ຜູ້ນຳ ຂອງພວກຕໍ່ຕ້ານລັດຖະບານ ທີ່ມີອິດທິພົນທີ່ສຸດກຸ່ມນຶ່ງ
ໃນຊີເຣຍໄດ້ຖືກຂ້າຕາຍໃນການໂຈມຕີທາງອາກາດທາງກ້ຳ
ຕາເວັນອອກຂອງນະຄອນຫລວງດາມັສກັສ.
ທັງພວກຕໍ່ຕ້ານແລະລັດຖະບານຊີເຣຍກ່າວໃນວັນສຸກວານນີ້
ວ່າ ທ້າວ Zahran Alloush ຜູ້ກໍ່ຕັ້ງ ກຸ່ມກອງທັບອິສລາມ ໄດ້
ຖືກຂ້າຕາຍໃນການໂຈມຕີທາງອາກາດ ທີ່ແນໃສ່ກອງບັນຊາ
ການຂອງກຸ່ມດັ່ງກ່າວທີ່ແຂວງ Ghouta ໃນພາກຕາເວັນອອກ
ຂອງປະເທດ.
ການເສຍຊີວິດຂອງທ້າວ Alloush ແມ່ນການສູນເສຍທີ່ສຳຄັນ
ຕໍ່ກຸ່ມກຳລັງປະກອບອາວຸດ ທີ່ຕໍ່ຕ້ານລັດຖະບານ ໂດຍໄດ້ເສີມຄວາມເຂັ້ມແຂງໃຫ້ແກ່ປະ
ທານາທີບໍດີ Bashar al-Assad ກ່ອນການເຈລະຈາສັນຕິພາບ ຄັ້ງໃໝ່ ທີ່ກຳນົດໃສ່ຕົ້ນ
ປີ 2016 ຈະມານີ້.
ການໂຈມຕີທາງອາກາດ ຊຶ່ງຍັງໄດ້ສັງຫານສະມາຊິກອະວຸໂສຄົນອື່ນໆຂອງກຸ່ມດັ່ງກ່າວ
ມີຂຶ້ນບໍ່ເທົ່າໃດມື້ ຫລັງຈາກອົງການສະຫະປະຊາຊາດໄດ້ຮັບຮອງເອົາມະຕິ ໃຫ້ການສະ
ໜັບສະໜຸນຕໍ່ເສັ້ນທາງເພື່ອກ້າວໄປສູ່ສັນຕິພາບໃນຊີເຣຍ.
ກຸ່ມກອງທັບອິສລາມໄດ້ຖືກເລືອກໃຫ້ເຂົ້າຮ່ວມໃນຂັ້ນຕອນສັນຕິພາບ ແຕ່ລັດຖະບານຊີ
ເຣຍ ແລະຣັດເຊຍ ຊຶ່ເປັນພັນທະມິດທີ່ເຂັ້ມແຂງ ຂອງຊີເຣຍນັ້ນ ຖືວ່າກຸ່ມດັ່ງກ່າວນີ້ ເປັນ
ກຸ່ມຈັດຕັ້ງບໍ່ກ່ຽວກັບສາສະໜາເປັນກຸ່ມກໍ່ການຮ້າຍທີ່ແຕກຕ່າງເລັກນ້ອຍຈາກກຸ່ມຫົວຮຸນ
ແຮງຈັດອື່ນໆເຊັ່ນກຸ່ມລັດອິສລາມເປັນຕົ້ນ.
ລາຍງານໃນຂັ້ນຕົ້ນທີ່ຍັງບໍ່ທັນໄດ້ຮັບການຢືນຢັນນີ້ ສະເໜີແນະວ່າ ການໂຈມຕີທາງອາ
ກາດທີ່ໄດ້ສັງຫານທ້າວ Alloush ແມ່ນມີຂຶ້ນໂດຍເຮືອບິນຂອງຣັດເຊຍ.
