ຫົວໜ້າອົງການສັນຕິບານກາງ FBI ທ່ານ James Comey
ກ່່າວໃນວັນພະຫັດວານນີ້ວ່າ ບັນດາເຈົ້າໜ້າທີ່ສືບລັບ ໄດ້ທັບ
ມ້າງການວາງແຜນກໍ່ການ ຮ້າຍຈຳນວນນຶ່ງ ກ່ອນສະຫລອງ
ບຸນວັນຊາດ ຊຶ່ງເປັນວັນພັກຂອງປະເທດ.
ທ່ານ Comey ໄດ້ກ່າວຕໍ່ບັນດານັກຂ່າວວ່າ “ຂ້າພະເຈົ້າເຊື່ອ
ວ່າ ການປະຕິບັດງານຂອງພວກເຮົາ ໄດ້ລົບກວນຄວາມພະ
ຍາມທີ່ຈະສັງຫານຜູ້ຄົນ ຊຶ່ງມີທ່າທາງ ວ່າພົວພັນການສະ
ຫລອງວັນຊາດ ທີ 4 ເດືອກໍລະກົດ.”
ທ່ານກ່າວວ່າ ຫລາຍກວ່າ 10 ຄົນໄດ້ຖືກຈັບ. ແຕ່ທ່ານບໍ່ໄດ້
ໃຫ້ລາຍລະອຽດວ່າ ເຂົາເຈົ້າວາງແຜນຫຍັງ ຫລື ເຂົາເຈົ້າວາງແຜນໂຈມຕີຢູ່ບ່ອນໃດ.
ອົງການ FBI ແລະ ກະຊວງຮັກສາຄວາມປອດໄພ ພາຍໃນຂອງສະຫະລັດ ໄດ້ອອກຄຳ
ເຕືອນ ກ່ຽວກັບການໂຈມຕີທີ່ອາດມີຂຶ້ນ ໃນວັນທີ 4 ເດືອນກໍລະກົດ ໂດຍພວກກໍ່ການ
ຮ້າຍ ເວລາຊາວອາເມຣິກັນ ຫລາຍລ້ານຄົນ ພາກັນສະຫລອງ ວັນເອກກະລາດ ພ້ອມ
ດ້ວຍການສະແດງ ຄອນເສີດ ງານພາຕີ ປິກນິກ ແລະຈູດບັ້ງໄຟດອກ.
ທ່ານ Comey ກ່າວວ່າ ກຸ່ມລັດອິສລາມ ຊຸກຍູ້ໃຫ້ພວກທີ່ຖືກຊັກຊວນເປັນຜູ້ກໍ່ການຮ້າຍ
ຢູ່ຕາມເຂດຕ່າງໆ ອອກປະຕິບັດງານ ແລະພວກທີ່ຖືກຈັບກຸມຈຳນວນນຶ່ງ ໄດ້ຕິດຕໍ່ສົນ
ທະນາກັບພວກຫົວຮຸນແຮງ ຜ່ານການສົ່ງສານໃຊ້ລະຫັດລັບ.
ທ່ານ ກ່າວວ່າ ອົງການ FBI ໂດຍສະເພາະແລ້ວ ກຳລັງໄດ້ຮັບການທ້າທາຍ ເພາະວ່າ
ພວກກໍ່ການຮ້າຍທີ່ໄດ້ຮັບແຮງດົນໃຈຈາກກຸ່ມລັດອິສລາມ ແມ່ນຄາດ ການໄດ້ຍາກ
ແລະກໍປະຕິບັດງານຢ່າງກະທັນຫັນ.
