ຝ່າຍຄ້ານຊົມເຊີຍການປະທ້ວງ ຕໍ່ຕ້ານລັດຖະບານ ໃນອາລຈີເຣຍ

ຝ່າຍຄ້ານ​ໃນອາລຈີເຣຍ ພາກັນຊົມ​ເຊີຍການເດີນຂະບວນ
ຕໍ່ຕ້ານລັດຖະບານ ທີ່ບໍ່ຄ່ອຍຈະເກີດຂື້ນ ຢູ່​ນະຄອນຫລວງ
Algiers ທີ່​ໄດ້ດໍາເນີນໄປ ເຖິງແມ່ນ​ໄດ້ມີການເສີມກໍາລັງຕໍາ ຫລວດຕ້ານການປະທ້ວງ ຫລາຍພັນຄົນກໍຕາມ.

ພວກນັກເຄຶ່ອນໄຫວຈໍານວນປະມານ 2 ພັນຄົນໄດ້ໂຮມ
ຊຸມຂຸມກັນທີ່ ຈະຕຸລັດ May 1^st ຫລືວັນ​ທີ 1 ພຶດສະພາ
ຂອງເມືອງຫລວງ​ໃນວັນເສົາວານນີ້ ແລະໄດ້ຮຽກຮ້ອງ
ໃຫ້ປະທານາທິບໍດີອາລຈີເຣຍ ທ່ານ Abdelaziz
Bouteflika ລາ​ອອກຈາກຕໍາແໜ່ງ ​ໂດຍ​ໄດ້​ຮັບ​ຄວາມ
ຈູງໃຈຈາກການລຸກຮືຂື້ນ​ ທີ່ໄດ້ໂຄ່ນລົ້ມປ​ະທາ​ນາ​ທິບໍດີຕູນີເຊຍໃນ​ເດືອນ​ຜ່ານ​ມາ ແລະປະທາ ນາທິບໍດີອີຢິບ ​ໃນ​ອາທິດ​ແລ້ວນັ້ນ. ພວກນັກເຄຶ່ອນໄຫວຫລາຍຄົນ​ໄດ້ກະໂດດຂ້າມ ແລະ ແຫຍ້ຕົວອ້ອມສິ່ງປີດກັ້ນຂອງຕໍາຫລວດ ເພື່ອເຂົ້າໄປ​ໃຫ້ ເຖິງບ່ອນປະທ້ວງນັ້ນ.

ລັດຖະບານອາລຈີເຣຍ ໄດ້ສົ່ງກໍາລັງຕໍາຫລວດອອກໄປປະຕິບັດໜ້າທີ່ ເກືອບ 30,000 ຄົນ
ເພື່ອປ້ອງກັນບໍ່ມີການປະທ້ວງໃດໆຂອງ​ຝ່າຍຄ້ານ. ພວກຕໍາຫລວດໄດ້ສະກັດກັ້ນພວກນັກ
ເຄຶ່ອນໄຫວ ທີ່ສາມາດເຂົ້າໄປເຖິງຈະຕຸລັດນັ້ນ ບໍ່ໃຫ້ເດີນຂະບວນຜ່ານຕົວເມືອງຫລວງຕາ​ມ ແຜນການນັ້ນ.

ທ່ານ Bouteflika ເຂົ້າດໍາລົງຕໍາແໜ່ງປະທານາທິບໍດີ ອາລຈີເຣຍ ມາຕັ້ງ ແຕ່ປີ 1999
ໂດຍທີ່ຊາວອາລຈີເຣຍ ຫລາຍໆຄົນເຫັນວ່າ ທ່ານເປັນຜູ້ນໍາທີ່ ກົດຂີ່ບໍ່ເອົາຫົວຊາຕໍ່ການ
ລົດຜ່ອນຄວາມທຸກຈົນຂອງຊາວອາລຈີເຣຍ ທີ່ມີຢູ່ຢ່າງກວ້າງຂວາງ ແລະອັດຕາການ
ຫວ່າງງານສູງ ຊຶ່ງລ້ວນແລ້ວແຕ່ເປັນປັດໃຈທີ່ຫລໍ່ລ້ຽງໃຫ້ເກີດການປະຕິວັດຂື້ນໃນອີຈິບ ແລະຕູນີເຊຍນັ້ນ.

ຄວາມເຄັ່ງຕຶງໄດ້ເພີ່ມທະວີຂື້ນໃນອາລຈີເຣຍຕັ້ງແຕ່ຕົ້ນເດືອນມັງກອນຜ່ານມານີ້ ຫລັງຈາກ
ທີ່​ມີປະຊາຊົນຢ່າງ​ນ້ອຍສາມຄົນ ​ໄດ້ຖືກຂ້າຕາຍໃນເຫດການກໍ່ຈະລາຈົນ ເປັນເວລາຫລາຍ
ວັນ ກ່ຽວກັບບັນຫາລາຄາອາຫານທີ່ຖີບຕົວສູງຂື້ນນັບມື້ ໃນອາລຈີເຣຍນັ້ນ.

ທ່ານ Bouteflika ໄດ້ຕອບສະໜອງການ ໂດຍ​ໃຫ້ສັນຍາວ່າຈະຍົກເລີກພາວະສຸກເສີນ ທີ່
ໄດ້​ໃຊ້ມາ​ເປັນ​ເວລາ 19 ປີນັ້ນ ໃນອະນາຄົດອັນ​ໃກ້ໆນີ້.