ບັນດາຜູ້ເຫັນເຫດການຢູ່ໃນຂົງເຂດ Gedo ຂອງໂຊມາເລຍ
ກ່າວວ່າ ກຸ່ມ al-Shabab ໄດ້ໂຈມຕີ ຄ້າຍທະຫານ ຂອງສະ
ຫະພາບອາຟຣິກາໃກ້ກັບເມືອງ El-Adde ປະມານ 60 ກິໂລ
ແມັດຢູ່ທາງໃຕ້ຂອງເມືອງ Garbaharrey ຊຶ່ງເປັນເມືອງເອກ
ຂອງເຂດດັ່ງກ່າວ.
ການໂຈມຕີນີ້ ເຊື່ອກັນວ່າ ເປັນການວາງລະເບີດສະລະຊີບ
ໃນຕອນເຊົ້າ ວັນສຸກມື້ນີ້ ຫລັງຈາກໄດ້ມີການຍິງຕໍ່ສູ້ກັນກັບ
ກຳລັງທະຫານເຄນຢາ ທີ່ຮັກສາການຢູ່ໃນຄ້າຍ.
ກຸ່ມ Al-Shabab ກ່າວວ່າ ຕົນໄດ້ເຂົ້າຍຶດເອົາຄ້າຍ ແລະສັງ
ຫານທະ ຫານສະຫະພາບອາຟຣິກາ “ຫລາຍສິບຄົນ” ແຕ່ຍັງ
ບໍ່ໄດ້ຮັບການຢືນ ຢັນຈາກກອງກຳລັງປະຕິບັດງານ ຂອງສະຫະພາບອາຟຣິກາ ຢູ່ໃນ
ໂຊມາເລຍ ທີ່ຮູ້ກັນວ່າ AMISOM ນັ້ນ.
ປະຊາຊົນໃນເມືອງກ່າວວ່າ ກຸ່ມ al-Shabab ໄດ້ເຂົ້າຄວບຄຸມເມືອງ ແລະປິດລ້ອມ
ຫລາຍໆເຂດ ແລະໄດ້ຊັກທຸງເຂົາເຈົ້າຂື້ນ. ນອກນັ້ນປະ ຊາຊົນຍັງກ່າວວ່າ ພວກຫົວຮຸນ
ແຮງໄດ້ຍຶດເອົາປືນ ຢູ່ໃນບັນດາລົດທະຫານ.
ກຸ່ມ Al-Shabab ໄດ້ທຳການໂຈມຕີທີ່ຄ້າຍຄືກັນນີ້ ຕໍ່ບັນດາຄ້າຍທະ ຫານສະຫະພາບ
ອາຟຣິກາ ໃນປີກາຍນີ້ ໃນເດືອນມິຖຸນາ ແລະກັນຍາ. ກໍາລັງຮັກສາສັນຕິພາບຫລາຍສິບ
ຄົນ ໄດ້ຖືກສັງຫານ ໃນການໂຈມຕີເຫລົ່ານີ້.
