ສາຍການບິນທັງຫຼາຍ ຫຼີກລ້ຽງເຂດນ່ານຟ້າຕາເວັນອອກກາງ ແລະ ຍົກເລີກຖ້ຽວບິນໄປ ອິສຣາແອລ ເນື່ອງຈາກຄວາມເຄັ່ງຕຶງທີ່ເພີ້ມຂຶ້ນ

ບັນດາສາຍການບິນ ກໍາລັງຫຼີກລ້ຽງເຂດນ່ານຟ້າຂອງອີຣ່ານ ແລະເລບານອນ ແລະ ຍົກເລີກຖ້ຽວບິນໄປ ອິສຣາແອລ ແລະ ເລບານອນ ເນື່ອງຈາກມີຄວາມ ກັງວົນຫຼາຍຂຶ້ນ ກ່ຽວກັບຄວາມຂັດແຍ້ງທີ່ອາດຈະເກີດຂຶ້ນໃນພາກພື້ນນີ້ ຫຼັງຈາກມີການສັງຫານສະມາຊິກອາວຸໂສຂອງກຸ່ມຫົວຮຸນແຮງ ຮາມາສ ແລະ ກຸ່ມ ເຮັສໂບລລາ ໃນອາທິດນີ້, ອີງຕາມອົງການຂ່າວ Reuters.

ສາຍ​ການ​ບິນ​ສິງ​ກະ​ໂປ​ ໄດ້​ຢຸດ​ການ​ບິນ​ຜ່ານ​ເຂດ​ນ່ານ​ຟ້າ​ຂອງ​ອີ​ຣ່ານ​ໃນ​ຕອນ​ເຊົ້າ​ວັນ​ສຸກມື້​ນີ້ ​ແລະ​ໄດ້​ໃຊ້​ເສັ້ນ​ທາງ​ອື່ນແທນ ​ໂດຍ​ກ່າວ​ວ່າ​ຄວາມ​ປອດ​ໄພ​ແມ່ນ​ບູ​ລິ​ມະ​ສິດທີ່ສຳຄັນທີ່ສຸດ​ຂອງ​ຕົນ​, ອີງຕາມການກ່າວຂອງສາຍການບິນດັ່ງກ່າວ ຕໍ່ອົງການຂ່າວ Reuters ໃນ​ຖະ​ແຫຼງ​ການສະບັບນຶ່ງ​.

ຂໍ້ມູນຈາກ Flightradar24 ເຊິ່ງເປັນອົງກອນທີ່ຕິດຕາມຖ້ຽວບິນໃນທົ່ວໂລກ ແບບສົດ ສະແດງໃຫ້ເຫັນວ່າສາຍການບິນ ເອວາ ແອຣ໌ (EVA Air) ແລະ ສາຍການບິນ China Airlines ຂອງໄຕ້ຫວັນ ກໍເບິ່ງຄືວ່າຈະຫຼີກລ່ຽງເຂດນ່ານ ຟ້າຂອງອີຣ່ານສໍາລັບຖ້ຽວບິນໄປທີ່ ອາມສເຕີດາມ (Amsterdam) ປະ​ເທດ ເນ​ເທີ​ແລນ ໃນວັນສຸກມື້ນີ້ ເຊິ່ງທີ່ຜ່ານມາໄດ້ບິນຜ່ານອີຣ່ານ.

ສາຍ​ການ​ບິນ​ທັງສອງ ບໍ່​ໄດ້​ຕອບ​ສະ​ໜອງ​ ​ຕໍ່​ການ​ຮ້ອງ​ຂໍ​ຄວາມ​ເຫັນ​ກ່ຽວ​ກັບ​ການ​ປ່ຽນ​ເສັ້ນ​ທາງໃນ​ທັນ​ທີ.

