ທ່ານນາງ Angela Merkel ນາຍົກລັດຖະມົນຕີເຢຍລະມັນ
ບອກກຣີສວ່າ ຄວາມເສຍ ສະລະຂອງກຣີສ ໃນການຕັດການ
ໃຊ້ຈ່າຍຂອງລັດຖະບານລົງນັ້ນ ຈະໃຫ້ຜົນຢ່າງຄຸ້ມຄ່າ ຊຶ່ງເປັນ
ຖ້ອຍຄໍາທີ່ບໍ່ໄດ້ຮັບການເຫັນດີເຫັນພ້ອມນຳ ຈາກພວກປະທ້ວງ
ຫລາຍສິບພັນຄົນ ທີ່ພວມໂຮມຊຸມນຸມຕໍ່ຕ້ານການຢ້ຽມຢາມກຣີສ
ຂອງທ່ານນາງ.
ທ່ານນາງ Merkel ໄດ້ໃຫ້ຄວາມເຫັນດັ່ງກ່າວ ຫຼັງຈາກພົບປະ
ກັບທ່ານ Antonis Samaras ນາຍົກລັດຖະມົນຕີຫົວອານຸລັກ
ນິຍົມຂອງກຣີສ ທີ່ນະຄອນ Athens ໃນວັນອັງຄານວານນີ້. ການຢຸດແວ່ຢ້ຽມຢາມກຣີສເປັນເວລາ 5 ຊົ່ວໂມງຂອງທ່ານນາງ
Merkel ເປັນການຢ້ຽມຢາມປະເທດດັ່ງກ່າວຄັ້ງທໍາອິດ ນັບຕັ້ງແຕ່
ເລີ້ມມີວິກິດການໃນ ຂົງເຂດໃຊ້ເງິນຢູໂຣໃນຫລາຍປີກ່ອນ.
ມີການສົ່ງຕໍາຫລວດຫລາຍພັນຄົນໄປຮັກສາຄວາມສະຫງົບໃນທົ່ວນະຄອນຫລວງຂອງ ກຣີສ ເພື່ອຄວບຄຸມພວກປະທ້ວງຫລາຍກວ່າ 25 ພັນຄົນ. ຕໍາຫລວດໄດ້ປະທະກັນກັບ ພວກເດີນຂະບວນຈໍານວນນຶ່ງ ແລະໄດ້ຈັບຢ່າງໜ້ອຍ 40 ຄົນໄປຂັງ.
ພາບຊາວກຣີສປະທ້ວງ ການຢ້ຽມຢາມຂອງ ນາຍົກເຢຍລະມັນ:
ເບິ່ງວີດີໂອການນັດຢຸດງານປະທ້ວງຂອງຊາວກຣີສ ເມື່ອວັນທີ 26 ກັນຍາ:
![ເຄື່ອງກໍາບັງຂອງຕໍາຫລວດປາບການກໍຄວາມວຸ້ນວາຍ ຖືກນໍ້າສີຂອງພວກປະທ້ວງສາດໃສ່ ໃນໄລຍະທີ່ທໍາການປະທ້ວງ ຢູ່ຕໍໜ້າສະພາແຫ່ງຊາດ ທີ່ນະຄອນຫລວງ Athens ຂອງກຣີສ ໃນວັນທີ 9 ຕຸລາ 2012.]()
![ນັກປະທ້ວງຜູ້ນຶ່ງແກວ່ງບັ້ງໄຟໃສ່ຕໍາຫລວດປາບການກໍ່ຄວາມບໍສະຫງົບ ໃນຂະນະທີ່ມີການປະທະກັນ ໃນການປະທ້ວງ ຢູ່ຕໍ່ໜ້າສະພາແຫ່ງຊາດ ທີ່ນະຄອນຫລວງ Athens ຂອງກຣີສ ໃນວັນທີ 9 ຕຸລາ 2012.]()
