ລິ້ງ ສຳຫລັບເຂົ້າຫາ

ວັນຈັນ, ໒໒ ເມສາ ໒໐໒໔

ສະຫະພາບຢູໂຣບ ແລະສະຫະລັດ ກ່າວຊົມເຊີຍ ການເລືອກຕັ້ງ ທີ່ອາລຈີເຣຍ (ສະໄລດ໌)


ທ່ານ Daho Ould Kablia ລັດຖະມົນຕີພາຍໃນອາລຈີເຣຍ ກ່າວຕໍ່ກອງປະຊຸມ
ນັກຂ່າວ ເພື່ອປະກາດຜົນຂອງການເລືອກຕັ້ງສະພາໃຫ້ຮູ້ໃນກຸງ Algiers.
ວັນທີ 13 ພຶດສະພາ 2012.
ທ່ານ Daho Ould Kablia ລັດຖະມົນຕີພາຍໃນອາລຈີເຣຍ ກ່າວຕໍ່ກອງປະຊຸມ ນັກຂ່າວ ເພື່ອປະກາດຜົນຂອງການເລືອກຕັ້ງສະພາໃຫ້ຮູ້ໃນກຸງ Algiers. ວັນທີ 13 ພຶດສະພາ 2012.

ສະຫະພາບ​ຢູ​ໂຣບ​ແລະ​ສະຫະລັດ​ໄດ້ໃຫ້ການສະໜັບສະໜຸນ​ແກ່​ການ​ເລືອກ​ຕັ້ງສະພາ​ແຫ່ງ​ຊາດ​ອາລຈີ​ເຣຍ ​ໃນ​ຖານະ​ເປັນ​ບາດກ້າວ​ອັນ​ນຶ່ງ​ທີ່​ສໍາຄັນໄປ​ສູ່​ການ​ປະຕິ​ຮູບ ​ເຖິງ​ແມ່ນ​ພວກ​ຝ່າຍ​ຄ້ານ​ບາງ​ກຸ່ມ​ສະ​ແດງ​ຄວາມລະ​ແວງ​ສົງ​ໄສ​ອອກ​ມາວ່າ ການເລືອກ​ຕັ້ງຄັ້ງ​ນີ້​ເປັນ​ການ
ຫລອກ​ລວງກໍ​ຕາມ.

​ແລະທ່ານ Jose Salafranca ຫົວໜ້າ​ທີ​ມ​ສັງ​ເກດ​ການຂອງສະຫະ​ພາ​ບຢູ​ໂຣບ​ ກໍໄດ້​ຕໍາ​ໜິຕິຕຽນ​ອາລຈີ​ເຣຍ​ໃນ​ວັນ​ເສົາ​ວານ​ນີ້ ທີ່​ບໍ່​ຍອມ​ອະນຸຍາດ​ໃຫ້​ພວກ​ນັກ​ສັງ​ເກດ​ການ​ຕ່າງປະ​ເທດ ໄດ້​ເບິ່ງບັນຊີ​ລາຍ​ຊື່​ຂອງ​ຜູ້​ສະມັກ​ໃນ​ທົ່ວ​ປະ​ເທດ​ນັ້ນ​ໄດ້ຢ່າງ​ເສລີ​ ຊຶ່ງ​ທ່ານ​ກ່າວວ່າ ​ບັນດາ​ເຈົ້າ​ໜ້າ​ທີ່​ກໍາກັບ​ການ​ເລືອກ​ຕັ້ງ​ໄດ້​ຮັບປາກ​ໄວ້ກ່ອນແລ້ວ​ວ່າ ການ​ເລືອກ​ຕັ້ງຄັ້ງ​ນີ້​ຈະ​ໂປ່​ງ​ໃສ​ຫລາຍກ່ວາ​ເກົ່າ.

ລັດຖະມົນຕີ​ການ​ຕ່າງປະ​ເທດ​ສະຫະລັດ ທ່ານ​ນາງ​ຮີນ​ລາຣີ ຄລິນ​ຕັນ ໄດ້​ກ່າວ​ຊົມ​ເຊີຍ​ປະຊາຊົນ​ອາລຈີ​ເຣຍ ທີ່​ໄດ້​ພາກັນ​ອອກ​ມາສະ​ແດງ​ເຈດ​ຕະລົມ​ຂອງເຂົາ​ເຈົ້າ ​ແລະ​ທ່ານ​ນາງ​ໄດ້ສະ​ແດງ​ຄວາມ​ຍິນ​ດີ​ນໍາ​ພວກ​ແມ່ຍິງ​ທີ່​ຖືກ​ເລືອກ​ຕັ້ງ​ໃນ​ຈໍານວນຫລາຍຂຶ້ນ​ນັ້ນ.

ພັກລັດຖະບານທີ່​ປົກຄອງ​ອາລຈີ​ເຣຍ​ໃນ​ປັດຈຸບັນ ຄື​ພັກແນວ​ໂຮມ​ປົດ​ປ່ອຍ​ຊາດ ​ໄດ້​ຮັບ​ບ່ອນ​ນັ່ງ 220 ບ່ອນ​ໃນ​ຈໍານວນ​ 462 ບ່ອນ​ນັ່ງ​ໃນ​ສະພານິຕິບັນຍັດ​ນັ້ນ. ສ່ວນພັກ​ຊຸມນຸມ​ປະຊາທິປັດ​ແຫ່ງ​ຊາດ ຫຼື National Democratic Rally ທີ່​ເອີ້ນຊື່​ຫຍໍ້ເປັນ​ພາສາ​ຝຣັ່ງວ່າ RND ​ໄດ້​ຮັບ​ບ່ອນນັ່ງຫຼາຍ​ອັນ​ດັບ​ສອງ ທີ່​ອໍານວຍໃຫ້​ພັນທະ​ມິດ​ທີ່​ນິຍົມ​ລັດຖະບານໄດ້​ຮັບສຽງ​ຂ້າງ​ຫຼາຍ​ຢ່າງ​ສະບາຍ​ຢູ່​ໃນສະພາ​ແຫ່ງ​ຊາດ​.

ບັນດາ​ພັກ​ຝ່າຍ​ຄ້ານ​ກ່າວ​ວ່າ ​ໄດ້​ມີ​ການ​ສໍ້​ໂກງ​ບັດ​ເລືອກ​ຕັ້ງ ​ແລະ​ຊຸກຍູ້ໃຫ້​ບັນດາ​ນັກ​ສັງ​ເກດ​ການ​ການ​ເລືອກ​ຕັ້ງ​ຕ່າງປະ​ເທດ​ທວງ​ໃຫ້​ພວກ​ເຈົ້າໜ້າ​ທີ່​ຮັບຜິດຊອບ​ໃນ​ເລື້ອງ​ນີ້.

XS
SM
MD
LG