ທ່ານ ຄໍາມະນີ ອິນທິລາດ ລັດຖະມົນຕີຊ່ວຍວ່າການກະຊວງພະລັງງານ ແລະບໍ່ແຮ່
ໄດ້ຖະແຫຼງຢືນຢັນວ່າການທີ່ສະພາແຫ່ງຊາດລາວ ໄດ້ມີມະຕິຮັບຮອງເອົາກົດໝາຍ
ວ່າດ້ວຍໄຟຟ້າສະບັບດັດແກ້ໃໝ່ຢ່າງເປັນທາງການເມື່ອບໍ່ນານມານີ້ ຈະຊ່ວຍເຮັດ
ໃຫ້ປະຊາຊົນທີ່ທຸກຍາກທີ່ອາໄສຢູ່ໃນເຂດຊົນນະບົດທົ່ວປະເທດລາວນັ້ນ ມີໂອກາດ
ທີ່ຈະໄດ້ຊົມໃຊ້ກະແສໄຟຟ້າຫຼາຍຂຶ້ນ.
ທັງນີ້ກໍເນື່ອງຈາກວ່າ ກົດໝາຍວ່າດ້ວຍໄຟຟ້າສະບັບດັດແກ້ໃໝ່ ໄດ້ເປີດໂອກາດ
ໃຫ້ກັບທຸກຄອບຄົວຂອງປະຊາຊົນລາວສາມາດທີ່ຈະຂໍຕິດຕັ້ງລະບົບໄຟຟ້າສໍາລັບ
ຊົມໃຊ້ໃນຄົວເຮືອນໄດ້ ໂດຍບໍ່ຕ້ອງຊໍາລະຄ່າທໍານຽມ ແລະ ຄ່າໃຊ້ຈ່າຍຕ່າງໆ ໃນ
ອັດຕາທີ່ສູງອີກຕໍ່ໄປ ຫາກແຕ່ສາມາດທີ່ຈະຜ່ອນຊໍາລະເປັນລາຍເດືອນໄດ້ໃນອັດຕາ
ສະເລ່ຍລະຫວ່າງ 25,000-30,000 ກີບຕໍ່ເດືອນເປັນເວລາ 36 ເດືອນ ຕິດຕໍ່ກັນ
ຊຶ່ງຈະເປັນກາຊໍາລະພ້ອມກັນກັບຄ່າຊົມໃຊ້ກະແສໄຟຟ້າໃນແຕ່ລະເດືອນນັ້ນເອງ.
ທ່ານຄໍາມະນີ ບອກອີກດ້ວຍ
ວ່າ ການປະຕິບັດຕາມກົດ
ໝາຍວ່າດ້ວຍໄຟຟ້າສະບັບ
ດັດແກ້ໃໝ່ດັ່ງກ່າວນີ້ ຍັງຈະ
ເຮັດໃຫ້ລັດຖະບານລາວສາ
ມາດບັນລຸເປົ້າໝາຍສໍາຄັນ
ໃນໄລຍະ 10 ປີ ຕໍ່ໜ້າອີກ
ດ້ວຍ ກໍຄືການເພີ່ມການ
ຕອບສະໜອງການຊົມໃຊ້
ໄຟຟ້າພາຍໃນໃຫ້ກວາມເຖິງ
90% ຂອງຄອບຄົວທັງໝົດ
ໃນປີ 2020 ດັ່ງທີ່ ທ່ານ ຄໍາມະນີໄດ້ໃຫ້ການຢືນຢັນວ່າ:
“ພວກເຮົາຈະສຸມໃສ່ພັດທະນາດ້ານຕົ້ນຕໍໄປພ້ອມໆກັນ ພັດທະນາການຜະລິດ
ແລະ ການຈໍາໜ່າຍຢ່າງແຂງແຮງ ສົມທົບຢ່າງແໜ້ນແຟ້ນ ລະຫວ່າງການຈໍາ
ໜ່າຍຢູ່ພາຍໃນປະເທດ ໃຫ້ພຽງພໍກັບຄວາມຕ້ອງການ ແລະການສົ່ງອອກ
ໄປຕ່າງປະເທດໃຫ້ນັບມື້ນັບເພີ່ມຂຶ້ນ ສໍາລັບການຈໍາໜ່າຍເພື່ອຊົມໃຊ້ຢູ່ພາຍໃນ
ປະເທດເມື່ອຮອດປີ 2015 ແມ່ນຈະໃຫ້ບັນລຸຈໍານວນຄອບຄົວ ໃນທົ່ວປະເທດ
ໃຫ້ໄດ້ໃຊ້ໄຟຟ້າຕັ້ງແຕ່ 80% ຂຶ້ນໄປ ແລະເມື່ອຮອດປີ 2020 ກໍຈະໃຫ້ບັນລຸ
ຄາດໝາຍ ໃຫ້ໄດ້ຫຼາຍກວ່າ 90%.”