![ຖັງຂີ້ເຫຍືອຖືກເຜົາໄໝ້ໃນຂະນະທີ່ ຕໍາຫລວດປາບການກໍ່ຄວາມບໍສະຫງົບ ກວດເບິ່ງ ໃນເວລາທີ່ມີການປະທະກັນ ໃນການປະທ້ວງ ຢູ່ຕໍ່ໜ້າສະພາແຫ່ງຊາດ ທີ່ນະຄອນຫລວງ Athens ຂອງກຣີສ ໃນວັນທີ 9 ຕຸລາ 2012.]()
![ນັກປະທ້ວງຜູ້ນຶ່ງຕອບໂຕ້ຄືນ ລຸນຫລັງທີ່ຕໍາຫລວດປາບການກໍ່ຄວາມບໍ່ສະຫງົບໃຊ້ລະເບີດນໍ້າຕາ ໃນຂະນະທີ່ມີການປະທະກັນ ຢູ່ກາງນະຄອນຫລວງ Athens ຂອງກຣີສ ໃນວັນທີ 9 ຕຸລາ 2012.]()
![ປະທານາທິບໍດີກຣີສ ທ່ານ Karolos Papoulias (ຂວາ) ເຂົ້າຮ່ວມກອງປະຊຸມກັບນາຍົກລັດຖະມົນຕີເຢຍລະມັນ, ທ່ານນາງ Angela Merkel (ຊ້າຍ) ທີ່ທໍານຽບຂອງ ປະທານາທິບໍດີ ທີ່ນະຄອນຫລວງ Athens ຂອງກຣີສ ໃນວັນທີ 9 ຕຸລາ 2012.]()
ຄວາມໂກດແຄ້ນຂອງພວກປະທ້ວງ ແມ່ນສືບເນື່ອງມາຈາກສະພາບການທີ່ປະເທດກຣິສ
ມີບັນຫາຫຍຸ້ງຍາກ ໃນການປະຕິບັດຕາມພັນທະ ທີ່ຕ້ອງໄດ້ເຮັດ ເພື່ອຄໍ້າປະກັນວ່າ ປະເທດດັ່ງກ່າວຈະຈ່າຍໜີ້ຕາມສັນຍາ ແລະຮັກສາການເປັນສະມາຊິກຂອງເຂດໃຊ້ເງິນ ຢູໂຣ ໄລຍະຍາວໄດ້. ລັດຖະບານຂອງທ່ານ Samaras ແມ່ນໄດ້ດໍາເນີນມາດຕະການ ປະຢັດເງິນຢ່າງໃຫຍ່ຫລວງຊຸດໃໝ່ ທີ່ບໍ່ໄດ້ຮັບຄວາມນິຍົມຈາກປະຊາຊົນຢ່າງຫລວງ ຫລວງ ໃນກຣີສ.
ທ່ານນາງ Merkel ໄດ້ຖືກປະນາມກ່ຽວກັບບົດບາດຂອງທ່ານນາງຢູ່ໃນກຣີສ ທີ່ສົ່ງເສີມ ໃຫ້ມີການນຳໃຊ້ມາດຕະການປະຢັດເຫລົ່ານັ້ນ ໂດຍສະເພາະຢູ່ໃນໄລຍະທີ່ກຣີສພວມດີ້ນ ຮົນຕໍ່ສູ້ກັບສະພາບເສດຖະກິດຊຸມໂຊມ ທີ່ກໍາລັງດຳເນີນຢູ່ໃນຂະນະນີ້.
ບອກກຣີສວ່າ ຄວາມເສຍ ສະລະຂອງກຣີສ ໃນການຕັດການ
ໃຊ້ຈ່າຍຂອງລັດຖະບານລົງນັ້ນ ຈະໃຫ້ຜົນຢ່າງຄຸ້ມຄ່າ ຊຶ່ງເປັນ
ຖ້ອຍຄໍາທີ່ບໍ່ໄດ້ຮັບການເຫັນດີເຫັນພ້ອມນຳ ຈາກພວກປະທ້ວງ
ຫລາຍສິບພັນຄົນ ທີ່ພວມໂຮມຊຸມນຸມຕໍ່ຕ້ານການຢ້ຽມຢາມກຣີສ
ຂອງທ່ານນາງ.
