ລັດຖະບານຂອງເກົາຫຼີໃຕ້ ກໍາລັງພະຍາຍາມຄວບຄຸມຜົນກະທົບທາງດ້ານການ ເມືອງແລະດ້ານການທູດ ລຸນຫຼັງອົງການສື່ມວນຊົນຂອງສະຫະລັດລາຍງານວ່າ ສະຫະລັດ ເຊິ່ງເປັນປະເທດພັນທະມິດທີ່ຍາວນານຂອງພວກເຂົາເຈົ້າ ໄດ້ສອດ ແນມເບິ່ງເຈົ້າໜ້າທີ່ອະວຸໂສ ດ້ານຄວາມໝັ້ນຄົງ ຂອງເກົາຫຼີໃຕ້.
ຂໍ້ກ່າວຫາດັ່ງກ່າວ ເປີດເຜີຍອອກມາໃນວັນອາທິດແລ້ວນີ້ ເມື່ອໜັງສືພິມ New York Time ພິມເຜີຍແຜ່ລາຍລະອຽດທີ່ຮົ່ວໄຫຼຈາກການບັນທຶກຂໍ້ມູນ ຂອງສະ ຫະລັດ ໂດຍກ່າວເຖິງການປຶກສາຫາລືພາຍໃນທຳນຽບປະທານາທິບໍດີຂອງເກົາ ຫຼີໃຕ້ ກ່ຽວກັບວ່າ ຈະມີການຈັດສົ່ງອາວຸດໄປໃຫ້ຢູເຄຣນ ຫຼືບໍ່.
ບັນທຶກດັ່ງກ່າວ ເປັນສ່ວນນຶ່ງກ່ຽວກັບແຟ້ມເອກະສານລັບ ຂອງກອງທັບສະຫະ ລັດ ແລະຂໍ້ມູນສືບລັບ ທີ່ເປີດເຜີຍອອກມາຢູ່ໃນສື່ສັງຄົມອອນລາຍຢ່າງລຶກລັບ ເຊິ່ງໄດ້ສ້າງຄວາມເຈັບຫົວ ແລະຄວາມຫຼໍ່ແຫຼມດ້ານຄວາມໝັ້ນຄົງແຫ່ງຊາດ ໃຫ້ແກ່ວໍຊິງຕັນ ແລະບັນດາປະເທດພັນທະມິດຂອງພວກເຂົາເຈົ້າ.
ເຖິງແມ່ນວ່າ ລາຍງານສືບລັບ ທີ່ເພັ່ງເລັງໃສ່ເກົາຫຼີໃຕ້ ເບິ່ງຄືວ່າຈະມີການເປີດ ເຜີຍອອກມາພຽງເລັກໜ້ອຍ ຖ້າມີເລື້ອງເຮັດໃຫ້ປະຫຼາດໃຈ ຫຼື ຂໍ້ມູນຂ່າວສານມີຄວາມເສຍຫາຍ, ແຕ່ລາຍງານດັ່ງກ່າວນັ້ນ ແມ່ນມີພື້ນຖານມາຈາກສິ່ງທີ່ຮ້ອງວ່າ “ສັນຍານການສືບລັບ,” ເຊິ່ງເປັນແນວທາງທີ່ເຮັດໃຫ້ຮູ້ວ່າ ວໍຊິງຕັນ ກໍາລັງສອດແນມເບິ່ງ ນຶ່ງໃນພັນທະມິດທີ່ສໍາຄັນທີ່ສຸດຂອງພວກເຂົາເຈົ້າ.
