ລິ້ງ ສຳຫລັບເຂົ້າຫາ

ວັນຈັນ, ໑໕ ເມສາ ໒໐໒໔

ການໂຈມຕີ ຕໍ່ຊີເຣຍ ແມ່ນເພື່ອ ສະກັດກັ້ນ ອາຊາດ ບໍ່ແມ່ນ ເພື່ອໂຄ່ນລົ້ມ


ຊາວຊີເຣຍ ໂບກທຸງຊາດອີຣ່ານ ຣັດເຊຍ ແລະຊີເຣຍ ລະຫວ່າງການປະທ້ວງ ຕໍ່ຕ້ານສະຫະລັດ ທີ່ທຳການໂຈມຕີທາງອາກາດ ໃນວັນທີ 14 ເມສາ 2018.
ຊາວຊີເຣຍ ໂບກທຸງຊາດອີຣ່ານ ຣັດເຊຍ ແລະຊີເຣຍ ລະຫວ່າງການປະທ້ວງ ຕໍ່ຕ້ານສະຫະລັດ ທີ່ທຳການໂຈມຕີທາງອາກາດ ໃນວັນທີ 14 ເມສາ 2018.

ບໍ່ດົນ​ຫຼັງ​ຈາກ​ປະທານາທິບໍດີ ດໍ​ໂນ​ລ ​ທຣໍາ ​ໄດ້​ສິ້ນສຸດ ການກ່າວຄຳປາໄສ ທີ່ອອກອາ
ກາດເປັນເວລາ​ເຈັດ​ນາ​ທີ​ໃນ​ວັນ​ສຸກ​ວານ​ນີ້ ການປະກາດ​ການ​ເລີ້ມການ​ໂຈມ​ຕີ​ທາງອາ
ກາດທີ່ແມ່ນຍຳ ​ໃສ່​ສະຖານ​ທີ່​ຕ່າງໆ​ຂອງ​ລັດຖະບານ​ຊີ​ເຣຍທີ່​ພົວ ພັນ​ກັບ​ການ​ພັດທະ
ນາ​ອາວຸດເຄມີ ກໍໄດ້ມີຂຶ້ນ ໂດຍທີ່ສຽງ​ລະ​ເບີດ​ຂະໜາດແຮງ ໄດ້​ສ້າງຄວາມສັ່ນ​ສະ​ເທືອ​ນໃຫ້ແກ່ນະຄອນຫຼວງ​ດາ​ມາສກັສ.

ແສງຂອງລູກສອນໄຟ ທີ່ເຫັນຢູ່ທ້ອງຟ້າ ໃນນະຄອນດາມາສກັສ ທີ 14 ເມສາ 2018.
ແສງຂອງລູກສອນໄຟ ທີ່ເຫັນຢູ່ທ້ອງຟ້າ ໃນນະຄອນດາມາສກັສ ທີ 14 ເມສາ 2018.

​ທຳນຽບຫ້​າ​ແຈ​ກ່າວ​ວ່າ ຮວມຢູ່​ໃນ​ບ່ອນທີ່​ຖືກ​ໂຈມ​ຕີ ​ໃນ​ການປະຕິບັດ​ງານແບບມີການ
ປະສານງານກັນ ​ໂດຍ​ກຳລັງ ສະຫະລັດ ຝຣັ່ງ ​ແລະ​ອັງກິດ ບໍ່ດົນກ່ອນພິທີ​ສູດ​ມົນ ໃນ
ຕອນເຊົ້າມືດນັ້ນ ແມ່ນ​ສູນ​ກາງ​ຄົ້ນ​ຄວ້າ​ວິທະຍາສາດ​ ທີ່​ຕັ້ງ​ຢູ່ໃນ ເຂດຊານເມືອງຂອງ
ນະຄອນຫຼວງ​ຊີ​ເຣຍ ສາງ​ອາວຸດ​ເຄມີ​ ໃກ້ໆ​ກັບ​ເມືອງ​ໂຮມ​ ​ແລະ​ກອງ​ບັນຊາ​ການ​ແຫ່ງ​ນຶ່ງທີ່ຕັ້ງຢູ່ໃກ້ຄຽງ.

