ເຈົ້າໜ້າທີ່ໂຊມາເລຍ ກ່າວວ່າການໂຈມຕີທາງອາກາດ ໄດ້ສັງຫານພວກຫົວຮຸນແຮງກຸ່ມ
Al-Shabab 4 ຄົນ ທີ່ເປັນເຄືອຂ່າຍຂອງກຸ່ມກໍ່ການຮ້າຍ Al-Qaida ໃນພາກໃຕ້ຂອງ
ໂຊມາເລຍ.
ເຈົ້າໜ້າທີ່ກ່າວຕື່ມອີກວ່າ ຜູ້ບັນຊາການຂອງກຸ່ມ Al-Shabab ແມ່ນຜູ້ນຶ່ງຢູ່ໃນຈໍານວນ
ທີ່ຖືກຂ້າຕາຍ ໃນຕອນເຊົ້າວັນສຸກມື້ນີ້ ເວລາລູກສອນໄຟທີ່ຍິງຈາກເຮືອບິນບໍ່ຊາບຝ່າຍ
ໄດ້ຖືກລົດຄັນນຶ່ງຢູ່ໃນເຂດ Lower Shabelle ຂອງໂຊມາເລຍ. ເຂົາເຈົ້າກ່າວວ່າພວກ
ທີ່ຖືກຂ້າຕາຍນັ້ນຄົງຈະແມ່ນນັກລົບຕ່າງດ້າວ.
ການໂຈມຕີໄດ້ເກີດຂື້ນມື້ນຶ່ງຫລັງຈາກທີ່ຜູ້ນໍາຂອງໂລກ ພາກັນເຕົ້າໂຮມກັນຢູ່ທີ່ກຸງລອນ
ດອນ ໃຫ້ຄຳໝັ້ນສັນຍາທີ່ຈະຊ່ວຍເຫລືອໂຊມາເລຍເພື່ອເອົາໄຊຊະນະພວກກໍ່ການຮ້າຍ
ແລະນໍາເອົາສະຖຽນລະພາບມາສູ່ປະເທດໂຊມາເລຍທີ່ປະສົບກັບໄພສົງຄາມຕັ້ງຢູ່ແຫລມ
ຂອງອາຟຣິການັ້ນ.
ກຸ່ມ Al-Shabab ກໍາລັງຕໍ່ສູ້ກັບ
ລັດຖະບານຊົ່ວຄາວ ທີ່ອ່ອນແອ
ຂອງໂຊມາເລຍໃນຄວາມພະຍາ
ຍາມເພື່ອຈະບັງຄັບໃຫ້ມີການນຳ
ໃຊ້ກົດໝາຍທີ່ເຂັ່ງຄັດຂອງສາສະ
ໜາອິສລາມໃນປະເທດດັ່ງກ່າວ.
ພວກກະບົດ Al-Shabab
ຄວບຄຸມພື້ນທີ່ສ່ວນໃຫ່ຍໃນເຂດ
ພາກໃຕ້ ແລະພາກກາງຂອງໂຊ
ມາເລຍ ແຕ່ວ່າ ຫວ່າງມໍໆມານີ້
ໄດ້ສູນເສຍພື້ນທີ່ໃນການປະເຊີນ
ກັບການບຸກໂຈມຕີຈາກເອທິໂອ
ເປຍ ເຄັນຢາແລະກອງທະຫານ
ສະຫະພາບອາຟຣິກາ.
ໃນຕົ້ນເດືອນນີ້ກຸ່ມ Al-Qaida ໄດ້ປະກາດຢ່າງເປັນທາງການວ່າ ເຂົາເຈົ້າໄດ້ເປັນພັນທະມິດ
ກັບກຸ່ມ Al-Shabab ເຖິງແມ່ນວ່າກຸ່ມທັງສອງນີ້ ເຊື່ອກັນວ່າໄດ້ມີຄວາມສຳພັນແບບບໍ່ເປັນ
ທາງການມາເປັນເວລາຫຼາຍປີແລ້ວ.