ໃນປັດຈຸບັນນີ້ ຢູ່ໃນປະເທດລາວມີເຂື່ອນທີ່ສ້າງສຳເລັດ ແລະກໍໄດ້ທໍາການຜະລິດກະ
ແສໄຟຟ້າແລ້ວ ຈຳນວນທັງໝົດ 16 ໂຄງການຊຶ່ງມີກຳລັງຕິດຕັ້ງລວມກັນ 2,560 ເມ
ກາວັດແລະກໍສາມາດຜະຫລິດກະແສໄຟຟ້າໄດ້ລວມກັນ ຫລາຍກວ່າ 12 ພັນ 800
ລ້ານກິໂລວັດໂມງຕໍ່ປີ ຫລືເພີ້ມຂຶ້ນຈາກປີ 2005 ຄິດເປັນເຖິງ 3 ເທົ່າຕົວ.
ແຕ່ຢ່າງໃດກໍຕາມໃນຈຳນວນ
16 ໂຄງການເຂື່ອນດັ່ງກ່າວ ກໍ່
ເປັນເຂື່ອນທີ່ຢູ່ພາຍໃຕ້ການດູ
ແລແລະຄູ້ມຄອງຂອງ EDL
ຈໍານວນ 9 ໂຄງການຊຶ່ງມີກໍາ
ລັງຕິດຕັ້ງຮວມກັນພຽງແຕ່
385 ເມກາວັດ ແລະກໍສາມາດ
ຜະລິດກະແສໄຟຟ້າໄດ້ຮວມ
ກັນໃນປະລິມານບໍ່ເກີນ
1,800 ລ້ານກິໂລວັດໂມງຕໍ່ປີ
ແລະໃນນີ້ກໍ່ເປັນກະແສໄຟຟ້າ
ທີ່ຕອບສະໜອງການຊົມໃຊ້ພາຍໃນປະເທດໃນປະລິມານລວມ 1,400 ລ້ານກິໂລວັດ
ໂມງຕໍ່ປີຊຶ່ງກໍໝາຍຄວາມວ່າ EDL ມີພະລັງງານ ໄຟຟ້າອອກໄປຕ່າງປະເທດພຽງແຕ່
ບໍ່ເກີນ 400 ລ້ານກິໂລວັດໂມງຕໍ່ປີເທົ່ານັ້ນ.
ສ່ວນອີກ 7 ໂຄງການທີ່ບໍ່ໄດ້ຢູ່ໃນການຄຸມຄອງຂອງ EDL ນັ້ນເປັນການລົງທຶນຂອງ
ຕ່າງປະເທດທີ່ສາມາດຜະລິດກະແສໄຟຟ້າໄດ້ໃນປະລິມານລວມກັນຫຼາຍກວ່າ 10
ພັນລ້ານກິໂລວັດໂມງ ຕໍ່ປີແຕ່ເນື່ອງຈາກວ່າເຂື່ອນທີ່ເປັນການລົງທຶນຂອງຕ່າງປະເທດ
ໃນລາວນັ້ນ ມີເປົ້າໝາຍເພື່ອການສົ່ງອອກພະລັງງານໄຟຟ້າໄປຕ່າງປະເທດເປັນດ້ານ
ຫຼັກ ຈຶ່ງເຮັດໃຫ້ມີການຕອບສະໜອງການຊົມໃຊ້ພະລັງງານໄຟຟ້າພາຍໃນລາວພຽງ
ແຕ່ 1,158 ລ້ານກິໂລວັດໂມງຕໍ່ປີຫຼືຄິດເປັນ 10% ຂອງກະແສໄຟຟ້າທີ່ຜະລິດໄດ້ທັງ
ໝົດໃນລາວເທົ່ານັ້ນ.
ຊຶ່ງດ້ວຍສະພາບດັ່ງກ່າວນີ້ ເມື່ອປະກອບກັບຄວາມຕ້ອງການຊົມໃຊ້ພະລັງງານ ກໍມີ
ທ່າອ່ຽງເພີ້ມຂຶ້ນເກີນກວ່າ 17% ໃນແຕ່ລະປີອີກດ້ວຍແລ້ວ ຈຶ່ງເຮັດໃຫ້ລັດວິສາຫະກິດ
ໄຟຟ້າລາວ (EDL) ຕ້ອງຫາທາງເພີ້ມການຜະຫລິດພະລັງງານໄຟຟ້າດ້ວຍການຮ່ວມ
ລົງທຶນກັບຕ່າງຊາດເພື່ອດຳເນີນການກໍ່ສ້າງເຂື່ອນໃນລາວຫລາຍຂຶ້ນ ພາຍໃຕ້ເປົ້າ
ໝາຍທີ່ຈະຮ່ວມລົງທຶນສ້າງເຂື່ອນເພີ່ມຂຶ້ນໃຫ້ໄດ້ບໍ່ໜ້ອຍກວ່າ 29 ໂຄງການໃນ 10 ປີ
ຂ້າງໜ້າ.
