ລິ້ງ ສຳຫລັບເຂົ້າຫາ

ວັນພຸດ, ໒໙ ພຶດສະພາ ໒໐໒໔

ເຄື່ອງຊ່ອຍເຫຼືອ ເລີ້ມຫຼັ່ງໄຫຼເຂົ້າໄປ ໃນປະເທດ ເກາະດອນ ວານົວຕູ


ພາບຂອງອົງການ UNICEF ສະແດງໃຫ້ເຫັນ ຄວາມເສຍຫາຍ
ຈາກລົມໄຊໂຄລນ Pam ທີ່ນະຄອນຫຼວງຂອງວານົວຕູ,
ວັນທີ 14 ມີນາ 2015
ພາບຂອງອົງການ UNICEF ສະແດງໃຫ້ເຫັນ ຄວາມເສຍຫາຍ ຈາກລົມໄຊໂຄລນ Pam ທີ່ນະຄອນຫຼວງຂອງວານົວຕູ, ວັນທີ 14 ມີນາ 2015

ເຄື່ອງ​ຊ່ອຍເຫຼືອ​ເລີ້ມ​ຫລັ່ງ​ໄຫລ​ເຂົ້າ​ໄປ​ໃນ​ປະ​ເທດ​ເກາະດອນ
Vanuatu ໃນເຂດ​ມະຫາ​ສະມຸດປາຊີ​ຟິກພາກ​ໃຕ້ ​ໃນ​ວັນ​ອາ
ທິດ​ມື້​ນີ້ ຫຼັງ​ຈາກ​ລົມພາຍຸ cyclone Pam ​ໄດ້​ພັດ​ເຂົ້າ​ປະ​ທະ
​ແລະ​ສ້າງ​ຄວາມ​ເສຍ​ຫາຍ​ຢ່າງ​ຮ້າຍແຮງ​ໃນ​ແລງ​ວັນ​ສຸກ​ ແລະ​
ວັນ​ເສົາ​ວານ​ນີ້.
ອົງການ​ຊ່ອຍ​ບັນ​ເທົາ​ທຸກ World Vision ​ໄດ້​ເຕືອນ​ວ່າ ອາດ
ສາມາດ​ໃຊ້​ເວລາ ​ຫຼາຍ​ມື້​ຫຼື​ຫລາຍ​ອາທິດ​ກໍ​ເປັນ​ໄດ້ ​ເພື່ອ​ຈະ​ເຂົ້າ​
ໄປ​ຫາພວກເກາະ​ໃນ​ເຂດ​ສອກຫຼີກ​ຫ່າງ​ໄກ​ໄດ້. ບັນດາ​ເຈົ້າ​ໜ້າ
​ທີ່​ໄດ້​ຢືນຢັນ​ວ່າ ມີ ຜູ້ເສຍ​ຊີວິດໄປ​ແລ້ວ 8 ຄົນ​ ຍ້ອນ​ລົມພາຍຸໄຊ
ໂຄລນ Pam ລູກ​ນີ້ ​ແຕ່​ມີລາຍ​ງານ​ອື່ນໆ​ທີ່ເວົ້າວ່າ ​ມີຄົນ​ເສຍ​ຊີວິດ
​ໄປ​ຕື່ມ​ອີກ​ຫຼາຍ​ສິບ​ຄົນ.

ພາຍຸ​ໄຊໂຄລນ Pam ຊຶ່ງ​ມີ​ລົມ​ແຮງ​ເຖິງ 300ຫຼັກ​ກິ​ໂລ​ແມັດ​ຕໍ່​ຊົ່ວ​ໂມງ ​ໄດ້​ທຳລາຍ​ໝູ່​ບ້ານ​ຫຼາຍໆແຫ່ງຢ່າງຮາບຄາບ ​ເຮັດ​ໃຫ້​ພວກ​ອາຄານ​ຍັງ​ເຫຼືອ​ແຕ່ຮ່າງ​ໄມ້ ​ແລະ​ຫຼັ​ງຄາ​ເຮືອນ​ຖືກ
ພັດ​ປິວ​ໄປ ພ້ອມ​ທັງ​ເຮັດ​ໃຫ້​ສາຍ​ໄຟຟ້າ​ຂາດ ​ແລະ​ຕົ້ນ​ໄມ້ຖືກ​ໂຄ່ນ​ລົງ​ທັງ​ຮາກ.

ເຈົ້າ​ໜ້າ​ທີ່​ໄດ້​ປະກາດ​ພາວະ​ສຸກ​ເສີນ​ໃນ​ທົ່ວໝູ່​ກາະ.

ປະທານາທິບໍດີ Vanuatu ທ່ານ Baldwin Lonsdale ​ໄດ້ຮ້ອງ​ຂໍການ​ຊ່ອຍ​ເຫຼືອ​ຈາກ​
ນາໆ​ຊາດ​ໃນ​ວັນ​ເສົາ​ວານ​ນີ້ ​ເວລາ​ທ່ານ​ກ່າວຄຳ​ປາ​ໄສ ​ຕໍ່​ກອງ​ປະຊຸມ​ສະຫະ​ປະຊາ​ຊາດ
ວ່າ​ດ້ວຍ​ການ​ລົດ​ຜ່ອນ​ໄພ​ຫາ​ຍະ​ນະ ​ທີ່​ຍີ່ປຸ່ນ.

Vanuatu cyclone
please wait
Embed

No media source currently available

0:00 0:02:12 0:00

XS
SM
MD
LG