ນ້ຳຖ້ວມແລະດິນເຈື່ອນທ່ີເກີດຈາກລົມພາຍຸ hurricane ໃນລະດູຮ້ອນໃນພາກຕາເວັນອອກຂອງ
ມະຫາສມຸດປາຊີຟິກ ໄດ້ເອົາຊີວິດປະຊາຊົນໄປແລ້ວຢ່າງນ້ອຍ 96 ຄົນໃນທະວີບອະເມຣິກາກາງ.
ບັນດາເຈົ້າໜ້າທ່ີກ່າວວ່າ ປະຊາຊົນຈຳນວນຫລາຍກວ່າ 80 ຄົນເສຍຊີວິດໃນປະເທດ Guatemala
ແຫ່ງດຽວ ຮວມທັງເດັກນ້ອຍ 4 ຄົນຖືກໄຫລໜີໄປນຳດິນເຈື່ອນທັບ.
ໄດ້ມີລາຍງານເຊ່ນກັນວ່າ ມີຜູ້ຄົນເສຍຊີວິດໄປໃນປະເທດ El Salvador ແລະຮອງດູຣັສ. ປະເທດ
ເມັກຊິໂກກໍຖືກປະທະເຊັ່ນກັນຈາກລົມພາຍຸລະດູຮ້ອນ Agatha ຄັ້ງນີ້.
ປະຊາຊົນຈຳນວນຫລາຍກວ່າ 74 ພັນຄົນໃນຂົງເຂດໄດ້ຖືກບັງຄັບໃຫ້ຍົກຍ້າຍໜີຈາກບ້ານເຮືອນຂອງເຂົາເຈົ້າ.
ລົມພາຍຸລູກນີ້ໄດ້ປະທະຢ່າງໜັກໃນອະເມຣິກາກາງ ແລະເມັກຊິໂກໃນວັນເສົາແລະວັນອາທິດວານນີ້. ລົມພາຍຸ
Agatha ໄດ້ເຮັດໃຫ້ດິນເຈື່ອນຢູ່ໃກ້ໆກັບຊາຍແດນລະຫວ່າງ Guatemala ແລະເມັກຊິໂກໃນວັນເສົາຜ່ານມານີ້
ຊຶ່ງມີລົມພັດແຮງເຖິງ 75 ຫລັກກິໂລແມັດຕໍ່ຊົ່ວໂມງ.ສູນກາງລົມພາຍຸ hurricane ແຫ່ງຊາດຂອງສະຫະລັດທ່ີ
ນະຄອນ Miami ແຈ້ງໃຫ້ຊາບວ່າ ລູກພາຍຸລູກນີ້ກຳລັງເຄື່ອນໄປສູ່ທາງທິດຕາເວັນຕົກຂອງທະເລ Caribbean.
ຝົນຕົກໜັກຍັງດຳເນີນຕໍ່ມາໃນພາກສ່ວນຕ່າງໆຂອງ Guatemala, El Salvador ແລະຮົງດູຣັສນັ້ນ.