ຢູ່ທົ່ວ ສະຫະລັດ ໃນວັນເສົາມື້ນີ້ ຊາວອາເມຣິກັນພາກັນສະ
ເຫລີມສະຫລອງວັນຄົບຮອບ 239 ປີ ໃນການເປັນເອກກະ
ລາດ ຈາກອັງກິດ ດ້ວຍການເດີນສວນສະໜາມ ກິນເຂົ້າປ່າ
ປິກນິກ ຈູດບັ້ງໄຟດອກແລະຊົມການສະແດງຄອນເສີດ.
ປະທານາທິບໍດີ Barack Obama ໃຫ້ພອນແກ່ຊາວອາ
ເມຣິກັນທັງໝົດ ຈົ່ງ ມ່ວນຊື່ນກັບວັນທີສີ່ກໍລະກົດຢູ່ໃນຄຳ
ປາໄສປະຈຳສັບປະດາຂອງທ່ານ. ວັນດັ່ງ ກ່າວຍັງເປັນຂີດ
ໝາຍວັນເກີດ 17 ປີ ລູກສາວຜູ້ໃຫຍ່ຂອງທ່ານຄືນາງ Malia.
ຄອບຄົວທ່ານ Obama ເປັນເຈົ້າພາບຕ້ອນຮັບ ດ້ວຍການ
“ປີ້ງ barbecue ຢູ່ຫລັງບ້ານ” ທີ່ທຳນຽບຂາວໃນວັນເສົາມື້ນີ້ ໃຫ້ແກ່ພວກທະຫານ ແລະ ຄອບຄົວເຂົາເຈົ້າ ຫລາຍຮ້ອຍຄົນ.
ໃນຂະນະດຽວກັນ ພິທີສາບານໂຕເຂົ້າເປັນສັນຊາດໃໝ່ຂອງ 100 ຄົນ ໂດຍການກ່າວ
ໃຫ້ຄຳໂອວາດ ຈາກຫົວໜ້າອົງການ CIA ທ່ານ John Brennan ຊຶ່ງຈະຈັດຂື້ນທີ່
Mount Vernon ບ້ານພັກຂອງ George Washington ປະທານາທິບໍດີຄົນທຳອິດ
ຂອງສະຫະລັດ ໂດຍມີບັນດານັກສະແດງເປັນ ທ່ານ Washington ແລະພັນລະຍາ
ຂອງທ່ານ ທ່ານນາງ Martha ທີ່ຈະມີໜ້າຢູ່ທີ່ນັ້ນເຊັ່ນກັນ.
ຈະມີການສະແດງຄອນເສີດ ແລະຈູດບັ້ງໄຟດອກ ຢູ່ສະໜາມຫລວງແຫ່ງຊາດ ໃນຕອນ
ແລງວັນເສົາມື້ນີ້. ການສະແດງດົນຕີ ຈະນຳສະເໜີ Barry Manilow, Alabama, KC
ແລະຄະນະ Sunshine Band, Nicole Scherzinger, the Irish tenor Ronan
Tynan ແລະວົງດົນຕີຂະໜາດໃຫຍ່ປະສານສຽງ Symphony Orchestra ແຫ່ງຊາດ.
ໃນວັນທີ 4 ກໍລະກົດ ປີ 1776 ບັນດາເຈົ້າໜ້າທີ່ ຜູ້ຕາງໜ້າຂອງ 13 ຫົວເມືອງຂື້ນອາເມ
ຣິກາ ໄດ້ຮັບຮອງເອົາຢ່າງເປັນທາງການ ຕໍ່ຄໍາປະກາດເອກກະລາດ ແຍກອອກຈາກ ການ
ເປັນເມືອງຂື້ນອັງກິດ.
ສົງຄາມເອກກະລາດ ໄດ້ເລີ້ມຂື້ນໃນປີກ່ອນ ແລະດຳເນີນໄປຈົນຮອດການເຊັນສົນທິສັນ
ຍາ ນະຄອນປາຣີ ໃນປີ 1783 ຊຶ່ງໄດ້ຮັບຮູ້ຢ່າງເປັນທາງການ ອະທິ ປະໄຕຂອງສະຫະ
ລັດ ອາເມຣິກາ.
ເຖິງແມ່ນວ່າ ຄຳປະກາດເອກກະລາດ ເວົ້າວ່າ “ພວກເຮົາພາກັນຖືເອົາຄວາມຈິງເຫຼົ່ານີ້
ເປັນຫລັກຖານໃນຕົວເອງ ທີ່ມະນຸດທຸກຄົນຖືກສ້າງຂື້ນມາເທົ່າທຽມ ກັນ ແລະເຂົາເຈົ້າ
ໄດ້ມອບໃຫ້ຈາກຜູ້ທີ່ສ້າງເຂົາເຈົ້າຂື້ນມາດ້ວຍສິດທີ່ບໍ່ສາມາດ ໂອນໃຫ້ກັນໄດ້ຈຳນວນ
ນຶ່ງ ຊຶ່ງຮວມຢູ່ໃນນີ້ແມ່ນຊີວິດ ເສລີພາບ ແລະການສະແຫວງການຄວາມສຸກ” ເອກກະສາ
ນນີ້ໄດ້ຮ່າງຂຶ້ນມາໂດຍຜູ້ເປັນເຈົ້າຂອງທາດ ທ່ານ Thomas Jefferson ຊຶ່ງຕໍ່ມາໄດ້ເປັນ
ປະທານາທິບໍດີ ສະຫະລັດ ຄົນທີສາມ.