U.S. Defense Secretary Mattis Briefs Reporters in Syria Strikes
please wait

No media source currently available

0:00 0:02:52 0:00

ນອກ​ນັ້ນ​ຍັງ​ມີ​ລາຍ​ງານ​ຈາກ​ບັນດາ​ນັກ​ເຄື່ອນ​ໄຫວ​ການ​ເມືອງທີ່​ກ່າວ​ວ່າ ກອງພົນ​ ລົດ
​ຖັງ​ທີ​ 4 ຊຶ່ງ​ເປັນກອງທະຫານເກັ່ງທີ່ສຸດ ​ບັນຊາ​ການ​ໂດຍນ້ອງ​ຊາຍຂອງປະ ທານາທິ
ບໍດີບາຊາ ອາລ-ອາຊາດ ຄື​ທ່ານ​ມາ​ເຮີ ອາລ-ອາຊາດ ພ້ອມ​ດ້ວຍກອງ ພັນພິ​ເສດ ຣີພັບບລີກັນກາດ ​ກໍໄດ້​ຖືກ​ໂຈມ​ຕີ​ເຊັ່ນ​ກັນ. ​ແຕ່​ຍັງ​ບໍ່​ເປັນ​ທີ່​ຈະແຈ້ງ​ເທື່ອ​ວ່າ ​ກຳລັງເຫຼົ່າ
ນີ້ໄດ້ຖືກ​ໂຈມ​ຕີ ​ໂດຍເຮືອບິນ​ທີ່​ມີ​ຄົນ​ຂັບ ​ແລະ​ລູກ​ສອນ​ໄຟ​ຄຣູສ ຂອງຝຣັ່ງແລະ​ອັງ​ກິດ
ແທນ​ທີ່ຈະແມ່ນຂອງກອງ​ທັບ​ສະຫະລັດ.

President Trump Announces Strikes Against Syria
please wait

No media source currently available

0:00 0:07:40 0:00

​ຈາກ​ທັດສະນະ​ຂອງ​ພວກ​ທີ່​ໄດ້ຮັບການໂຈມຕີໃນການ​ປະຕິບັດ​ງານນຶ່ງ​ຄືນແລ້ວນັ້ນ
ການ​ຕອບທາງທະຫານ ​ໂດຍ​ບັນດາ​ມະຫາ​ອຳນາດ​ຕາ​ເວັນ​ຕົກ ອາດ​ເບິ່ງຄືວ່າທຸກ
ຢ່າງແຕ່ມີການຢັ້ງມືໄວ້.

​ການ​ໂຈມ​ຕີ ແມ່ນມີ​ຈຸດປະສົງ ທີ່ຈະ​ສະ​ແດງ​ໃຫ້​ເຫັນ ເຖິງການຕັດສິນໃຈ ທ່າມກາງໃນ
ອັນ​ທີ່​ປະທານາທິບໍດີ​ທຣໍາເອີ້ນວ່າ​ ເປັນການລະເມີດເລື້ອຍມາຕໍ່​ກົດໝາຍ​ສາກົນ​ໂດ​ຍ
ອາຊາ​ດ ​ທີ່ຮ້າຍແຮງ​ກວ່າໃນ​ປີ​ກາຍ​ ​ເວລາ​ສະຫະລັດໄດ້​ຍິງ​ລູກ​ສອນ​ໄຟ​ຄຣູສ 58 ລູກ
​ເຂົ້າ​ໃສ່​ຊີ​ເຣຍ ​ເພື່ອ​ຕອບ​ໂຕ້ຕໍ່ອັນທີ່​ປາ​ກົດ​ວ່າ​ແມ່ນ​ການ​ໂຈມ​ຕີ​ດ້ວຍ​ອາວຸດ​ເຄມີ ​ຂອງ
ກຳລັງ​ລັດຖະບານ ​ໃສ່ເມືອງ​ທີ່ພວກ​ຕໍ່ຕ້ານ​ລັດຖະບານ ຄວບຄຸມຢູ່ ໃນພາກ​ເໜືອ​ຂອງ​
ປະ​ເທດ.

ປະທານເສນາທິການຮ່ວມຂອງກອງທັບສະຫະລັດ ນາຍພົນໂຈເຊັບ ດັນຝອດ ກ່າວຕໍ່ບັນດານັກຂ່າວທີີ່ ທຳນຽບຫ້າແຈ.
ປະທານເສນາທິການຮ່ວມຂອງກອງທັບສະຫະລັດ ນາຍພົນໂຈເຊັບ ດັນຝອດ ກ່າວຕໍ່ບັນດານັກຂ່າວທີີ່ ທຳນຽບຫ້າແຈ.

​ເທື່ອ​ນີ້ ແມ່ນ​ປະມານ​ສອງ​ເທົ່າ​ຂອງ​ຈຳນວນ​ລູກ​ສອນ​ໄຟ​ຄຣູສ​ ທີ່ໄດ້​ຍິງ​ໂດຍ​ສະຫະລັດ
​ໃນ​ການ​ຕອບ​ໂຕ້ຕໍ່​ການ​ໂຈມ​ຕີ​ດ້ວຍ​ອາວຸດ​ເຄມີ​ ເມື່ອ​ວັນ​ເສົາ​ແລ້ວໂດຍ​ລັດຖະບານອາ
ຊາດ ​ໃສ່​ເມືອງ​ດູ​ມາ ທີ່ຢູ່​ໃນເຂດຊານເມືອງ ຂອງນະຄອນຫຼວງ​ດາ​ມາສກັສ ​ທີ່ເຮັດໃຫ້
ຢ່າງ​ໜ້ອຍ 40 ຄົນເສຍ​ຊີວິດ ​ແລະ​ຫລາ​ຍຮ້ອຍ​ຄົນ​ໄດ້​ຮັບ​ບາດ​ເຈັບ.

ອ່ານຂ່າວນີ້ເພີ້ມເປັນພາສາອັງກິດ

XS
SM
MD
LG