ສະບາຍດີ ຫວັງຢ່າງຍິ່ງວ່າ ທຸກໆທ່ານຄົງຈະສນຸກສະໜານມ່ວນຊື່ນ ກັບເຄິ່ງປີແລກ
ຂອງປີນີ້ໄປແລ້ວ ເພາະຄໍ່າຄືນນີ້ກໍເປັນມື້ທໍາອິດຂອງເດືອນກໍລະກົດ ຊຶ່ງກໍເປັນຊ່ວງ
ຂອງການສະຫຼອງວັນເອກະລາດຂອງສະຫະລັດ ວັນທີ 4 ກໍລະກົດ ກົງກັບວັນພຸດ
ແລະຈະຖ້າຫຼິ້ນເພງຊາດສະຫະລັດ ອາທິດໜ້າກໍຈະຊ້າໄປ ວັນນະສອນກໍເລີຍຕ້ອງ
ຕຽມຕົວຈັດສະຫຼອງກັນລ່ວງໜ້າ ສ້າງບັນຍາກາດກ່ອນຈະຮອດມື້ຈິງໆທີ 4 ກໍລະກົດ.
ຕ້ອງໄປຟັງເພງນີ້ຈຶງຈະເຫັນບັນຍາກາດ ຄວາມສວຍງາມ, ທໍາມະຊາດ ດັ່ງຄວາມໝາຍ
ຂອງເພງນີ້ “America, The Beautiful” ທີ່ Ray Charles ສິນລະປິນຕາບອດ
ຂັບຮ້ອງສົດໆ ສ້າງບັນຍາກາດອີກແບບນຶ່ງ.
ເພງ: “America, The Beautiful” ຂອງ Ray Charles
ວັນນະສອນ: ຕາມປົກກະຕິແລ້ວ ໃນການສະຫຼອງໃນສະຫະລັດນີ້ ຜູ້ຄົນສ່ວນໃຫຍ່
ກໍຈະພາກັນ ໄປສັງສັນຮ່ວມກັນເປັນຄອບຄົວ ກິນເຂົ້າສາມັກຄີ ຈູດບັ້ງກະໂພກ ທັງບັ້ງ
ໄຟດອກ ແລະຟັງ concert ດົນຕີບັນເລງກາງແຈ້ງ ແລະໃນຫົວເມືອງໃຫຍ່ ກໍຈະມີການ
ສວນສະໜາມ ຊຶ່ງຍໍ້າເຕື່ອນທຸກໆຄົນທີ່ເປັນສັນຊາດອາເມຣິກາ ພູມໃຈໃນປະເທດນີ້
ປະເທດທີ່ໃຫ້ໂອກາດ ມີສິດ ເສລິພາບແລະສ້າງຄວາມຝັນໃຫ້ເປັນຈິງ ເອົາໄປຟັງເພງ
ຂອງ Pete Seeger ພ້ອມໆກັນເລີຍໃນບົດເພງ “This Land Is Your Land.”
ເພງ: “This Land Is Your Land” ຂອງ Pete Seeger
ວັນນະສອນ: ຂໍອໍາລາທ່ານດ້ວຍເພງນີ້ “God Bless The U.S.A.” ເພງທີ່ມີຄວາມ
ໝາຍດີອີກເພງນຶ່ງ ໃນວັນສະຫຼອງວັນເອກະລາດ ຂອງສະຫະລັດ ຂັບຮ້ອງໂດຍ
Lee Greenwood ທີ່ຟັງເມື່ອໃດ ກໍປະທັບໃຈແລະຊາບຊຶ້ງ ເຖິງຄຸນງາມຄວາມດີ
ຂອງປະເທດນີ້ ທີ່ມອບໃຫ້ຜູ້ຄົນທີ່ມາອາໄສຢູ່ ໄດ້ລີ້ມລົດຊາດຂອງຄວາມມີອິດສະລະ
ເສລີ ເສລິພາບອັນແທ້ຈິງ ດັ່ງຄວາມໝາຍຂອງເພງນີ້ “God Bless The U.S.A.”
ພົບກັນໃໝ່ໃນສັບປະດາໜ້າ ນອນຫຼັບຝັນຫວານ
ເພງ: “God Bless The U.S.A.”- Lee Greenwood
