ເອກກະສານ ຂອງສານສະຫະລັດ ໄດ້ບົ່ງບອກວ່າ ປະຊາຊົນ
ຣັດເຊຍຄົນໜຶ່ງ ທີ່ຖືກກ່າວຫາວ່າ ທຳການສືບລັບນັ້ນ ຈະລົງ
ທະບຽນຮັບຮູ້ ໃນວັນສຸກມື້ນີ້ ກ່ອນໜ້າການດຳເນີນຄະດີ ໃນ
ເດືອນໜ້ານີ້.
ທ້າວ Evgeny Buryakov ໄດ້ຖືກກ່າວຫາວ່າ ປອມໂຕເປັນ
ພະນັກງານຂອງທະນາຄານຣັດເຊຍໃນນະຄອນ New York
ເພື່ອຊອກຫາຂໍ້ມູນໃຫ້ແກ່ອົງການ ສືບລັບຕ່າງປະເທດຂອງ
ຣັດເຊຍ ທີ່ຮູ້ກັນວ່າ SVR.
ເອກກະສານຂອງບັນດາໄອຍການສະແດງໃຫ້ເຫັນວ່າ ທ້າວ
Buryakov ອາດ ຈະລົງທະບຽນ ຮັບຮູ້ການກະທຳຜິດ ຫລືບໍ່ມີຄວາມຜິດໃນສັນສຸກມື້ນີ້.
ລາວຕຽມ ພ້ອມທີ່ຈະປະເຊີນໜ້າການດຳເນີນຄະດີ ຂອງສານລັດຖະບານກາງ ໃນເມືອງ
Manhattan ໃນວັນທີ 4 ເດືອນເມສາ ຈະມາເຖິງນີ້.
ກະຊວງຍຸຕິທຳສະຫະລັດ ໄດ້ປະກາດວ່າ ທ້າວ Buryakov ຖືກຈັບໃນເດືອນມັງກອນ
ປີ 2015 ຫລັງຈາກລາວໄດ້ພົບປະແບບລັບຫລາຍຄັ້ງ ກັບນັກສືບ ສັນຕິບານກາງ FBI
ທີ່ ທ້າວ Buryakov ເຊື່ອວ່າ ເປັນນັກວິເຄາະໃຫ້ແກ່ບໍລິສັດພະລັງານ.
ທ້າວ Buryakov ຖືກກ່າວຫາວ່າ ວາງຕົວເປັນນັກສືບລັດຖະບານຣັດເຊຍໂດຍ ບໍ່ໄດ້
ຈົດທະບຽນ. ບັນດາໄອຍະການກ່າວວ່າ ລາວໄດ້ວາງແຜນກັບ ຜູ້ຊາຍຣັດເຊຍອີກສອງ
ຄົນ ເພື່ອເກັບກຳຄວາມລັບກ່ຽວກັບເສດຖະກິດຂອງ ສະຫະລັດ ຮວມທັງລາຍລະອຽດ
ກ່ຽກັບ ການລົງໂທດສະຫະລັດຕໍ່ຣັດເຊຍ. ລາວຍັງຖືກ ກ່າວຫາວ່າ ພະຍາຍາມຂົນ
ຂວາຍເອົາຊາວນິວຢອກເປັນຜູ້ຕິດຕໍ່ໃນການສືບລັບ.
ນັກສືບສະຫະລັດໄດ້ນຳສົ່ງຂໍ້ມູຸນກ່ຽວກັບພະລັງານ ໃຫ້ແກ່ທ້າວ Buryakov ທີ່ຍັງໄດ້ບັນ
ຈຸເຄື່ອງອັດສຽງທີ່ເຊື່ອງໄວ້ໃນນັ້ນໂດຍອະນຸຍາດໃຫ້ອົງການ FBI ລັກ ຟັງການສົນທະນາ
ລະຫວ່າງ ທ້າວ Buryakov ແລະບັນດາຜູ້ກຳກັບຂອງລາວ ທີ່ອົງການສືບລັບຣັດເຊຍ.
