ທ່ານ Howard Koh ລັດຖະມົນຕີຊ່ວຍກະຊວງສາທາລະນະສຸກຂອງສະຫະລັດ ໄດ້ບອກ
ຜູ້ຕາງໜ້າຈາກທົ່ວໂລກ ທີ່ມາຮ່ວມກອງປະຊຸມໂຣກເອດສ໌ວ່າ ຍຸດທະສາດລະດັບຊາດນັ້ນ
ຖືວ່າສໍາຄັນທີ່ສຸດຕໍ່ການລົດຜ່ອນການແຜ່ລາມຂອງໂຣກເອດສ໌. ທ່ານກໍ ກ່າວວ່າ:
“ຍຸດທະສາດລະດັບຊາດ ແມ່ນສະແດງໂດຍສັງເຂບ ເຖິງໂຄງຮ່າງປະຕິບັດງານສໍາລັບ
ການຮັບມືກັບໂຣກເອດສ໌ ໃນວິທີທາງ ທີ່ສະທ້ອນເຖິງລັກສະນະການລະບາດໂດຍ
ສະເພາະຂອງປະເທດນັ້ນໆ ຕະຫລອດທັງ ພາລະຈາກພະຍາດທີ່ລະບາດແລະທ່າ
ອ່ຽງຂອງພະຍາດ. ແລະສະແດງໃຫ້ເຫັນເຖິງຄວາມສໍາຄັນຂອງການເປັນເຈົ້າຂອງ
ຍຸດທະສາດຂອງປະເທດ ແລະຄວາມຈໍາເປັນທີ່ຈະຕ້ອງເຮັດໃຫ້ໂຄງການໂຣກເອດສ໌
ຕ່າງໆນັ້ນ ປະຫຍັດແລະມີປະສິດທິຜົນສູງທີ່ສຸດ.”
ທ່ານ Koh ກ່າວອີກວ່າ ສະຫະລັດຈະປະສົບຜົນສໍາເລັດໃນການລົດຜ່ອນ ຈໍານວນຄົນຕິດ
ເຊື້ອເອັຊໄອວີ ລົງໃຫ້ໄດ້ 25 ເປີເຊັນ ຕະຫຼອດໄລຍະສາມປີຕໍ່ໜ້ານີ້ ໂດຍການປິ່ນປົວພວກ
ຄົນທີ່ຕິດເຊື້ອເອັຊໄອວີແລ້ວນັ້ນ ແລະໂດຍການເພີ່ມປະລິມານສັດສ່ວນຂອງພວກທີ່ຮູ້ວ່າ
ຕົນມີເຊື້ອເອັຊໄອວີ. ມີການຕີລາຄາກັນວ່າ ນຶ່ງໃນຫ້າຄົນໃດບໍ່ຮູ້ວ່າຕົນຕິດເຊື້ອໄວຣັສນີ້ຫຼືບໍ່.
ທ່ານ Koh ໄດ້ອ້າງເຖິງໂຄງການນຶ່ງ ທີ່ກົມບໍລິການຍານຍົນ ໃນນະຄອນຫຼວງວໍຊິງຕັນ
ວ່າສາມາດຊ່ວຍໃນເລື້ອງນີ້ໄດ້. ທ່ານ Koh ເວົ້າວ່າ:
“ພວກລູກຄ້າທີ່ກໍາລັງເຂົ້າແຖວລໍຖ້າຮັບໃບຂັບຂີ່ໃໝ່ ແລະການບໍລິການອື່ນໆນັ້ນ
ກໍສາມາດໄປຮັບການກວດຫາເຊື້ອເອັຊໄອວີໄດ້ຟີ ນໍາ.”
ທ່ານ Koh ເວົ້າອີກວ່າ ປັດຈຸບັນນີ້ ມີຊາວອາເມຣິກັນ ນຶ່ງລ້ານນຶ່ງແສນຄົນ ທີ່ຕິດເຊື້ອເອັຊ
ໄອວີ ແລະມີຜູ້ຕິດເຊື້ອໄວຣັສນີ້ລາຍໃໝ່ໆ ປະມານ 50,000 ຄົນໃນທຸກໆປີ. ທ່ານ Koh
ກ່າວວ່າ ພວກຜູ້ຊາຍຊາວອາເມຣິກັນເຊື້ອສາຍອາຟຣິກາ ແລະເຊື້ອສາຍສະເປນ ທີ່ມີເພດ
ສໍາພັນກັບເພດດຽວກັນ ຫລືກັບພວກແມ່ຍິງຜິວດໍາ ແລະພວກຊົມໃຊ້ຢາເສບຕິດຢູ່ເຂດຕົວ
ເມືອງ ແມ່ນໄດ້ຮັບຜົນກະທົບຫລາຍທີ່ສຸດ.
ພວກນັກຄົ້ນຄ້ວາກ່າວວ່າ ເຊື້ອເອັຊໄອວີໂຈມຕີສະໝອງແລະພາໃຫ້ສະໝອງເຊື່ອມ: