ອິສຣາແອລ ແມ່ນບໍ່ສາມາດທີ່ຈະບັນລຸຄວາມຮຽກຮ້ອງຕ້ອງການຂອງ ສະຫະລັດ ເພື່ອອະນຸຍາດໃຫ້ມີການເຂົ້າຫາດ້ານມະນຸດສະທຳຫຼາຍກວ່າເກົ່າໃນເຂດ ກາຊາ, ບ່ອນທີ່ສະຖານະການຕ່າງໆແມ່ນຮ້າຍແຮງກວ່າຈຸດໃດໆໃນສົງຄາມດົນ 13 ເດືອນ, ອີງຕາມການກ່າວຂອງອົງການຊ່ວຍເຫຼືອສາກົນໃນວັນອັງຄານມື້ນີ້.
ລັດຖະບານທ່ານ ໄບເດັນ ໃນເດືອນທີ່ຜ່ານມາ ໄດ້ຮຽກຮ້ອງ ອິສຣາແອລ ໃຫ້ “ເພີ່ມ” ການຊ່ວຍເຫຼືອດ້ານອາຫານ ແລະ ສຸກເສີນອື່ນໆເຂົ້າໄປໃນເຂດ ກາຊາດ ໂດຍໃຫ້ເວລາຂີດເສັ້ນຕາຍ 30 ວັນ ທີ່ໄດ້ສິ້ນສຸດລົງໃນວັນອັງຄານມື້ນີ້. ເຂົາເຈົ້າໄດ້ເຕືອນວ່າ ການບໍ່ສາມາດທີ່ຈະປະຕິບບັດຕາມອາດກໍ່ໃຫ້ມີການໃຊ້ກົດໝາຍ ສະຫະລັດ ທີ່ຮຽກຮ້ອງໃຫ້ເຂົາເຈົ້າຫຼຸດຜ່ອນການສະໜັບສະໜູນທາງທະຫານ ໃນຂະນະທີ່ ອິສຣາແອລ ດຳເນີນການໂຈມຕີຕໍ່ກຸ່ມ ຮາມາສ ໃນເຂດ ກາຊາ ແລະ ກຸ່ມ ເຮັສໂບລລາ ໃນປະເທດ ເລບານອນ.
ອິສຣາແອລ ໄດ້ປະກາດຫຼາຍບາດກ້າວສຳລັບການເຮັດໃຫ້ສະຖານະການດີຂຶ້ນ. ແຕ່ບັນດາເຈົ້າໜ້າທີ່ ສະຫະລັດ ເມື່ອບໍ່ດົນມານີ້ໄດ້ໃຫ້ສັນຍານວ່າ ອິສຣາແອລ ຍັງບໍ່ໄດ້ເຮັດຫຼາຍພໍ, ແນວໃດກໍຕາມເຂົາເຈົ້າບໍ່ໄດ້ເວົ້າວ່າ ເຂົາເຈົ້າຈະເອົາມາດຕະການໃດໆຕໍ່ເຂົາ ອິສຣາແອລ ຫຼືບໍ່.
ນາຍົກລັດຖະມົນຕີຄົນໃໝ່ຂອງ ອິສຣາແອລ, ທ່ານ ກີດຽນ ຊາ, ປາກົດວ່າບໍ່ໄດ້ໃຫ້ຄວາມສຳຄັນຕໍ່ຂີດເສັ້ນຕາຍດັ່ງກ່າວ, ໂດຍກ່າວຕໍ່ບັນດານັກຂ່າວໃນວັນຈັນວານນີ້ວ່າ ລາວມີຄວາມໝັ້ນໃຈວ່າ “ບັນຫາດັ່ງກ່າວຈະໄດ້ຮັບການແກ້ໄຂ.” ລັດຖະບານທ່ານ ໄບເດັນ ອາດມີອຳນາດໜ້ອຍລົງຫຼັງຈາກການເລືອກຕັ້ງທ່ານ ດໍໂນລ ທຣຳ ຄືນ, ເຊິ່ງເປັນຜູ້ສະໜັບສະໜູນຄົນສຳຄັນຂອງ ອິສຣາແອລ ໃນການດຳລົງຕຳແໜ່ງສະໄໝທຳອິດຂອງທ່ານ.