ໃນສື່ສິ່ງພິມ, OPSGROUP, ເຊິ່ງເປັນອົງການແບບເປັນສະມາຊິກ ທີ່ແບ່ງປັນ ຂໍ້ມູນຄວາມສ່ຽງດ້ານການບິນ, ໄດ້ແນະນຳໃຫ້ຜູ້ໂດຍສານລະຫວ່າງເອເຊຍ ແລະ ຢູໂຣບ ຫຼີກລ່ຽງເຂດນ່ານຟ້າຂອງອີຣ່ານ ແລະ ອີຣັກ, ນຶ່ງມື້ຫຼັງຈາກ ແຫຼ່ງຂ່າວບອກອົງການຂ່າວ Reuters ວ່າ ເຈົ້າໜ້າທີ່ລະດັບສູງຂອງອີຣ່ານ ຈະພົບປະກັບຜູ້ຕາງຫນ້າຂອງພັນທະມິດໃນພາກພື້ນຂອງອີຣ່ານຈາກເລບານອນ, ອີຣັກ ​ແລະ ​ເຢ​ເມນ ​ເພື່ອ​ປຶກສາ​ຫາລື​ກ່ຽວ​ກັບການຕອບໂຕ້ອິສຣາ​ແອລ ທີ່ອາດຈະເກີດຂຶ້ນ.

ສາຍ​ການ​ບິນ​ຫຼາຍ​ສາຍ, ລວມ​ທັງ​ສາຍ​ການ​ບິນ​ຂອງສະຫະລັດ ແລະ​ຢູໂຣບ, ໄດ້​ຫຼີກ​ລ່ຽງ​ການ​ບິນ​ຜ່ານນ່ານຟ້າຂອງ​ອີ​ຣ່ານ ແລ້ວ, ໂດຍ​ສະ​ເພາະ​ແມ່ນ​ນັບ​ແຕ່​ການ​ໂຈມ​ຕີ​ດ້ວຍ​ລູກ​ສອນ​ໄຟ ແລະ ໂດຣນ ​ ລະ​ຫວ່າງ ອີ​ຣ່ານ ແລະ ອິສຣາແອລ ໃນ​ເດືອນ​ເມ​ສາ.

Flightradar24 ສະແດງໃຫ້ເຫັນວ່າ ຖ້ຽວບິນຂອງສາຍການບິນສິງກະໂປ ທີ່ບິນໄປ ສະໜາມບິນ ຮິທໂທຣວ໌ (Heathrow) ໃນນະຄອນຫຼວງ ລອນດອນ ໃນຕອນເຊົ້າວັນສຸກມື້ນີ້ ໄດ້ບິນໄປທາງພາກເຫນືອຂອງອີຣ່ານ ຜ່ານ ເຕີກເມນິສຖານ (Turkmenistan) ແລະ ອາເຊີບາຍຈານ (Azerbaijan) ແທນທີ່ຈະບິນຜ່ານອີຣ່ານ ຄືກັບທີ່ມື້ກ່ອນໜ້ານີ້.

ອ່ານຂ່າວເປັນພາສາອັງກິດລຸ່ມນີ້:

Aug 2 (Reuters) - Airlines are avoiding Iranian and Lebanese airspace and cancelling flights to Israel and Lebanon, as concerns grow over a possible conflict in the region after the killing of senior members of militant groups Hamas and Hezbollah this week.

Singapore Airlines stopped flying through Iranian airspace from early Friday morning and is using alternative routes, saying safety is its top priority, it told Reuters in a statement.

Taiwan's EVA Air and China Airlines also appeared to be avoiding Iran airspace for flights to Amsterdam on Friday which previously had flown over Iran, Flightradar24 data showed.

The airlines did not immediately respond to a request for comment on the route changes.

In a bulletin, OPSGROUP, a membership-based organisation that shares flight risk information, advised traffic between Asia and Europe to avoid Iranian and Iraqi airspace, a day after sources told Reuters that top Iranian officials will meet the representatives of Iran's regional allies from Lebanon, Iraq and Yemen to discuss potential retaliation against Israel.

Many airlines, including U.S. and European airlines, already avoid flying over Iran, especially since the reciprocal missile and drone attacks in April between Iran and Israel.

Singapore Airlines' flight to London Heathrow early on Friday went north of Iran through Turkmenistan and Azerbaijan, rather than crossing through Iran as it did the day before, Flightradar24 showed.