍ Brisbane ​ແມ່ນ​ເປັນ​ນາຍ​ແພດ​ຂັ້ນ​ອະ​ວຸ​ໂສ​ ຢູ່ໂຮງພະຍາບານ​ທີ່​ໃຫຍ່​ສຸດຂອງ Liberia ບ່ອນ​ທີ່​ທ່ານ​ໄດ້​ຊ່ອຍຮັກສາ​ຄົນ​ໄຂ້​ທີ່​ເປັນ​ໂຣກ Ebola ນີ້.

ທ່ານອາດຈະມັກເລື້ອງນີ້ຄືກັນ

XS
SM
MD
LG