ລິ້ງ ສຳຫລັບເຂົ້າຫາ

ວັນຈັນ, ໒໒ ເມສາ ໒໐໒໔

ເລີ້ມການຍົກຍ້າຍ ພົນລະເຮືອນ ອອກຈາກ ເມືອງ Aleppo ຄືນໃໝ່


ພວກນັກລົບຕໍ່ຕ້ານລັດຖະບານ ພາກັນນັ່ງຢູ່ບ່ອນຊາກຫັກພັງ ແລະລໍຖ້າການຍົກຍ້າຍອອກ ຈາກເຂດຍຶດຄອງຂອງເຂົາເຈົ້າ ຢູ່ທາງພາກຕາເວັນອອກຂອງເມືອງ Aleppo ປະເທດ Syria 16 ທັນວາ 2016.
ພວກນັກລົບຕໍ່ຕ້ານລັດຖະບານ ພາກັນນັ່ງຢູ່ບ່ອນຊາກຫັກພັງ ແລະລໍຖ້າການຍົກຍ້າຍອອກ ຈາກເຂດຍຶດຄອງຂອງເຂົາເຈົ້າ ຢູ່ທາງພາກຕາເວັນອອກຂອງເມືອງ Aleppo ປະເທດ Syria 16 ທັນວາ 2016.

ຂໍ້​ຕົກລົງ​ໄດ້​ບັນລຸ​ໃນ​ວັນ​ເສົາ​ມື້​ນີ້ ທີ່​ຈະ​ເລີ້ມ​ຍົກຍ້າຍ​ຊາວ​ຊີ​ເຣຍ ຢູ່​ພາກ​ຕາ​ເວັນ​ອອກ
​ຂອງ​ເມືອງ Aleppo. ການ​ຍົກຍ້າຍ​ໄດ້​ຖືກ​ຍົກ​ເລີກ​ໃນ​ວັນ​ສຸກ​ວານ​ນີ້ ​ເນື່ອງ​ຈາກການ​ຮຽກຮ້ອງ​ຂອງ​ກຳລັງ​ສະໜັບສະໜູນລັດຖະບານ​ ຜູ້​ທີ່​ຕ້ອງການ​ຢາ​ກ​ໃຫ້​ສອງ​ໝູ່​ບ້ານ Foua ​ແລະ Kfarya ຍົກຍ້າຍ​ອອກ. ປະຊາກອນ​ທັງ​ສອງ​ໝູ່​ບ້ານ​ຈະ​ຮວມຢູ່​ໃນ​ການ​ຍົກຍ້າຍ​ຄັ້ງ​ໃຫຍ່ ທີ່ຍັງ​ບໍ່​ທັນ​ໄດ້​ເລີ້ມ​ຂຶ້ນເທື່ອ.

ລັດຖະບານ​ຊີ​ເຣຍ​ໄດ້​ລົບ​ລ້າງ​ການ​ຍົກຍ້າຍ​ ໃນ​ວັນ​ສຸກ​ວານ​ນີ້ ຫລັງ​ຈາກ​ລະ​ເບີດ​ແຕກ ​ແລະ​ການ​ຍິງ​ກັນ ທີ່​ໄດ້​ຍິນ​ຢູ່​ໃນ​ເມືອງ Aleppo. ພວກ​ຕໍ່ຕ້ານ​ລັດຖະບານ ​ແ​ລະ​ກຳລັງ​ລັດຖະບານ​ໄດ້​ກ່າວ​ຫາ​ຊຶ່ງ​ກັນ​ ​ແລະ​ກັນ ​ວ່າລະເມີດ​ຂໍ້​ຕົກລົງ​ ທີ່​ບອບ​ບາງ ນັ້ນ.

ລັດຖະບານຊີ​ເຣຍ​ໄດ້​ສັ່ງ​ໃຫ້​ບັນດາ​ລົດ​ບັນທຸກ ​ແລະ​ລົດ​ເມ ທີ່​ໄດ້​ນຳເອົາພົນລະເຮືອນ ອອກໄປ​ຈາກ​ພາກສ່ວນ​ທີ່​ໝັ້ນ ​ຂອງພວກ​ຕໍ່ຕ້ານ​ຢູ່​ໃນ​ເມືອງ Aleppo ນັ້ນ ​ກັບ​ຄືນໄປ
​ໃນ​ຂະນະ​ທີ່​ພວກ​ທະຫານ​ພາກັນ​ຕັນ​ ຢູ່​ຕາມ​ທາງຮາ​ຍ​ເວ ທີ່​ໃຊ້​ໃນ​ການ​ຍົກຍ້າຍ.

​ເ​ທີ​ກີ ທີ່​ໄດ້​ພົວພັນ​ຢ່າງ​ເລິກ​ເຊິ່ງ ໃນ​ການ​ດຳ​ເນີນ​ສັນຕິພາບ ຢູ່ເມືອງ Aleppo ກ່າວ​ວ່າ ການ​ລົບ​ລ້າງ​ ການຍົກຍ້າຍພົນລະເຮືອນ ແມ່ນຖືກໂຈະໄວ້​ເປັນ​ທີ່ຊົ່ວຄາວ.

ລັດຖະບານ​ຊີ​ເຣຍກ່າວ​ວ່າ ພວກ​ຕໍ່ຕ້ານ​ລັດຖະບານ​ໄດ້​ລະເມີດຂໍ້​ຕົກລົງ ​ໂດຍ​ການ​ພະຍາຍາມ​ລັກ​ເອົາ​ອາວຸດ​ໜັກ ​ແລະ ເອົາພວກ​ໂຕປະກັນ​ອອກ​ຈາກ​ເມືອງ Aleppo​.
ພວກ​ຕໍ່ຕ້ານ​ລັດຖະບານໄດ້​ກ່າວ​ຫາ ວ່າ ການ​ລົບ​ລ້າງຍົກຍ້າຍ​ ຂອງລັດຖະບານ
ຊີເຣຍ ເປັນ​ການ​ກົດ​ດັນ​ເຂົາ​ເຈົ້າ ​ໃຫ້​ປ່ອຍ​ພົນລະ​ເຮືອນ​ ຈາກສອງ​ໝູ່​ບ້ານ Foua
​ແລະ Kyarya ທີ່ ຊາວ Shi’ite ອາໄສຢູ່ ຊຶ່ງລັດຖະບານຊີເຣຍ ເຂົ້າ​ຍຶດຄອງ ແຕ່
ປັດຈຸບັນ​ນີ້ ແມ່ນ​ຢູ່​ພາຍ​ໃຕ້​ການ​ຄຸ້ມຄອງໂດຍ​ພວກ​ຕໍ່ຕ້ານ.

John Kerry: It's imperative that key partners do their part in Syria
please wait

No media source currently available

0:00 0:00:59 0:00

ອ່ານຂ່າວນີ້ເພີ້ມເປັນພາສາອັງກິດ

XS
SM
MD
LG