ທ່ານນາງ Merkel ໄດ້ໃຫ້ຄວາມເຫັນດັ່ງກ່າວ ຫຼັງຈາກພົບປະ
ກັບທ່ານ Antonis Samaras ນາຍົກລັດຖະມົນຕີຫົວອານຸລັກ
ນິຍົມຂອງກຣີສ ທີ່ນະຄອນ Athens ໃນວັນອັງຄານວານນີ້. ການຢຸດແວ່ຢ້ຽມຢາມກຣີສເປັນເວລາ 5 ຊົ່ວໂມງຂອງທ່ານນາງ
Merkel ເປັນການຢ້ຽມຢາມປະເທດດັ່ງກ່າວຄັ້ງທໍາອິດ ນັບຕັ້ງແຕ່
ເລີ້ມມີວິກິດການໃນ ຂົງເຂດໃຊ້ເງິນຢູໂຣໃນຫລາຍປີກ່ອນ.
ມີການສົ່ງຕໍາຫລວດຫລາຍພັນຄົນໄປຮັກສາຄວາມສະຫງົບໃນທົ່ວນະຄອນຫລວງຂອງ ກຣີສ ເພື່ອຄວບຄຸມພວກປະທ້ວງຫລາຍກວ່າ 25 ພັນຄົນ. ຕໍາຫລວດໄດ້ປະທະກັນກັບ ພວກເດີນຂະບວນຈໍານວນນຶ່ງ ແລະໄດ້ຈັບຢ່າງໜ້ອຍ 40 ຄົນໄປຂັງ.
ພາບຊາວກຣີສປະທ້ວງ ການຢ້ຽມຢາມຂອງ ນາຍົກເຢຍລະມັນ:
ເບິ່ງວີດີໂອການນັດຢຸດງານປະທ້ວງຂອງຊາວກຣີສ ເມື່ອວັນທີ 26 ກັນຍາ:
ຊາວກຣີສ ປະທ້ວງ ການຢ້ຽມຢາມ ຂອງຜູ້ນໍາເຢຍລະມັນ
ຄວາມໂກດແຄ້ນຂອງພວກປະທ້ວງ ແມ່ນສືບເນື່ອງມາຈາກສະພາບການທີ່ປະເທດກຣິສ
ມີບັນຫາຫຍຸ້ງຍາກ ໃນການປະຕິບັດຕາມພັນທະ ທີ່ຕ້ອງໄດ້ເຮັດ ເພື່ອຄໍ້າປະກັນວ່າ ປະເທດດັ່ງກ່າວຈະຈ່າຍໜີ້ຕາມສັນຍາ ແລະຮັກສາການເປັນສະມາຊິກຂອງເຂດໃຊ້ເງິນ ຢູໂຣ ໄລຍະຍາວໄດ້. ລັດຖະບານຂອງທ່ານ Samaras ແມ່ນໄດ້ດໍາເນີນມາດຕະການ ປະຢັດເງິນຢ່າງໃຫຍ່ຫລວງຊຸດໃໝ່ ທີ່ບໍ່ໄດ້ຮັບຄວາມນິຍົມຈາກປະຊາຊົນຢ່າງຫລວງ ຫລວງ ໃນກຣີສ.
ທ່ານນາງ Merkel ໄດ້ຖືກປະນາມກ່ຽວກັບບົດບາດຂອງທ່ານນາງຢູ່ໃນກຣີສ ທີ່ສົ່ງເສີມ ໃຫ້ມີການນຳໃຊ້ມາດຕະການປະຢັດເຫລົ່ານັ້ນ ໂດຍສະເພາະຢູ່ໃນໄລຍະທີ່ກຣີສພວມດີ້ນ ຮົນຕໍ່ສູ້ກັບສະພາບເສດຖະກິດຊຸມໂຊມ ທີ່ກໍາລັງດຳເນີນຢູ່ໃນຂະນະນີ້.