ລາຍງານຂອງວັນອັງຄານມື້ນີ້, ທີ່ຂຽນໂດຍ 8 ອົງການຊ່ວຍເຫຼືອສາກົນ, ໄດ້ລະບຸມາດຕະການປະຕິບັດຂໍ້ຮຽກຮ້ອງຂອງ ສະຫະລັດ ໄວ້ 19 ຂໍ້ ໂດຍລະບຸວ່າ ອິສຣາແອລ ບໍ່ປະຕິບັດຕາມຂໍ້ຮຽກຮ້ອງ 15 ຂໍ້ ແລະ ປະຕິບັດຕາມພຽງບາງສ່ວນເທົ່ານັ້ນດ້ວຍ 4 ຂໍ້.
ຈົດໝາຍສະບັບວັນທີ 13 ທີ່ລົງນາມໂດຍລັດຖະມົນຕີການຕ່າງປະເທດ ສະຫະລັດ ທ່ານ ແອນໂທນີ ບລິງເຄັນ ແລະ ລັດຖະມົນຕີປ້ອງກັນປະເທດ ທ່ານ ລອຍດ໌ ອອສຕິນ ໄດ້ຮຽກຮ້ອງໃຫ້ອະນຸຍາດລົດສິນຄ້າບັນເທົາທຸກຢ່າງໜ້ອຍ 350 ຄັນເຂົ້າໄປໃນເຂດກາຊາໃນແຕ່ລະວັນ, ເປີດຈຸດຜ່ານແດນທີຫ້າ ເຂົ້າສູ່ດິນແດນທີ່ຖືກປິດລ້ອມນັ້ນ, ອະນຸຍາດໃຫ້ຜູ້ຄົນໃນສູນຕູບຜ້າແຄມຊາຍຝັ່ງທີ່ ອິສຣາແອລ ກຳນົດຂຶ້ນສາມາດອົບພະຍົບເຂົ້າໄປໃນແຜ່ນດິນໄດ້ ກ່ອນເຖິງລະດູໜາວ ແລະ ໃຫ້ກຸ່ມບັນເທົາທຸກສາມາດເດີນທາງເຂົ້າໄປໃນພາກເໜືອຂອງເຂດ ກາຊາ ທີ່ໄດ້ຮັບຜົນກະທົບຢ່າງຫນັກໄດ້. ນອກຈາກນີ້, ຈົດໝາຍຍັງຮຽກຮ້ອງໃຫ້ ອິສຣາແອລ ຢຸດການອອກກົດໝາຍທີ່ຈະຂັດຂວາງການດຳເນີນງານຂອງໜ່ວຍງານອົງການສະຫະປະຊາຊາດ ສຳລັບຜູ້ລີ້ໄພຊາວ ປາແລັສໄຕນ໌ ທີ່ເອີ້ນວ່າ UNRWA.
ອ່ານຂ່າວນີ້ເປັນພາສາອັງກິດ
Israel has failed to meet U.S. demands to allow greater humanitarian access to the Gaza Strip, where conditions are worse than at any point in the 13-month-old war, international aid organizations said Tuesday.
The Biden administration last month called on Israel to “surge” more food and other emergency aid into Gaza, giving it a 30-day deadline that was expiring Tuesday. It warned that failure to comply could trigger U.S. laws requiring it to scale back military support as Israel wages offensives against Hamas in Gaza and Hezbollah in Lebanon.
Israel has announced a series of steps toward improving the situation. But U.S. officials recently signaled that Israel still isn’t doing enough, though they haven't said if they will take any action against it.
Israel’s new foreign minister, Gideon Saar, appeared to downplay the deadline, telling reporters on Monday that he was confident “the issue would be solved.” The Biden administration may have less leverage after the reelection of Donald Trump, who was a staunch supporter of Israel in his first term.
Tuesday's report, authored by eight international aid organizations, listed 19 measures of compliance with the U.S. demands. It said that Israel had failed to comply with 15 and only partially complied with four.
An Oct. 13 letter signed by U.S. Secretary of State Antony Blinken and Defense Secretary Lloyd Austin called on Israel to, among other things, allow a minimum of 350 truckloads of goods to enter Gaza each day; open a fifth crossing into the besieged territory; allow people in Israeli-imposed coastal tent camps to move inland before the winter; and ensure access for aid groups to hard-hit northern Gaza. It also called on Israel to halt legislation that would hinder the operations of the U.N. agency for Palestinian refugees, known as UNRWA.
ຟໍຣັມສະແດງຄວາມຄິດເຫັນ