ລິ້ງ ສຳຫລັບເຂົ້າຫາ

ສຫລ ຍັງສືບຕໍ່ ໂຈມຕີເປົ້າໝາຍ ຂອງກຸ່ມ ລັດອິສລາມ ໃນ ຊີເຣຍ ແລະອີຣັກ (ສະໄລດ໌/ວີດີໂອ)


ເຮືອບິນລົບ F-15E ຂອງກອງທັບອາກາດ ສຫລ ບິນປະຕິບັດງານ ຢູ່ພາກເໜືອອີຣັກ (23 ກັນຍາ 2014)

ເຮືອບິນລົບຂອງສະຫະລັດ ເຮືອບິນບໍ່ມີຄົນຂັບແລະເຮືອບິນ
ອື່ນໆ ຍັງສືບຕໍ່ໂຈມຕີເປົ້າໝາຍຂອງພວກຫົວຮຸນແຮງລັດອິສ
ລາມໃນອີຣັກ ແລະຊີເຣຍ ໃນວັນສຸກມື້ນີ້.

ກອງບັນຊາການ CENTCOM ຊຶ່ງເປັນຜູ້ກຳກັບດູແລການປະ
ຕິບັດງານຂອງສະຫະລັດ ໃນພາກຕາເວັນອອກກາງ ກ່າວວ່າ
ການໂຈມຕີທາງອາກາດ 3 ຄັ້ງໃກ້ໆແຂວງ Deir el-Zour ຂອງ
ຊີເຣຍ ໄດ້ທຳລາຍລົດຖັງ 4 ຄັນຂອງກຸ່ມລັດອິສລາມແລະສ້າງ ຄວາມເສຍຫາຍໃຫ້ແກ່ອີກຄັນນຶ່ງ.

ກຸ່ມຕິດຕາມສິ້ງຊອມເບິ່ງສົງຄາມຢູ່ໃນຊີເຣຍ ກ່າວໃນວັນສຸກມື້
ນີ້ວ່າໂຮງກັ່ນນ້ຳມັນປາກົດວ່າເປັນເປົ້າໝາຍໃນການໂຈມຕີເມື່ອຄືນແລ້ວນີ້ຢູ່ແຂວງ Deir el-Zour. ກຸ່ມສິ້ງຊອດສິດທິມະນຸດໃນຊີເຣຍ ກ່າວວ່າ ກອງບັນຊາການ ຂອງກຸ່ມຫົວຮຸນ ແຮງລັດອິສລາມ ກໍຖືກໂຈມຕີຄືກັນ.

ຢູ່ທີ່ອີຣັກ ກອງບັນຊາການ CENTCOM ກ່າວວ່າ ການໂຈມຕີ 7 ຄັ້ງຕໍ່ເປົ້າໝາຍຕ່າງໆທີ່ ເປັນລົດຫຸ້ມເກາະ ແມ່ນຮວມທັງລົດ Humwee 3 ຄັນ ແລະລົດຕໍ່ຕ້ານລະເບີດແລະປ້ອງ ກັນການດັກໂຈມຕີນຶ່ງຄັນ. ກອງບັນຊາການ CENTCOM ຍັງກ່າວຕື່ມວ່ານອກນັ້ນແລ້ວ ຍັງມີລົດຊະນິດອື່ນອີກຫລາຍໆຄັນ ແລະຄ້າຍຕ່າງໆ ຂອງພວກກະບົດ ກໍຖືກໂຈມຕີໃກ້ໆ ເມືອງ Kirkuk ທາງກ້ຳຕາເວັນຕົກຂອງນະຄອນຫຼວງແບັກແດດແລະໃກ້ໆເມືອງ al-Kim.

ອັງກິດອາດຈະເຂົ້າຮ່ວມການໂຈມຕີໃນອີກບໍ່ຊ້ານີ້ ຖ້າສະພາຫາກລົງຄະແນນສຽງໃນວັນ ສຸກມື້ນີ້ ເພື່ອອະນຸຍາດໃຫ້ອັງກິດເຂົ້າຮ່ວມການປະຕິບັດງານ ຕາມທີ່ຄາດໝາຍໄວ້.

US SYRIA AIRSTRIKES VOSOT
please wait

No media source currently available

0:00 0:00:48 0:00

ໃນລະຫວ່າງການອະພິປາຍ ກ່ຽວກັບບັນຫານີ້ ນາຍົກລັດຖະມົນຕີອັງກິດ ທ່ານ David Cameron ເຕືອນວ່າ ການປະຕິບັດງານທາງທະຫານ ຕໍ່ພວກຫົວຮຸນແຮງ ລັດອິສລາມ ອາດຈະໃຊ້ເວລາຫຼາຍໆປີ. ແຕ່ທ່ານກໍກ່າວວ່າ ການໂຈມຕີທາງອາກາດແມ່ນມີຄວາມຈຳ ເປັນ ຍ້ອນພວກລັດອິສລາມມີໃນອັນທີ່ທ່ານເອີ້ນວ່າ ຄວາມຕັ້ງໃຈທີ່ໄດ້ມີການພິສູດແລ້ວ ທີ່ຈະທຳການໂຈມຕີປະເທດຊາດ ແລະປະຊາຊົນຂອງພວກເຮົາ.

ພວກຫົວຮຸນແຮງລັດອິສລາມ ໄດ້ເຂົ້າຢຶດເອົາຫຼາຍໆເຂດຂອງປະເທດອີີຣັກໃນເດືອນມິຖຸ ນາຜ່ານມາ ໂດຍສາມາດເອົາຊະນະກຳລັງທະຫານອີຣັກ ທີ່ໄດ້ຮັບການຝຶກແອບແລະຕິດ ອາວຸດໃຫ້ໂດຍສະຫະລັດ ພ້ອມທັງສາມາດຢຶດເອົາ ອາວຸດຍຸດໂທປະກອນ ເປັນຈຳນວນ ຫຼວງຫລາຍນຳດ້ວຍ. ເວລານີ້ກຸ່ມດັ່ງກ່າວໄດ້ຄວບຄຸມດິນແດນທີ່ກວ້າງໃຫຍ່ຢູ່ໃນປະເທດ ຊີເຣຍ ບ່ອນທີ່ພວກເຂົາກຳລັງຕໍ່ສູ້ ເພື່ອໂຄ່ນລົ້ມປະທານາທິບໍດີ Bashar al-Assad.

ແນວໂຮມພາຍໃຕ້ການນຳພາຂອງສະຫະລັດ ໄດ້ຖິ້ມລະເບີດໂຈມຕີເປົ້າໝາຍຕ່າງໆຂອງ ກຸ່ມລັດອິສລາມໃນຊີເຣຍໃນໄລຍະສອງສາມມື້ຜ່ານມານີ້ ແລະຢູ່ໃນອີຣັກເປັນເວລາຫຼາຍ ອາທິດມາແລ້ວ.

US, Saudi Arabia and UAE Hit Islamic State's Oil Revenue
please wait

No media source currently available

0:00 0:01:46 0:00

XS
SM
MD
LG