ແຜ່ນດິນໄຫວທີ່ຮ້າຍແຮງຂະໜາດ 6.2 ເຣັກເຕີ ໄດ້ກະທົບຕໍ່ພາກຕາເວັນຕົກສຽງໃຕ້ຂອງ ຍີ່ປຸ່ນໃນວັນພະຫັດວານນີ້ ເຮັດໃຫ້ມີຜູ້ເສຍຊີວິດ 9 ຄົນ ແລະໄດ້ຮັບບາດເຈັບຫລາຍຮ້ອຍຄົນ.
ສູນກາງແຜ່ນດິນໄຫວແມ່ນຢູ່ກາງເຂດ Kumamoto ປະມານ 1,300 ກິໂລແມັດທາງ ພາກໃຕ້ຂອງນະຄອນ Tokyo. ແຜ່ນດິນໄຫວໄດ້ສັ່ນສະເທື່ອນໃນຕອນຄໍ່າ ໃນເວລາຜູ້ ຄົນພາກັນຢູ່ບ້ານເຮືອນກິນເຂົ້າແລງ ເບິ່ງໂທລະພາບ ຫຼື ຫລັບນອນຫຼັຍໄຫຼຢູ່.
ຕຳຫລວດກ່າວວ່າ ມີຢ່າງໜ້ອຍເຮືອນ 19 ຫລັງໄດ້ຫັກພັງລົງ ແລະຢ້ານກົວວ່າມີຜູ້ຄົນ ຈຳນວນຫຼວງຫລາຍ ອາດຕິດຄ້າງຢູ່ໃຕ້ສາກຫັກພັງນັ້ນ. ໄດ້ມີຄວາມສັ່ນສະເທື່ອນຕິດ ຕາມາຫລາຍເທື່ອ ທີ່ເອີ້ນວ່າ aftershocks ໃນຕອນກາງເດິກ ຊຶ່ງຍິ່ງເຮັດໃຫ້ຄວາມ ພະຍາຍາມຊ່ອຍກູ້ໄພຍາກຍິ່ງຂຶ້ນ.
ທ່ານ Takahiko Morita ຊາວບ້ານທ້ອງຖິ່ນກ່າວຕໍ່ ນັກຂ່າວ NHK ຜ່ານການສຳພາດ ທາງໂທລະສັບວ່າ "ໄດ້ເກີດການສັ່ນສະເທື່ອນໂດຍທັນທີ ແລະເຮືອນທັງໝົດສັ່ນຢ່າງ ຮ້າຍແຮງລົ້ມລົງໄປທາງຂ້າງ. ເຄື່ອງເຮືອນ ແລະຮ້ານໄວ້ປື້ມຕົກລົງມາ ປື້ມຢາຍກະຈັດ ກະຈາຍຢູ່ຕາມພື້ນ.” ທ່ານຍັງກ່າວວ່າ ຝາເຮືອນຈຳນວນນຶ່ງໄດ້ຫັກພັງລົງມາ ແລະນໍ້າ ໃຊ້ໄດ້ຖືກຕັດຢູ່່ຄູ້ມບ້ານຂອງທ່ານ ໃນເມືອງ Mashiki.
ລັດຖະມົນຕີຂັ້ນສູງຍີ່ປຸ່ນ ທ່ານ Yoshihide Suga ກ່າວວ່າ ຂ້າພະເຈົ້າໄດ້ຮຽກຮ້ອງໃຫ້ ຜູ້ຄົນຢູ່ເຂດເສຍຫາຍໃຫ້ຢູ່ໃນຄວາມສະຫງົບ ແລະຊ່ວຍເຫລືອຊຶ່ງກັນແລະກັນ ພວກເຮົາ ກຳລັງປະຕິບັດງານຢ່າງສຸດຂີດ ແລະຈັດໃຫ້ເອົາມາດຕະການຢ່າງສຸກເສີນກ່ຽວກັບຄວາມ ຫາຍະນະນີ້ ຈັດໃຫ້ເປັນບຖລິມະສິດໃນຄວາມພະຍາຍາມເພື່ອຊ່ວຍຊີວິດແລະກູ້ໄພ ບັນດາພວກເຄາະຮ້າຍ ດັ່ງກ່າວນີ້.”